اجار منتهي باتمليك ادخل لاهنت

وعليكم السلام
الموضوع بسيط مدام ماوقعت استلام السياره
كلمهم والغي الطلب الفلوس راح ترجعلك
انا حصل معاي نفس موضوعك بس انا بنك الراجحي
واسترديت المبلغ الي دفعته ٢٠٠٠٠ الف
اهم شي روح بدري وخلص الموضوع
الله يحفظك

اذا ال١٠٠ الف كاش موب قرض خذلك قرض شخصي ٣٠ الف و اشترها و فايدة قليل

اجار منتهي بالتمليك نصابين محتالين
حتى فالتأمين يغشونك لا صار على الموتر حادث ولا يعطونك حقك كامل .. اساسا الفلوس ما تأخذه أنت.
خويي طاح فيها و ابتلش.
وبغض النظر عن قول العلماء أنها حرام مثل الشيخ صالح الفوزان وغيره
حتى قرار مجمع الفقه الإسلامي لما تكلم عن الصور التي تجعله جائز
للأسف حاولت ابحث إذا موجودة هالشروط ولا لا .. لكن طلع بعضها موجود وبعضها لا فتكون فالاخير حرام.

والقرض الشخصي ربا .. والربا حرام .. راجع فتاوى ابن باز وغيره

نصيحتي إذا لك رغبة في السيارة شف احد يسلفك بدون ربا
أو اجمع .. أو شف لك موتر على قد فلوسك.

و الله يبارك لك في السيارة اللي بتشتريها.

اسحب فلوسك كامله من بنك واذا عندك صرفه حق بنك اخرى اودعها فيها 
فايده ٣٧ الف وربي كثير جدا 
وانت عندك ١٠٠ الف كاش 

البنك سحبو الفلوس يوم الخميس الي راح . وانا افكر فيها ٣٧ الف فوائد !!

والله يا الليل مانمته كرهت السياره وما ابغى استلمها ولا عاد ابغاها

ابروح اليوم واشوف إيش يصير!

مدري اطلب استرداد و الا الشكوى لله
القسط نزل و مقدور عليه
اذا جا وقت الدفعة الاخيرة يصير ان شاء الله
تكون مستخدمها و محللها و تبيعها مقابل تسديد ال٣٠ الف

دائما" و ابدا" الدفعة الاولى بدون 0%
او الحد الادنى 5%
وقت التنازل او لا قدر الله تالف تكون الخسارة بسيطة

37 الف تقول عنها فوائد

ع كم سنه

التامين بيكون شامل فترة العقد

لكن البلا لاقدر الله صار عليها حادث وصارت في حكم تالف

الدفعه الاولى باح مامعك شئ ولا اعتقد بيردون لك المبلغ كامل


لكن انت وين عقلك يوم تعطيهم 100 دفعه ما استشرت ماسالت ماتكلمت
ع الاقل كان حطيت موضوع هنا وهنا نفيدك


بـ100 تقدر تشتري لك ازيرا استاندر بانوراما

اوكامري فل

او سوناتا

او التيما

او مكسيما

الله يصلحك

حرام تدفع ٩٥ وتقعد تقسط ٥ سنوات والسيارة باسم البنك خمس سنوات .. لا قدر لو صار حادث وصارت تالف ، البنك هو اللي بياخذ تعويض التامين وبيحسبون عليك الكيلوات والاستهلاك ويخصمونها من الدفعة وبيروح عليك مبلغ كبير .. زي ما قالوا الشباب خذ ال١٠٠ حقتك وحاول تدبر ال٣٠ الباقية وخذها كاش 

١٠٠الف إذا خاطرك بنفس نوع السيارة  بتحصل مستعمل وممشى اقل من ١٥الف كيلو 
استعجلت الصراحة 

حسبوها لك ككذا لان ع خمس سنوات وتقدر تقلل المده ويقل معك الفايده او بالاصح الاجمالي

نعم تستطيع الا اذا كان هناك شرط جزائي اقرا العقد

انت باقي ماستلمت السيارة في وقت ان شالله اهم شي عجل في الموضوع

والله موفق

مادونا نغثك أكثر من اللازم
لكن أول مرة تمر علينا الدفعة أكثر من المبلغ المتبقي

أقسم بالله العظيم لو كنت مكان الموظف وجيتني بنفس وضعك هذا إني راح أنصحك بالشي اللي فيه فائدة لك وأترك الفائدة اللي بتجيني من وراك لأن كل موظف يبيع سيارة الظاهر له مبلغ معين
الواحد لازم يكون فيه خير ويحب الخير لنفسه والناس وهذا أمر ديني قبل كل شيء..
قال صلى الله عليه وسلم(( من كان يؤمن بالله واليوم الآخر فليحب لأخيه ما يحب لنفسه ))

عموماً حاول قد ماتقدر تلغي العقد وتاخذ دراهمك وتشتري سيارة بحدود المبلغ اللي معاك أو تصبر فترة الين ما يتدبر باقي المبلغ وتاخذ الموتر اللي يناسبك وقبل كل شيء اسأل من تثق فيه واطرح الموضوع بالمنتدى لأن فيه ناس عندهم خبرة بالبيع والشراء وأكيد راح تستفيد من نصائحهم وأفكارهم

أسأل الله أن يكتب لك مافيه خير لك

اكبر غلطة انك تدفع دفعة اولى كبيرة في تأجير منتهي بالتمليك
دائما خليها اخيرة , لو خليت 100 الف اخيرة ابرك لك
لأنه لاقدر الله وسويت حادث , بيطلعوها تالف وبيحسبوها عليك تأجير وبيطير عليك اغلب المبلغ في حساب التسويات بالنصب حقهم
الله يعيينك

الله يجزاكم خير.
بوافيكم بالجديد إن شاء الله

الحق عليهم قبل يشترون السياره وتنقل بأسم البنك
كا مالك
و بأسمك كا مستخدددم

هاه بشرنا وش صار معاك يارجل

ردوا لك المبلغ ولا زحلطن

يقولون قبلنا طلبك ولاكن لحد الان مارجعو الدفعه لحسابي صار لي اسبوع انتضر

وكل ما اروح يقولو انتضر الاسبوع الجاي ، احسهم طولو

حضرتك ليه تخلي القسط علي 5 سنين .. اذا سيارة قيمتها 130 الف و معاك قدرة 100 الف افضل حل هو دفع 30 مقدم و عمل تقسيط بقيمة عالية جدا لمده سنه او سنتين بالكثير و دفعه نهائية عالية جدا يعني قسط 3 ولا 3.5 الف ريال شهري و علي سنه ونص تكون خلصت

ابشركم رديت المبلغ وتم الغاء الطلب ولله الحمد.

باسمي اشكر الجميع لبى قلوبكم