لو سمحتوا مقارنه بين اللكزس واللاند

المميزات والمواصفات للكزس موجوده في موقع لكزس السعودية و بالنسبه للاندكروزر تلقاها موجوده في موقع تيوتا السعودية مع الاسعار ايضا

ناس تقارن بين الديزل و الاربع سلندر
و ناس تقارن LX و Vxr
ارزاق

بعيدًا عن موضوع المواصفات ترا الفرق بالراحة والرساوة والثبات وانظمة الامان فرق السماء عن الارض

مثل ماقال بو وليد ، يفرق بالراحه والسسبنشن واذا ماخاب ظني حتى القير يفرق بس مكاين وحده 
واهم فرق ب العلامه (: هذا لكزس وهذا تويوتا .. 

تقدر ع قيمة اللكزس خذه ازين .. 
اتوقع الفكسار ب ٣٠٠ تقريبا واللكزس ٤٠٠ 
دامك وصلت ال ٣٠٠ زودها واطنخ 
لان لو ركبت فكسار فل كامل كذا ولا كذا قالولك لند 
كان عندي فكسار ٢٠٠٩ فل كامل ، وحالي مع حال جي اكس كلنا لند 
بس ك كشخه وطناخه لكزس 

والله يهنيك ب الي بتاخذه وبالتوفيق 

فيه نوع طلع من موديل 2016 vxs
أعلى وأغلى من الvxr

مواصفات عالية وشكله رايق بمعنى الكلمة

لكن أتوقع اللكزس غير من جميع النواحي َولا يعيبه إلا قطع غياره الغالية وصيانته العالية

شكراً لك ابو عبدالله riyadh : الكاتلوجات والمواقع كلام كثير وانا ابي الموجز والمهم
1405-1985 : الله ييسر أمرك ويرزقك الرزق الحلال
0abo_waleed0 : أشكرك ع التوضيح
m7md 33 : شكراً على الطرح والرأي

وطلبي محدد وهو الأنظمة والمواصفات اللي يفرق بها اللكزس عن اللاند (الفل كامل)

عندك رادار باللكزس واربع كاميرات واتوقع بروجكتر جودة القطع الداخلية والجلود لصالح اللكزس داخلية اللكزس افخم والشكل مايحتاج اقولك انت وذوقك الراحة والعزل عندي فكسار ٢٠١٢ مكينة لكزس مضبوط لا اصوات هواء ولا شيء  

نفس السياره الفرق بشكل الخارجي .

واذا لكزس راح تدفع اكثر بنسبة للقطع .

اذا يهمك السمعه خذ لكزس واذا يهمك انها تخدمك خذ VX