انتبهوا من شركات التأمين وشروطهم يا إخوان
7
1
إضغط هنا للإخفاء
السسسلام عليكم
اسعد الله اوقاتكم بكل خير
مالكم بالطويلة
جتني رسالة اليوم من شركة ( سوليدرتي ) لتأمين السيارات
(( عزيزي العميل .. بموجب المطالبة رقم ......... يرجى التكرم بسرعة سداد المبلغ المستحق عليكم لصالح شركة سوليدرتي السعودية للتكافل بسبب مخالفتكم شروط واحكام وثيقة تامين المركبات الخ ...
خلال 5 ايام عمل كحد أقصى وفي حال عدم السداد يؤسفنا افادتكم انه سيتم رفع بياناتكم لدى سمه . ))
كلمتهم واستفسرت !! قالوا لي انت مأمن في جدّه مكتب تأمين وقايلهم ان سكنك في جده وانت بالرياض .. وهذا اخلال بالوثيقة
وقلت لهم انا شريت سيارة من جدة والرجال قريب لي هو اللي خلص باقي اجراءات السيارة ولا ندري عن هالشروط
الزبدة حاولت اعرف المبلغ المطلوب قال راجع مكاتبنا ..
يعني شي غريب صراحة
وش دخلكم ان شاء الله اسوي تامين في خرخير وسيارتي معي ومعطيكم فلوسكم واخرتها سمه واضرب واطرح !!!
وش الحل معهم ؟؟ هل أسحب عليهم !!
يوقفون خدماتي ولا أدري عن المبلغ هل هو دسم أو لا؟
مع العلم ان الموظفة تقولي أرفع شكوى على مكتب التأمين انه كتب المعلومات غير صحيحة
والخ ....
والله صار الوضع مصخرة مع شركات التأمين
إبلاغ
الردود
علشان لو ما عجبك الوضع تشتكيهم لمؤسسة النقد قبل ما هم يشتكوك
2
0
اذا مو مكتوب قل لهم مالكم شغل بمكان سكني لأني نقلت للرياض ومالكم شي عندي
1
0
وعوضوا السيارة الثانية فوق 30 الف ريال
وشكلهم انقهروا مني بالسالفة هذي ويبون يجيبون التامين مني
يبوني اسددهم 30 الف والا يرفعونها لسمه وسمه توقف حساباتي
ماهو منطق ياجماعة
1
0
بس اشتكي او ماتطلع من مكتبهم وش هالنظام يعنى اشتري بس من مدينتي!!!
2
0
بعدين انتقالك للرياض اهم شي وقت التامين تجيب اثبات ان سكنك في جده
1
0
الا اذا هم حاطين جدة خارج الحدود ماندري
بس فيه لبس الموضوع
0
0
ماعندي خبره بالموضوع بس انهرت مثلك
ان شاء الله يكون الموضوع بسيط وتتسهل
بالتوفيق
0
0
0
0
يسويه لك وروح لهم وعينك قوية وتشخص وتضبك وادخل بعين اي احد
اقلب عليهم قبل ما يقلبو عليك ويحطونك بسمة وقولهم هذي ديرتي اسكن وين ما ابي مالكم الا فلوسكم
اجل تمنعوني امن في جده وانا جاي لها دورة عمل وش قله الحيا ذي وربي موضوعك قهرني
لا تهمل الموضوع انتبه عشان لا تطلع غلطان
0
0
يعني انا الان مأمن بالرياض وقعدتي بالرياض
فرضا لو سافرت اي مدينه ثانيه وصار علي حادث التامين مايغطي الا بالرياض
ايشششش الخمبقه هذه
0
0
ومشاعركم تكفي وانا والله انقهرت وشي يغبن
ولي عودة بموضوع جديد وبقولكم وش صار معي بالضبط وبنفس الوقت اعطي تحذير للجميع
0
0
ارفع شكوى ف مؤسسة النقد و قدم شكوى ف وزارة التجارة
و حاول تجيب أي إثبات على انك كنت ف جدة
و تستشير أي محامي ف تويتر
و عندك المحامي عبدالله بن علي العبود ارسل له على الخاص وان شاء الله يرد عليك
أو روح أقرب مكتب محاماة وتكلفة الإستشارة أقل من ألف ريال
2
0
0
0
اصلا هم يشيكون على ابشر و ابشر مربوط في العنوان الوطني
طيب لو انا حاط في ابشر عنوان وطني حقي بالرياض و فعلا انا ساكن بالرياض
و لقيت وظيفة افضل في جدة طبعا بروح جدة !!
يعني خلاص ما اشتري سيارة من جدة لازم من الرياض !!!
مو معقولة اصلاا الى قالوه لك
اتصل على مؤسسة النقد و استفسر هم بيعطونك الاكيد
قبل 6 سنه و شهر