أضف سؤال أو موضوع جديد          

انتبهوا من شركات التأمين وشروطهم يا إخوان

up 7 down 1
الاحترافي 1302
قبل 3 شهر و أسبوع



السسسلام عليكم

اسعد الله اوقاتكم بكل خير

مالكم بالطويلة

جتني رسالة اليوم من شركة ( سوليدرتي ) لتأمين السيارات
(( عزيزي العميل .. بموجب المطالبة رقم ......... يرجى التكرم بسرعة سداد المبلغ المستحق عليكم لصالح شركة سوليدرتي السعودية للتكافل بسبب مخالفتكم شروط واحكام وثيقة تامين المركبات الخ ...
خلال 5 ايام عمل كحد أقصى وفي حال عدم السداد يؤسفنا افادتكم انه سيتم رفع بياناتكم لدى سمه . ))

كلمتهم واستفسرت !! قالوا لي انت مأمن في جدّه مكتب تأمين وقايلهم ان سكنك في جده وانت بالرياض .. وهذا اخلال بالوثيقة

وقلت لهم انا شريت سيارة من جدة والرجال قريب لي هو اللي خلص باقي اجراءات السيارة ولا ندري عن هالشروط

الزبدة حاولت اعرف المبلغ المطلوب قال راجع مكاتبنا ..

يعني شي غريب صراحة

وش دخلكم ان شاء الله اسوي تامين في خرخير وسيارتي معي ومعطيكم فلوسكم واخرتها سمه واضرب واطرح !!!

وش الحل معهم ؟؟ هل أسحب عليهم !!

يوقفون خدماتي ولا أدري عن المبلغ هل هو دسم أو لا؟

مع العلم ان الموظفة تقولي أرفع شكوى على مكتب التأمين انه كتب المعلومات غير صحيحة

والخ ....

والله صار الوضع مصخرة مع شركات التأمين








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شي ما يدخل المخ اصلا !!!!!

اصلا هم يشيكون على ابشر و ابشر مربوط في العنوان الوطني 

طيب لو انا حاط في ابشر عنوان وطني حقي بالرياض و فعلا انا ساكن بالرياض 

و لقيت وظيفة افضل في جدة طبعا بروح جدة !!

يعني خلاص ما اشتري سيارة من جدة لازم من الرياض !!!

مو معقولة اصلاا الى قالوه لك 

اتصل على مؤسسة النقد و استفسر هم بيعطونك الاكيد 


up 5 down 0
تشليح هوم 22
قبل 3 شهر و أسبوع



نصيحة راجعهم وافهم الموضوع ولا تهمله وتتورط

علشان لو ما عجبك الوضع تشتكيهم لمؤسسة النقد قبل ما هم يشتكوك


up 2 down 0
أبو عبادة 4334
قبل 3 شهر و أسبوع



راجع وثيقة التأمين ، اذا مكتوب فيها ان التأمين يشمل جده فقط "وهذا مستحيل" اشتك عليهم
اذا مو مكتوب قل لهم مالكم شغل بمكان سكني لأني نقلت للرياض ومالكم شي عندي


up 1 down 0
0abo_waleed0 97
قبل 3 شهر و أسبوع



مو انا سويت حادث قوي بالسيارة والتامين عليهم

وعوضوا السيارة الثانية فوق 30 الف ريال

وشكلهم انقهروا مني بالسالفة هذي ويبون يجيبون التامين مني

يبوني اسددهم 30 الف والا يرفعونها لسمه وسمه توقف حساباتي

ماهو منطق ياجماعة


up 1 down 0
الاحترافي 1302
قبل 3 شهر و أسبوع



اخوي اللي اعرفه كل مدينة لها سعر والرياض الظاهر اعلى سعر وبيطالبون بالفرق اتوقع

بس اشتكي او ماتطلع من مكتبهم وش هالنظام يعنى اشتري بس من مدينتي!!!


up 2 down 0
bander03 158
قبل 3 شهر و أسبوع



مالك الى تدبر اي شي يثبت ان في تاريخ تامينك كنت ساكن في جده اما عقد ايجار او اي شي ومو مهم
بعدين انتقالك للرياض اهم شي وقت التامين تجيب اثبات ان سكنك في جده



up 1 down 0
Pro rare 451
قبل 3 شهر و أسبوع



شي غريب وثيقة التامين مكتوب فيها داخل حدود المملكة
الا اذا هم حاطين جدة خارج الحدود ماندري
بس فيه لبس الموضوع



up 0 down 0
باترول 2020 2446
قبل 3 شهر و أسبوع



الله يعينك عليهم ويقويك 
ماعندي خبره بالموضوع بس انهرت مثلك 

ان شاء الله يكون الموضوع بسيط وتتسهل 

بالتوفيق


up 0 down 0
m7md 33 757
قبل 3 شهر و أسبوع



الله يكون بعونك وينصرك عليهم شركات اليهود الله ينتقم منهم


up 0 down 0
ain501 141
قبل 3 شهر و أسبوع



روح لهم وقولهم انا جيت دورة لجده وسكنت بشقه ايجار وجيب اي عقد من مكتب عقار في جده ب 200 ريال اي مصري او سوداني
يسويه لك وروح لهم وعينك قوية وتشخص وتضبك وادخل بعين اي احد
اقلب عليهم قبل ما يقلبو عليك ويحطونك بسمة وقولهم هذي ديرتي اسكن وين ما ابي مالكم الا فلوسكم
اجل تمنعوني امن في جده وانا جاي لها دورة عمل وش قله الحيا ذي وربي موضوعك قهرني

لا تهمل الموضوع انتبه عشان لا تطلع غلطان


up 0 down 0
الملكيه 49
قبل 3 شهر



والله غريبه

يعني انا الان مأمن بالرياض وقعدتي بالرياض
فرضا لو سافرت اي مدينه ثانيه وصار علي حادث التامين مايغطي الا بالرياض

ايشششش الخمبقه هذه


up 0 down 0
aboahmed2014 778
قبل 3 شهر



الله يسعدكم جميعا دون استثناء

ومشاعركم تكفي وانا والله انقهرت وشي يغبن

ولي عودة بموضوع جديد وبقولكم وش صار معي بالضبط وبنفس الوقت اعطي تحذير للجميع




up 0 down 0
الاحترافي 1302
قبل 3 شهر



و الله وانا اخوك تغدر فيهم قبل ما يتعشون فيك
ارفع شكوى ف مؤسسة النقد و قدم شكوى ف وزارة التجارة
و حاول تجيب أي إثبات على انك كنت ف جدة
و تستشير أي محامي ف تويتر
و عندك المحامي عبدالله بن علي العبود ارسل له على الخاص وان شاء الله يرد عليك
أو روح أقرب مكتب محاماة وتكلفة الإستشارة أقل من ألف ريال


up 2 down 0



وش المصخره ذي يعني انقز لكل ديره اسوي تأمين احتياط هههههههههه !!؟


up 0 down 0
nawafabdullah 59
قبل 3 شهر