تاهو ويوكن واكسبديشن

قارن بين
الاسعار
المواصفات
اسعار الصيانه
قطع الغيار
شاهد تجارب الخبراء على النت
خذ تجربة قيادة من الوكاله
بعدها استخير الله وقرر

النااس اذواق وكلها مايعيبها شي ،، الاكسبيديشن أفضل منها في صرفية البنزين

عموما اليوكن و التاهو متطابقة ميكانيكيا تبقى مسألة الذوق للاختيار
الفورد يميزه الشكل جديد و الوسع أفضل

والله نصيحتي من واقع تجربة اكسبديشن لا يعلى عليه وخاصة مديل 2018
شكله جدا جميل واقتصادي جدا في الوقود
والقير عشر نمر وانت ماشي 140 وضغط المكينة على 1
وصيانة توكيلات الجزيرة بكل صدق ممتازة
ويكفيك الصيانة المجانية لمدة 82000 كلم
ولا تدفع شي حتى قيمة الزيت عليهم طبعا بالنسة للكاش

والله ياخوي .. 

واحد من الزملاء كان معه يوكن ٢٠٠٧ وباعه واخذ اكسبدشن ٢٠٠٩
يقول الفرق الاكبسدشن اريح واوسع وحتى الصف الثالث فرق كبير بالراحه .. 

طبعا هذا كلامه .. 

انت عن نفسي افضل اليوكن لاني اعشق ال GMC .. 
وموديل ٢٠١٨ مو هين كثير يمدحونه واريح كثير من الشكل السابق 
وبالنسبه للصرفية وحسب ما اسمع ان الجمس بينزلونه ب ٦ سلندر .. 
وان كان الكلام صحيح اتوقع والعلم عند الله بيكون افضل من الاكسبدشن 

صحيح الاكسبدشن ممتاز ، بس لو ترجع لتاريخ الاكسبدشن كان معروف بالقيور 
سواء موديلات التسعينات او بداية ال ٢٠٠٠ 

وبالنسبه للجمس مافي عيوب تذكر .. ومعظم الخرابات كانت من سوء استخدام 

صلي ركعتين واستخير ربك ، وان شاء الله الامور طيبه

اكسبديشن افضل تدري ليه يتميز انه واسع جدا حتى مرتبة صف الثالث شخص بالغ حطه فيها مرتاح

نظام تعليق جدا مريح تحس كانه بوالين من راحة افضل من يوكن

رح تحسس ديكورات سيارة في اكسبديشن ملمسها ريحتها تحصلها افضل من تاهو ويوكن

اعتمادية محركات ايكوبوست جدا عملية وحقت كرف ومحرك 5.3 فورتيك قديم كان عملي وقوي

لكن ايكوتيك من بعد تطورات وتغيرات وخبصه عقدوا كل شيء ونزلوا جودة لذلك ما انصحك

لو بتاخذ اكسبدشن xlt فهو يفقد الكثير من المواصفات
مقارنه باليوكن sle او التاهو lt
لكن لو بتاخذ الفئه العاليه من الاكسبدشن
فارشح لك الاكسبدشن

ماقصرتو جمعيا وكل الشكر لكم 
انا راح اجربهم  وراح استخير ان شاء الله 

يامحمد جاي تقول مشهوره بالقيور في التسعينات ؟

تذكر هونداي في التسعينات من يبيها ؟

على اساس جودة الشفر تطورت بعد التسعينات ولا سقطت سقوط مدووى بدايه ال 2000 والى يومنا ذآ شفر في الحضيض ؟

فورد هي اللي تطورت فقط

اي والله كانت مشهوره بالقيور واكثر من شخص اعرفه 
وحتى الاكسبلورر كذلك مشكلته بالقير كانت

ويالنسبه لهونداي لا انا الي كنت ابيها والى الان ما ابيها ولا بركبها ان شاء الله 
سيارات كنها ورق ولا فيها سلامه ، غير مشاكلها مكاين ومكيفات 

الشفر تقول طاحت ، الي طاحت اساسا ماهي شفر 
ان كان قصدك كابرس ولومينا تراهي استراليه من شركه فيوكسهل 
وان كانك تقصد اوبترا وابيكا تراهم كوريين من دايو 
الي كان صدق شفر السوبر والسلفرادو واعتقد ماعليهم كلام 

وبالنسبه للفورد الي تقول تطورت معليش ، بوشو ؟؟ 
اتوقع تطورت بزياده اسعار القطع 
اجل فيوجن ٢٠٠٨ تسوى ٨٠٠٠ وتصليح مكيفها يكلف فوق ٣٠٠٠ 
ولا المونديو اعوذ بالله ولا الفوكس ولا ولا 

مابقى فيها الا الكسبدشن وال اف ١٥٠ ، والله يستر من ال ٦ سلندر الجديد 
ماصدقنا تحسنوا ب ٢٠٠٧

على حسب الاستخدام ياحبيبي على حسب الاستخدام الجمس فيه ناس تسبه والفرد بعد في ناس تسبه مافيه سيارة مافيها عيوب

ابحث عن قروبات للسيارتين بالنت تلقرام او واتس وادخل فيها بتلقى مئات مستخدمين السيارة

اسألهم عن رايهم وتجربتهم مع السيارة ويفيدونك ان شاء الله

بالنسبة للتقرام البحث فيه سهل
ادخل التطبيق واضغط خانة البحث واكتب اكسبدشن بتلقى قروبين ادخل بهم واسأل