تهريب في زيت قير كامري اوتو 2002

عندي كامري 2002 اوتوماتيك V6 طلع فيها تهريب زيت القير بين المكينة و القير ..

روحت لمتخصص بالقير قال لي المشكلة عندك طرمبة القير خربانة تحتاج تغيير ..

قلت طيب تمام بجيب لك الطرمبة جديدة و أجي أركبها قال ما تجي الطرمبة جديدة يا تشليح يا تفكها من قير وارد و هي موجودة عندي و بمبلغ 700 ريال ..

قلت طيب بجيب الصوفة حق القير و الفلتر و وجه الكرتير و صوف عكوس أبغاك تشتغل مرة وحدة تغير كل شيء يخص تهريب زيت القير ..

قال الصوفة لا تجيبها لأنها مع الطرمبة بس جيب لي الفلتر و وجه الكرتير و الزيت و غرا ..

المشكلة هنا أن الرجال لما قال لا تجيب صوفة القير بديت أتخوف من كلامه مع أني متأكد أي متخصص رح يقول غيّر صوفة قير أو بالأصح يركب صوفة جديدة عشان توقف التهريب ..

زبدة الموضوع ما قد سمعت بشيء أسمه طرمبة قير و إذا كان فيه هل يوجد جديد أو لا ؟ و هل أحد مرّت عليه هالمشكلة يفيدنا ؟

إبلاغ

الردود

يمكن هو يقصد هي نفسها طرمبة زيت القير
مهمتها تبريد الزيت فقط
ولو صار تهريب بيكون اما بسبب البطيخة
أو بسبب (((جلبة))) الطرمبة
وليس الطرمبة نفسها

بكل الاحوال الجير محتاج حذر ، وشخص فاهم وهمه مو الفلوس ، لكن همه يصلح لك المشكلة
انتبه من بعض السورين عاملين نفسهم فاهمين بالجير ، وهم بس يبون الربح
تروح لهم يعطونك سعر فلكي ويكلمونك من طرف خشومهم كأنهم بيتصدقون عليك...

شف ميكانيكي فاهم ، وبالتوفيق

الابداع التقني1 165
قبل 6 سنه

حياك الله

اول شي التهريب جامد ولا خفيف جدا ؟؟

ثاني شي حرارة القير ترتفع معك ؟؟

ثالث شي تسمع صوت السيارة (خشونه )يختلف من الفاضي لD

رابع شي التهريب طلع فجأة او قد له فترة؟؟؟

ابو حسين.......... 1024
قبل 6 سنه

اخ khalil99ss الله يرضى عليك هذا همي لا يكون يسوي فاهم على راسي و سيارتي ما فيها الا تهريب و هو يبغى يصلخ الأول و التالي

ali_aseery 1
قبل 6 سنه

ابو حسين التهريب لاحظت أنه تنقيط و اذا وقفت السيارة يومين يكون تحتها بقعة من ناحية حرارة لا الحمدلله ما فيه من ناحية الخشونة لا الحمدلله عادية جداً الحمدلله من ناحية التهريب لاحظته من فترة بعد ما غيرت زيت القير ما ادري اذا هو زاد الزيت عن حده مع العلم اني مشيت 20 الف ما لاحظت تهريب و بعدها ظهر لي مع العلم اني لما أشوف العيار ألقى الزيت أعلى من العيار و لكن كلام لي غير لي الزيت قال طبيعي يكون مرتفع طبعاً السيارة واقفة ما تتحرك الا كل شهر أو شهرين مشوار بسيط و توقف

ali_aseery 1
قبل 6 سنه

طبعا جوة طرمبة الزيت في جلبة دائرية حديد هذي السبب في التهريب ولكن استبعد انها من الطرمبة

قد تكون المشكلة من الصوفة حق طنجرة القير اللي هي صوفة القير وهذا الاحتمال الاكبر وايضا شيك على صوف العكوس ممكن التهريب منها نفسها

انت اشرط عليه مثلا لو كانت صوفة بس كم راح ياخذ ،،ولو كانت طرمبة لاقدر الله كم راح ياخذ ،،خذ حساباتك قبل يشتغل السيارة والافضل تروح عند اكثر من واحد عشان تقطع الحق باليقين والله يوفقك

طبعا قد انكسرت عندي الجلبة حقت الطرمبة وكان الزيت ينزل كانك تصبه من علبه وصوت السيارة خشن جدا

وبالنسبة لك اعتقد صوفة طنجرة لااكثر ورد لنا خبر

ابو حسين.......... 1024
قبل 6 سنه

اخوي طرمبه القير قد خربت عندي فى مكسيما اذا خربت تكون السياره تعشيقاتها مو مضبوطه يعني اذا بدل القير من الاول لثاني ماتلقم النمره بسرعه يصير تحس فيه كتمه واذا كانت خربانه الطرمبه برضو اذا شديت على السياره يطلع صوت ونه من القير وفى كل الحالتين حتى لوكانت خربانه ماله علاقه فى تهريب الزيت انت عندك صوفه القير تحتاج تغيير هو يقولك عندي الطرمبه 700 يبي يغير لك صوفه مايتعدا سعرها 100 ريال ويلهف منك 700 اذا تبي نصيحتي رحلك ورشه ثانيه جبله صوفه قير قله ركبها ولو تبدل معك صوفه المكينه الخلفيه عشان ترتاح مره وحده دامك فاك ويفضل اذا جى يطبق الصوف على المكينه والقير تكون واقف فوق راسه لى انه بعضهم يقلك غيرت الصوفه وهو كذاب

k 6 4 i 1234
قبل 6 سنه

ابو حسين

من ناحية صوف العكوس جديدة غيرتها و الحمدلله السيارة ما فيها تهريب الا من هالمكان بس قلت بما أنه رح ينزل القير على كلامه أغير الصوف الشغلة تكون مرة وحدة ...

و كلامك صحيح يبغى لي أشوف أكثر من واحد بس المكان الي أنا فيه ما فيه الا كم ورشة متخصصة بالقير ...

ali_aseery 1
قبل 6 سنه

fhody44

الحمدلله الغيارات تمام بفضل الله و ناعمة مو ملاحظ فيها شيء ..

من ناحية كلامك حسيت لما قلت بجيب صوفة القير و رفض أنه يبغى يصلخني و يجيبها هو

من ناحية صوفة المكينة الخلفية أيش سالفتها ما أدري عنها و كيف تغييرها هل هو بيشتغلها سوا و الا كيف ؟

ali_aseery 1
قبل 6 سنه

صوفه المكينه الخلفيه يفك الحذاف ويطلعها ويركب الجديده هى دامه بينزل القير بتكون سهل تغييرها احسن لك من تروح تغير صوفه القير وبعدها بفتره تخرب صوفه المكينه وتضطر ترح تفك الحوسه هذي عشان تغيرها

k 6 4 i 1234
قبل 6 سنه

fhody44

الله يرضى عليك دوبي أدري عنها

ali_aseery 1
قبل 6 سنه

تم اضافة صورة لمكان التهريب

ali_aseery 1
قبل 6 سنه

نفس مشكلتي ومكان التهريب بالضبط ، وغيرت الصوفة الي بين المكينة والقير بس خله يحط معجون على الصوفة الجديدة لا يركبها واوزن عيار زيت المكينة والقير
وافضل مر على كذا ورشة سعر وشوف وش يقولون لاتتسرع

فلان الفلاني 508 501
قبل 6 سنه

قبل لايركبها *****

فلان الفلاني 508 501
قبل 6 سنه

السلام عليكم ورحمة الله و بركاته

للفائدة المشكلة طلعت جداً بسيطة و هي بسبب أن الزيت كان يطلع مع مسمار التنسيم و مكان ( مسمار التنسيم ) فوق القير و هو ليّ آخره مسمار وظيفته يخرج الزيت الزائد في القير و كمان سمعت أنه يخرج الهواء من القير و ماني متأكد و الحل تم تغيير الزيت في الوكالة و وزنه على العيار و ضبطت و حبيت أضيف هالمعلومة للفائدة حتى ما يطب أحد في نفس الشخص الي حاول يستغل عدم معرفتي بالصيانة و الله يوفق الجميع

ali_aseery 1
قبل 5 سنه و 5 شهر