عسكري خالفني وأنا راكب مالأجراء؟؟

اعتذر ادري طولت الموضوع بس ابي القاريء يكون ملم بجميع التفاصيل

لاحول ولاقوه الا بالله....حسبنا الله ونعم الوكيل
الله يعوضك خير

وعليكم السلام

اعترض ان السيارة ماهي بأسمك وعليها بلاغ فقد اللوحة خذ البلاغ معاك وان شاء الله يكونوا متفهمين

اللوحتين ماهي موجودة ؟؟

وبالنسبة للمخالفة
اعترض وقول ان ما عندك سيارة.. اذا كان فعلا ما معك سيارة
او
هذه مو لوحة سيارتي اللي مسجله بأبشر.. اذا معك سيارة

وحاول ما تبين الموضوع لهم
لعل ان شاء الله تلاقي واحد فيه خير و يشيلها نظاميا لان ما تطابقت اللوح وبياناتك في السستم

ترا العسكر ماهم سوا

غريب موضوعك انا لي ٩ شهور بدون لوحة امامية و وقفوني ٣ مرات التفاتيش و كل تفتيش يعطيني مخالفه السير بدون لوحة امامية و قيمة المخالفه ١٠٠ و تتدبل إلى ١٥٠

وخويك الي يسوق جته مخالفه ولا لا

أغلب المرور الا من رحم الله لا تعامل ولا اخلاق ولا نظام ولو لك معاملة عندهم الله يعينك بتكره عمرك وتلعنهم كل يوم وانت تراجع .

احس موضوع مو مره واضح ،، انت وش دخلك بالمخالفه دامك راكب مو سايق 
المفروض لو في مخالفه تكون للسايق ، او الراكب اذا مو رابط حزام اتوقع 

عموما اذا السايق ماجاته المخالفه ، اتوقع العسكري حطها عليك بالغلط ، لخبط بينكم 

فيصير عندك حلين ، تخلي خويك يسددها لانها عليه .. اذا تحسه بيجحد او شي ، 
تروح للمرور وتقول انا كنت راكب والعسكري الظاهر لخبط او شي واتوقع بتطول السالفه

وفي حل جربه بالبدايه ، انك تعترض عالموضوع ان ماعندك موتر وخلاص ، اذا ماقدر تروح عشان دراستك علم احد من اقاربك يراجع 

والله يعينكم ، مع ان صعبه تمشون بدون ولا لوحه ، لو حاطين عالاقل ورقه بارقام اللوحه كان ممكن مشاكم عشان البلاغ 
او لو لوحه وحده موجوده ، بس كذا وضعكم ، كان وراكم مشكله 

حياك
هذي بسيطة تروح مع خويك للمرور قسم الااعترضات
وان العسكري عطاك المخالفة بدال اللي باسمه السيارة وهو اللي كان
يسوق وخل خويك يعترض بعد صراحة 3000قوية لن فعلا معكم ورقة
واذا رفضو خويك يسدد عنك 

رجل المرور جاب العيد

يعطيك مخالفه والسياره مو باسمك وكمان انت راكب

ع العموم الشباب افادوك فيها روح قسم الاعتراض بالمرور والزامي خويك صاحب
السيارة يكون معاك علشان يسجلون المخالفه باسمه

لا تأخذ خويك وتقول السالفه لهم عشان يسجلون المخالفه بإسمه

معليك من اللي يقول سجلها بإسم خويك.. عشان تضره اهم شيء مصلحتك

انت حاول بالحلول اللي قلت لك عنها

يا ان ما عندي سيارة
يا ان هذه مب سيارتي ولا فكيت اللوحات ولا شيء

لا تأخذ خويك وتنكبه لن يمكن حتى يجحدك بيقول ماهي سيارتي 3000 ماهي بسيطه انت رح اعترض ع المخالفه انها ماهي لك وهم يلغونها لانهم بيرجعون مثلا ان سيارة خويك كامري فضي وانت معك النترا ورجعو لصوره المخالفه وطلعت ماهي متطابقه بيشلونها بس اهم شي لايكون تعدت المخالفه شهر

اكيييد خويي ماراح اخذة انا كنت راكب مع كداد وجاتني مخالفة من قال عندي اخوياء اصلاً ههههه!!!

اللي محيرني ان خويي اللي يسوق عطاة مخالفة تظليل؟؟؟
يعني بالجهاز اخذ بطاقتي واعطاني مخالفة قيادة المركبة بدون لوح وحرر المخالفة وسوا مخالفة جديدة تظليل وحطها على اثبات خويي؟؟؟
انا مدري العسكري حب يقسم المخالفات عشان تكون اخف علينا ونسددها او **** ؟؟؟
كل ماقلت لاحد السالفة تعجب واستغرب واستنكر ؟؟
المخالفة لها ٣ شهور بحكم طبيعة اني طالب متدرب في شركة نفط ومطشوش في الصحاري فاطلع من الدوام اجازة وانشغل في اشغالي هل اقدر اعترض الآن؟؟

لاتسكت عن حقك اطلع عند اعلى رتبة في قسم المرور وان شاء الله حقك مايضيع

شكل العسكري لخبط بالبطائق
ولا هو منحوس ومايخاف الله
انت ارفع اعتراض واطلب معاقبة العسكري لانه جالس يلعب بالنظام
مخالفه هنا ومخالفه هناك حسبي الله عليه
اقسم بالله العظيم فيه عسكري خالفني سرعه وانا رايح بزوجتي للمستشفى وما كنت مسرع الا بزيادة بسيطه
بعدها بكم يوم شفته قاطع الاشارة وهو بثوبه بسيارته المدينه الله لايسامحه

شف بتروح للمرور وتقابل الافراد عز الله منت ماخذ لا حق ولا باطل وزين اذا ما قالوا لك انت الغلطان لانك ركبت معه 
عشان يصرفونك عشان ترضى بالامر الواقع وتدفع 
لكن سلمك البس ثوبك وشماغك وادخل عند اكبر ضابط عندهم واشرح له الموضوع دايم الضباط تعاملهم افضل بحكم انهم متعلمين 
اما الافراد ماعندهم سالفه وتعاملهم سيئ جداً تحس انك داخل عليه الحمام موب داخال دائره حكوميه وهو شغال عشان يخدمك
واذا وقفت ادخل على البسامي مدير المرور بكبره واشرح له موضوعك