أضف سؤال أو موضوع جديد          

تغيير زيت السياره

up 8 down 3
FIGHTER PILOT 157
قبل 4 سنه



السلام عليكم

بالنسبه لي كان مضحوك علي فترة طويله وأنا أغير زيت السياره في البناشر أو مراكز الصيانه الين الله رزقني برجال شرواكم علمني طريقة وفرت علي تقريبا ٥٠% من تكاليف التغيير و هي إنك تشتري الزيت و الفلتر(السيفون) بنفسك من محلات بيع الزيت او قطع الغيار عادة تكون في الصناعية أو في البلد لكل مدينه و تروح لأقرب بنشري يغيره ب ٢٠ ريال ، مثلا الزيت اللي اشتريه سعره في البنشري ب٤٠ ريال و انا احتاج ٦ علب مع السيفون تكلفني ٢٦٠ ريال لكن صرت اشتري الزيت مع السيفون مع التغيير ١٥٥.
و سلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يقويك ، والتوفير طيب ، والله يرزقك وكل من يقرا


up 2 down 0
m7md 33 1156
قبل 4 سنه



صحيح
أنا أشتري فوكس تايتان 30/5w قيمته 45 ريال في البناشر
أخذه بالكرتون تطلع قيمة العلبة 23 ريال والفلاتر آخذها من الوكالة
وفي الغالب أغير الزيت في البيت

أهم شي إنك تاخذ الزيت من محل مضمونه بضاعته أو من محلات توزيع رسمية
لأنه كثر الغش في الزيوت والتجارة كل فترة تداهم أماكن إعادة تعبئة وتغليف زيوت السيارات تديرها عمالة مخالفة.


up 4 down 1
أبو العنود 564
قبل 4 سنه



اذا تبي توفر صح خذلك زيت بكرتون من محلات الزيوت بجمله والفلتر خذه من الصناعيه القديمه تحصله ربطات جمله واشتر لك مفتاح سيفون وغيره فى البيت كذا التوفير الصح اناعن نفسي كذا اسوي لي تقريبا 3 سنوات الحمدلله مرتاح 


up 4 down 0
k 6 4 i 1234
قبل 4 سنه



عشرين ريال كثرة عليه
عشرة وتسد


up 1 down 7



المشكله انك قليل تلقى اللي يغيره لك  احيان يوصل السعر خمسين ريال هذا اذا مارفض يغير لك


up 1 down 0
راكان443 150
قبل 4 سنه



راكان انا بنشري الي عند بيتنا شغله نظيف ويغير ب 15 بدون مكاسر

لو ارص عليه كان خلاه بعشرة بس مسكين والله ما عنده الا تغير زيت ومطور هواء

بس ومحل صغير واجار 70 الف


up 2 down 0
mohammed1368 155
قبل 4 سنه



بالنسبة لي اخذ لي كرتونين زيت من محلات الجملة ارخص من قطع الغيار واخذ فلتر زيت واغيره عند بنشري خارج متعامل معاه من اربع سنوات ب 15 ريال


up 1 down 0