أضف سؤال أو موضوع جديد          

الصامل يتصل؟؟

up 7 down 1
اودي666 165
قبل 2 أسبوع و 3 يوم



نص السيارات المعروضة بالنهاية احصل رد صاحب السيارة يقول الصامل يتصل ولا نتخلف

معناته الي كانوا يسمون ويزايدون نصاااااااااااااابين

هل تتفقون ان الوضع صاير نصب في نصب وكلن يرمي سومه ولعب ومزايدات

لاني اشوف بعض الاعلانات السوم يوصل للحد الي طالبه راعي الموتر ومع ذلك ماتم البيع؟

هل الي سام وحط جوال يكون جوال وهم او متقف مع البائع او وش الوضع ياناس الموقع صاير المصداقية بريال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مع الأسف موقع حراج حاليا أصبع مرتع للشريطية والمعارض واللي يبيعون السيارة بغش واضح
بعضهم يبي سيارته مثلا ب 80 ألف ( وهذا فوق سعر السوق بمراحل )
وتجي الناس تسومها ب 55 او 60 ألف
يروح يتصل على اخوياه ممن عندهم حساب حراج .. ويجي ويقوله أسومه ب 75 الف
او يجي واحد يسوم وخويه يقوله ( بع يا رجال سومة طيبة )
وبنفس الوقت ياخي فيه ناس ما ترضى على نفسها الخسارة وترضى على غيرها
يعني مو منطق تشوف سعر السوق لسيارتك من 50-70 الف ريال
تروح تطير بالحد 100 الف !!

بالعربي موقع حراج احسن حل تحط اعلانك وتقفل الردود واللي فعلا وده بالسيارة بيكلمك .. واهم شي تخاف الله ولا تحط سومة وهمية وتستغل بعض الناس وتقول افرق السوم وخذه

هذا ربي ما راح يباركلك في حلالك

والرسول عليه الصلاة والسلام قال: (رحم الله عبداً سمحاً إذا باع، سمحاً إذا اشترى، سمحاً إذا اقتضى)


up 6 down 0
الاحترافي 1202
قبل 2 أسبوع و 3 يوم



وازيد على كلام الاحترافي

اغلب من يزيدون بالسوم عضوياتهم جديدة طازه

والاغلب ولاحط في ذمتي معه اكثر من عضويه ويدخل يزيد ويخرب ع الباقين

الواحـد اذا عرض له سلعه اتمنى يحدها بالمبلغ الفلاني ويقفل الردود
واللي عارف السياره انها طيبة وسعرها حلو يتواصل ويشتري

لكن البعض يعرضها بس علشان يشوف كم بتجيب ويهون بالبيع


up 2 down 0
aboahmed2014 766
قبل 2 أسبوع و 3 يوم



الحمدلله بعت 18 سيارة عن طريق الموقع والشريطية مليانين ما ننكر واللي يخربون الموضوع مليانيين والحاسدين موجودين وبعضهم يعرض السيارة للسوم فقط ولا يبغى يبيع او اذا احد حشره يكتب تم البيع ويطلع


up 3 down 0
العمدة 1434 1156
قبل 2 أسبوع و 3 يوم



فيه غرض عرضتها بحراج ولا جاب الحد اللي بغيته
طلعت برا وبعته باعلى من حدي بحراج
اللي عنده سيارة ينزلها المعارض كل جمعه مره وثنتين وثلاث الين يلقى رزقه
لكن يخاف الله في بيعته ولا يغش حتى يبارك الله له
ولا يعتمد على موقع حراج فقط


up 1 down 0
fanar1 564
قبل 2 أسبوع و 3 يوم



المشكله فى الاعضا نفسهم نادر تحصل صامل يعني مثلا عارض جوال للبيع يجيك واحد يسومه 300 واذا قلت له بعتك يبدا يتعذر اناخارج الرياض ولا ابقابلك الوقت الفلاني ولعاد يرد ياخي ابي اعرف حاجه مالك فيها ليه تسوم ترا والله كلما احد سواها فيني اني ادعي عليه ضيع الرباين الصاملين وضيع وقتي وبعض الاحيان تكون محتاج لمبلغ ويجي يخرب ويمشي مدري ايش المقصد 
اتمنا من اداره الموقع تشوف لنا حل 
وفيه نوعيه من الناس الى مثلا يكون السوم 50 ريال يجي يسوم 30 تقول له السوم يزود ماينقص يقلك انااسوم بخراجي ياخي اناماحديت السلعه حقتي عشان تسوم بخراجك هذا يسما بخس والله عيب الي قاعد يصير ولى الي يجيك يسوم بقل ويقلك اناصامل طيب الي قبلك مو صامل يعني ؟؟؟ 
الزبده الموقع صار اكثر الي فيه مبزره اول تعرض لك حاجه تشوف رجال صاملين مو مثل الحين قطع ارزاق وتسوي اعلان تتعب عليه واخر شي يجيك واحد يكتب بعد اذن صاحب الاعلان ويعلن فى اعلانك !!!  


up 1 down 0
fhody44 271
قبل 2 أسبوع و 3 يوم



خذها قاعده اذا اعجبتك سياره
مثال افلون 2015 نظيفه وعارضها صاحبها ب 88
كلمه اتصال وخلك جاد بالشراء مو استهبال
واتساب وحط سعر يناسبك وقله احفظ سعري
مثلا عطيته 75
بعد فتره ان ماحصل زبون بسعره صدقني بيجي يكلمك ..

انا حصلت معي نفس السالفه ونزلت من سعرها تقريبا 10 الف وهوا رجع كلمني



up 1 down 0
tttt35035 911
قبل 2 أسبوع و 3 يوم



عرضت سيارة قبل فترة واغلب الاتصالات هروج وسواليف ويعلمك قصة حياته واحد منهم قعد يسولف من بعد صلاة المغرب الى اذان العشاء


up 0 down 0
ادميرال2002 170
قبل 2 أسبوع و 3 يوم



حياك
كلو كوم واللي مدرعم كوم صاحب السيارة مبين كل شي باالااعلان
فحص استمارة بدي محركات ومبين ان قيرها اوتو الخ
تجيك اساله كم ماشي كم باقي استمارة والبعض يستهبل
وش لون السيارة وهي قدامه الصورة لونه ابيض
الوكاد قفل الردود واللي صامل يكلم


up 0 down 0
باترول 2020 2405
قبل 2 أسبوع و 2 يوم



والله الوضع صار مو طبيعي

عارض جوال ب 200 حوالي 10 اشخاص كلموني ونحدد موعد بس اكتشفت ان ماعندهم سالفه المشكله يسال اسئلة كثيره وتقول شكله صامل وبعضهم عطاني فوق حدي وبرضه كله مضيعه وقت


up 0 down 0
برينسيزو 542
قبل 2 أسبوع و يوم