أضف سؤال أو موضوع جديد          

ارتفاع حرارة الفورد وتنسيم ماي الرديتر

up 1 down 0
feras alqanbar 3
قبل أسبوع و يوم



السلام عليكم

يا اخوان عندي ماركيز 2008

انا اعبيه ماي عادي للرديتر من اكثر من سنتين وماشي زي العسل قبل اسبوع ارتفعت الحرارة وعبيته ماي
ما كمل يوم الا والحرارة ارتفعت والماي ناقص بشكل كبير عبيته وكملت طريقي
اليوم وانا راجع ارتعت ثانيه ووقفت على جنب وطفيتها فتحت الكبوت وشفت تهريب ماي حار مع فققاعات بحط الصورة تحت
فيا شباب ابيكم تساعدوني لاهنتم ما ودي اوديها عند المحلات ويلعبون علي .








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 

التهريب من فين بالظبط لان الصورة غير واضحة عندي؟؟


up 0 down 0
ابو حسين.......... 818
قبل أسبوع و يوم



ياخي حرام عليك تعبيها مويه من الحنفيه مستخسر فيها مويه رديتر 50 ريال مويه الحنفيه تعدم الرديتر ومجاري المويه الى داخل المكينه وتخرب الطبات حقه المكينه وتخرب طرمبه المويه كلها تصدي المويه حقه الرديتر الاصليه ماتسبب صدا 
باين فى الصوره التهريب من الطبه حقه المكينه سعرها رخيص مايتعدا 20 ريال اشتر نحاس هي افضل شي   والتركيب على حسب مكانها فيه بعضها مكانها واضح ماياخذ مبلغ كثير عليها بس بعضها لازم تفك البكره حقه الكرنك والسيور والمروحه عشان ياخذ راحته فى فك القديمه وتركيب الجديده ولاتمشى على السياره لى انه احتمال لونقص المويه تخسر مكينه سيارتك 
نصيحه لوجه الله اذا صلحت الطبه مر اقرب محل رديترات خله يسوي لك غسيل لمجاري المويه حقه لممكينه والرديتر وركب مويه اصليه 
على فكره ترا باقي الطبات احتمال تكون فى اخر عمرها شيك عليها كلها دامك بتشتغل مره وحده وطقم لها طبات نحاس هي الافضل 


up 3 down 0
fhody44 274
قبل أسبوع و يوم



نسيت اقلك شيك على طرمبه المويه احتمال يكون اسنانها رايحه من الصدا 


up 0 down 0
fhody44 274
قبل أسبوع و يوم



التهريب مو واضح مكانه
بس اتوقع طرمبه مويه


up 0 down 1
asalami 2091
قبل أسبوع و يوم



التهريب من الطرمبة

والبكرة الي تحت الدينمو هاذي حقت طرمبة الموية

غيرها وسوي غسيل للثلاجة لان واظح الوسخ مليان


up 2 down 0
mercy_sa 894
قبل أسبوع و يوم



طرمبه الماء عندك عطلانه تحتاج تغيير


up 0 down 0
بن رده
قبل أسبوع و يوم



واضح الصدا عندك نصيحة اخوي غيررديتر الماء بواحد اردني او صيني النظيف احسن من اللي فيه الصداء عندك وغير طرمبة الماء وشيك على خراطيش الرديتر ولا تعبي تاني مرة الا موية اصلية والله جك البريستون ب 35 قاعد تعبي موية من الحنفة الله يصلحك ويهديك


up 1 down 0
المعتصم بالله 6519 311
قبل أسبوع و يوم



زي ماقال الاخ ميرسي سوي غسيل للثلاجة لان ما يعدم الثلاجة ويكسرها الا موية الحنفيات المليانة املاح


up 0 down 0
المعتصم بالله 6519 311
قبل أسبوع و يوم



واضح مكان تهريب الماء بالصورة من طرمبة الماء
سعرها مايتعدا ١٥٠ وتقدر تغيرها بنفسك فيه شروحات لها باليوتيوب
واذا تبي عند ورشه التركيب ب ١٠٠ و ١٥٠


up 0 down 0
w.asa 2052
قبل أسبوع و يوم



إذا انجبرت و ماحصلت موية رديتر عب من براميل الموية المقطرة اللي عند مغاسل الملابس.. أفضل بكثير من موية الحنفية


up 0 down 0
mr.kalid
قبل أسبوع و يوم