أضف سؤال أو موضوع جديد          

هل هذا الحل المناسب لنقص زيت المكينة ؟

up 3 down 0
شماال 117
قبل 3 شهر و أسبوع



السلام عليكم ورحمة الله وبركاتة

بصراحة في موضوع شاغل مخي هاليومين
وقلت مالي بعد الله الا اعضاء هالمنتدى الطيبين اسألهم
واستفيد منهم لعلنا نجد الفائدة المبتغاة

ما احب اطيل عليكم باختصار عندي سيارة من نوع فورد فكتوريا
لها سنين وسنين معاي يعني بكل صدق لها تقدير واحترام 
لانها ماقصرت معاي بشي خدمتها في ظل ال12 سنة الماضية
كانت ولا اروع شريت جيب الحمدلله  والفورد احلتها للتقاعد خلاص
خليتها عند البيت استخدمها خفيف وخفيف جدا

لاحظت قبل فترة يوم جيت اغير زيت المكينة 
نقص واضح وقال لي البنشري ترى سيارتك الفورد تنقص
واجد قلت غير الزيت والسيفون وبس ،،، وبعد فترة من الاستخدام قال لي
بنشري اخر سيارتك مافيها ولا نقطة زيت !! مع ان مافيه اي تهريب 

المهم قلت خلاص بوظب المكينة قال اسمع !! انت ماراح تخسر شيء اذا
حطيت لك زيت (بترومين بلس ديزل) مخصص لمكائن السيارات
الكبيرة مع انه نفس العلب العادية واللزوجة يمكن تكون اثقل شوي
قلت توكل على الله صب زيت الديزل !! واستخدمته من قبل عيد
الاضحى الى يوم امس غيرت الزيت قال لي مافيه اي نقص
والزيت جدا ممتاز حرام تغيره !! قلت يابن الحلال تاكد زين وقعد
يضحك علي !! قال تعال شوف بعينك وفعلا لونه ذهبي ولزوجته ممتازة
قلت غيره ماهي مشكلة وصب زيت بترومين ديزل بلس


الخلاصة ياجماعة هل هذا الحل المناسب بصراحة
عزم الموتر ممتاز والصوت اكثر من رائع والنقص راح
نهائيا علماً اني مشيت عليه اكثر من 10 الف كيلو ولا تغير
لونه ولا نقص 


افيدوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي انت مبدع صراحه مدامها تقاعدت جرب عليها


up 0 down 0
ahmaad12 65
قبل 3 شهر و أسبوع



حياك
صراحة موضوع خلاني انقز لاقوقل
اول مرة احصل معلومات مهمه
الزبدة انو مايضر استخدام زيت الديزل لمكاين البنزين
خصوصا اذا كانت تنقص الزيت وادخن راح تلاحظ 
توقف الدخان ونقص الزيت
بس يقولك مع الوقت راح تاثر عليه 
ويفضل خلط زيت الديزل مع زيت البنزين
واللاافاده اكثر الموضوع عند قوقل
وباالتوفيق


up 1 down 0
باترول 2020 2487
قبل 3 شهر و أسبوع



بخصوص موضوع لون الزيت ترا لو نزلت الزيت ولقيته باقي ذهبي وانت ماشي عليه واجد غالبًا يكون الزيت مغشوش


up 1 down 2
0abo_waleed0 123
قبل 3 شهر و أسبوع



عشان كذا يا اخ احمد ماعندي اي مشكلة
يوم قال بصب لك فيها زيت لان بصراحة اخذت
حقي منها وكفاية والحمدلله ماوظبت ولا فكيت ولا بدلت
قلت بجرب ماعندي مشكلة بس والله انصدمت تقريبا
5 شهور مابين كر وفر ولا صار اي نقص او دخان او
فقدان عزم بصراحة جزمت انه هذا الحل الامثل


up 0 down 0
شماال 117
قبل 3 شهر و أسبوع



يا باترول 2020 ما اخفيك
اني سألت العم قوقل عن هذا وباللغتين
وحصلت تباين كبير واختلاف بوجهات النظر
واغلبها مبنية على توقعات او شطحات هندسية
ميكانيكية على كل حال كتبت الموضوع لان انا شخصيا
جربته بدون اي تردد لان ماكان بين عيوني الا فك المكينة
وتوظيبها والحمدلله اللي بعث لي ذاك البنشري السوري
وصدق يوم قال ان ماراح تخسر شيء بما انك راح توظب
خلني احط لك زيت ديزل وجرب وشوف وفعلا جربت وشفت
ورجعت له من يومين اشكره ،، واغير عنده مره ثانيه


up 0 down 0
شماال 117
قبل 3 شهر و أسبوع



اخوي ابو وليد ماعتقد هالموضوع
صحيح بحكم خبرتي المتواضعة
ثبات لون الزيت بعد الكد والشد
دليل على صحة المكينة وعدم ضعفها



up 0 down 0
شماال 117
قبل 3 شهر و أسبوع



طيب انت موترك الحين فيه نقص بس من ايش

يعني لو جلد بلوف ف امرها بسيط جدا وهاذي مشكلة شائعة في الفوردات

اما لو كان شنبر او خلل في المحرك نفسه فهنا ممكن اقولك حط الزيت هذا مؤقتا الى ان توظب المكينة او تغيرها

وبحكم ان السيارة لها 12 سنة استخدام على يدك فغالبا انها جلد بلوف منتهية عندك

تغيرها بدون فك الراس وبحدود 700 مع القطع وشغل اليد





up 1 down 0
mercy_sa 975
قبل 3 شهر و أسبوع



نقص الزيت مؤشر لوجود خلل في المكينة
زيت الديزل ثقيل جدا وخصائصة تختلف لإن الديزل يولد الإحتراق على قوة ضغط خليط الديزل مع الهواء والبنزين يولد الإحتراق بناء على الشرار الناتج من البواجي لذلك حرارة الديزل أعلى من البنزين لذلك كثافة زيت الديزل العالية تمنعه من التبخر أو الخروج من مافذ الشروخ أو أي مصدر للتهريب الزيت وعدم تغير لونه ناتج عن عدم دخوله للمناطق الضيقة ووتزييتها وتنظيفها من الشوائب العالقة فنجد أن سبب تغير لون الزيت ناتج عن تنظيفة لجميع أجزاء المحرك وهذي هي مهمة الزيت وليس كما يعتقد البعض التزييت فقط لكن بحكم المكينة رايحه فيها وخاربة خاربة فمافي مشكلة لجعلها حل تجارب حتى لو سلكت فلا يعني أن الطريقة هذي صحيحة


up 5 down 0
ابو كاظم دوت 47
قبل 3 شهر و أسبوع



جرب حط زيت مكينة بترول بس لزوجتة عاليه مثلا 20-50 و شوف هل تنقص . واذا نقصت هل تنقص كثير .

الفوردات اغلبها تدخن و تنقص زيت بسبب جلد البلوف.


up 0 down 0
amer ahmed 411
قبل 3 شهر و أسبوع



اتفق مع ابو كاظم




up 0 down 0
asalami 2109
قبل 3 شهر و أسبوع



جرب تغير بلف التبخير وحط زيت 10/30 بحكم انك تجرب ههههههه


up 1 down 1
ali-911 3055
قبل 3 شهر و أسبوع



الزيت اذا نزل ذهبي مو معناه انه ممتاز بالعكس الزيت مفروض يوم ينزل ينزل معه الاوصاخ والترسبات الي داخل المكينة 


up 1 down 0
فلان الفلاني 508 401
قبل 3 شهر و أسبوع



ماعندي مشكلة بقلبها لكم فار تجارب 
بس حالياً مرتاح على وضعها الحالي
واعتقد لان المكينة قديمة وطاقة ال500 الف كيلو
فما يضرها لو ثقلت الزيت عليها


up 0 down 0
شماال 117
قبل 3 شهر و أسبوع



عارف مشكلة جلد البلوف
بس الموتر مابه دخان نهائيا
صافي حتى اذا دعست


up 0 down 0
شماال 117
قبل 3 شهر و أسبوع



حط زيت عافية +شحم يمكن ماتنقص


up 0 down 3
هبووب الشمال 80
قبل 3 شهر و أسبوع