أضف سؤال أو موضوع جديد          

هل يوجد اصلاح لعصا أو يد قير التاهو ؟

up 2 down 0
رحـ العاصفة ـيل 102
قبل 2 سنه و 11 شهر



السلام عليكم
يا اخوان عندي يد التعشيق او عصا التعشيق الي الخاصة بإرجاع عصا القير للخلف ..
تاهو 2007
من الدخل فيه سستة اعتقد انكسرت لأني وقفت عند مركز تسوق وجيت بعشق القير على الـ P وفجأة الا والعصا ما ترجع للـ P ومعلقة على اـ N
المهم فتحت الربلة لقيت السستة من داخل كأنها مقفلة على العصا ومفلوته من مكانها او منكسرة موب واضحة زين
المهم دفيت السستة وطاحت داخل ولا ادري ان كانت مكسورة او سليمة
بعد ما دفيها صارت عصا القير تتحرك للـ P طبيعي وشغال مافيه اي مشكلة
ولكن المشكلة هي ان عصا القير ما ترجع للخلف بسبب السستة طاحت ...
هل الاقي سستة بلحالها تباع ؟
او كيف الطريقة لو تكرمتم ؟؟؟
افيدوني وش اسوي ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


https://www.youtube.com/watch?v=lKbXJ6WsRgQ
ان شاء الله اني افدتك


up 0 down 0
faisal0 0 243
قبل 2 سنه و 11 شهر



تحصل السسته تمباع اذا كنت برياض روح صناعيه العاصمه مخرج 28 فيه محل اسمه السياري عنده جميع احجام السستات شف لك مقاس حقتك وركبها وسعرها رخيص حدود 10 ريال 


up 0 down 0
k 6 4 i 1228
قبل 2 سنه و 11 شهر



حلو حلو
الف شكر لكم جميع ما قصرتم

بس اخوي فهد صناعية مخرج 28 بيني وبينها مسيرة يوم :( انا شرق الرياض ودي لو فيه شخص الاقي عنده بشرق الرياض او بالصناعية القديمة مخرج 17



up 0 down 0
رحـ العاصفة ـيل 102
قبل 2 سنه و 11 شهر



اخوي فيصل يعطيك العافية
شفت الفيديو بس موب هذا الي اقصده بارك الله فيك !!
اقصد العصا الداخلية اذا جيت تعشق من الـ P الى الـ R مثلا المفروض انك تسحب العصا للأمام ( جهتك ) وتعشق الريوس واذا شلت يدك عن العصا ترجع بلحالها للخلف لأن فيه سسته ترجعها
السسته هذي هي المشكلة الي بين العصا وبين جرم الدركسيون من خلف الدركسيون
ماقصدت انفلات التعشيقات
يعطيك العافية ربي يسعدك


up 0 down 0
رحـ العاصفة ـيل 102
قبل 2 سنه و 11 شهر



بشر وش صار معك عشان نستفيد


up 0 down 0
ابو عبد العزيز 305 417
قبل 2 سنه و 7 شهر



والله ياخوي ما فضيت هههههههه
لكن ابشرك امس كنت اكلم محل قطع غيار الكثيري بالصناعية مخرج 17 لأني متعامل معهم من سنين فكنت اسأهم عن مساعدات الهيدورليك للسوبربان الي معي
عطاني الاسعار .. وسألته بالصدفة عن السستى قال تعالني موجودة عندي سعرها ( 10 ريال )
قلت خلاص حلو بجيك اجل
المهم بروح له بأذن الله خلال الكم يوم الجاية باخذ السستة واخذ المساعدات وفيه شخص اعرفه زمااان صلحت عنده مراية المس يمين
الحين خربت الي باليسار ما تنسطف واذكره صلحها لي بـ 100 ريال بحاول امره بعد وعساه يكون موجود



up 0 down 0
رحـ العاصفة ـيل 102
قبل 2 سنه و 6 شهر