استفسار لاهل الاقساط و التاجير المنتهي بالتمليك من البنوك

نصيحة ابحث عن شخص يتقبل منك السيارة ويتحمل مسؤوليتها بالكامل أفضل

الأيام هذه تخاف من القريب والصديق فكيف تثق بشخص قريب؟!!

كلامك سليم لكن الرجال متعلق ف الموتر ويبيه ولاعنده احد قريب عشان يتقبل الموتر بإسمه
والرجال ثقه وساكن جمبي و ماعليه خوف لكن برضه بنفس الوقت الواحد يحتاط وياخذ احتياطاته 
ف الامور القانونيه و عشان نضمن حقوق بعض،،،اشكر لك ردك ابو عباده ياغالي

مثلا القسايم اللي تجي من ساهر ، هل فيه طريقه اقدر اخليها تنزل بإسمه؟
و لو صار حادث لاسمح الله للموتر ، هل فيه طريقه عشان ما يضروني انا البنك لان الموتر بإسمي

حياك
للااسف لايوجد حل
سيارة بااسم بنك ومسوين لك تفويض قيادة اي مخالغة راح 
تجي بااسمك هذا قبل اي شي
ثاني انت المسؤل مسولية كامله امام البنك 
حاول موضف يتقبله وامت تطلع منها

الله يعافيك اخوي باترول ، طيب لو مثلا حطيت اسمه هو في خانة ( المفوض له ) هل ذا الشي يساعد؟
لانه ف الاستماره مكتوب المالك ( البنك ) ، المستخدم ( فلان بن فلان < اسم اللي مطلع الموتر ) 
وفيه ورقه برا مع الاستماره معتمده من البنك وورقة بنك هي اصلا ، مكتوب فيها ( انا صاحب السياره ) قد فوضت
الشخص الفلاني بقيادة السياره و و و 

هل تفيدنا الورقه ذي ؟

هل جربته قبل كذا ودخلت معه بتجارب فيها دراهم حتى تقول انه ثقه
نصيحة لا يأخذك الحماس انك تفتك من أقساط السيارة وتتورط فيما هو أكبر
اعط سيارتك شخص يحولها باسمه وريح رأسك من المشاكل

مالك الى تروح البنك وتسوي له تفويض قياده واي شي يصير للموتر يجيه هو م يجيك انت زي المخالفات والحوادث

لو اخوك ابوك اقولك عادي خلها بسمك لاكن غيرهم نصيحه قله جب احد تحطها بسمه ولااعتذر اكيد عنده اخوان اقارب ابوه اي واحد يحطها بسمه وانت تطلع منها لايغرك اسلوبه واخلاقه ترا ياما ناس تشوفه يضحك ويحترمك لين خذا حاجته تغير اسلوبه طبعا مااعمم فيه ناس ينحطون فوق الراس 
اناادري انك تبي ترتاح من اقساطها اعرض السياره لتنازل فى حراج صدقني بيجيك نصيبها ان شاءالله اهم شي لاتطمع تقول مثل بعض الناس ابي الى دفعته ولا الدفعه الاولى الى يجيها قله نصيبك خله يكمل اوراقه وانقلها بسمه 

الاخوه ماقصرو. وفوووو وكفوووو

نصيحه. لا
السياره باسم البنك وعليها تأمين لك انت.
لو يحدث له لاقدره الله شي ممكن. البنك يدبسك فيها
لو تسرق السياره بسبب إهمال. منه. أو يحدث عليه حادث وتروح السياره تالف بسبب. قطع اشاره. أو عكس سير
دبسك فيها البنك وراح تحمل.تكمل.المبلغ كاملا

أشياء كثيره جدا. لاتخطر على بالك
نصيحه. لي ولك وللجميع
كفاله. لا
واي شي. فيه. غرامي أو مسؤوليه

جزاكم الله خير و ردودكم والله كافيه ووافيه
الله لايحرمنا ويحرمكم الاجر مشكورين يا اخوان على النصايح و التنبيه

اواحد من الشباب اخذ سيارة لاخوه ليسددها وصار حادث وتوفى رحمه الله للاسف البنك حط المسئولية على المستاجر لان الحادث
بسبب سرعة والتامين طلعوا لهم من ضمن الشروط ان السائق الاضافي ما يتحملوا عنه شي وللاسف الزموه السداد رغم انه اشتكى بكل مكان

بخصوص حفظ حقك هل اللي بياخذ السيارة يوقع لك سندات لان السند واجب النفاذ بالمحكمة وبرضو اسال

نصيحة من أخ لأخيه

قله له لا و الف لا

لازم تسقط السيارة من اسمك

يجيب لك اي واحد و انقل العقد باسمه غير كذا لا تغامر نصيحة

وخذ. هذي
قالي احد الاصدقاء انه يعرف واحد
انسرقت سيارته بسبب اهماله
المهم طالب التأمين يسقط السياره.
قالو له السرقه بسبب. اهمالك وان السياره كانت بوضع التشغيل
ومانتحملها بتاتا. وكمل اقساطها ...
....

الرجال على كلامك متعلق بالسيارة وواضح انة ماقد ٠رب الاقساط. وبعد شهرين يرحع لك ويقول انا ما اقدر اكمل اقساطها. هذي سيارتك. والله يستر عليك. وياعالم ايش يسوي فيها. والبنك مايرحم مايعرف الا انت. نصية قبلها افضل.

لاتغامر نصيحه هالامور مافيها مزح اذا مادخلت معه في تجارب ماراح تعرف وش بيسوي بعدين بالسياره او يسوي فيها مصيبه ويجيبها ف راسك اعتذر منه وربي بيرزقك بشخص ينقلها ب أسمه وتفتك من المشاكل ووجع الراس

اذا انت منحرج منه قل له ابي تمويل من البنك ومقدر اطلع والسيارة بسمي ، بكذا تعطيه تصريفة محترمة بدون ماتنحرج منه

شغل العواطف وفلان مسكين متعلق في السيارة خله على جنب , يا تسقط السيارة بإسمه
أو إبتعد عن المشاكل
بركى يمحط بطن بطن السياره ويقولك ماعاد أبيها , وحتى لو توفرت ضمانات , فلازم تعرف انه باي وقت يقدر يرميها وماتدري كيف كان إستخدامه , إنتبه تسمح لا أي شخص
يستعطفك .

اولاً السياره ماهي باسمك باسم البنك والمفوض بالقياده واللي يشمله التامين
في حالة حوادث او سرقه انت فقط غيرك مايشمله

الا في حالة تنازلك والبنك قبل ان جارك ياخذها وتعفى من الاقساط والمسؤليه وتكون باسمه هو
فيها كلام اخر


الشئ الاخر

لو افترضنا انك عطيته السياره وقلت انه مسكين وطيب وجارك ووقفت معاه

وعطاك البنك تفويض له بالقياده

هل تضمن انه بسيتمر بالاقساط لسنه سنتين
هل تضمن بيستمر بصيانتها ويحافظ عليها
ويستمر بالاقساط على كل شهر (بما انه راتبه ضعيف فاكيد بيسحب عليك)
وانا اشوف انه بس يبي يكشخ فيها قدام ربعه شهر شهرين الى اربع قل
وبعدها يرميها لك


خلي عنك العواطف الحساسه وجاري ومن هذا الكلام

اذا هو قد المسؤلية يروح ياخذ له سياره باسمه واذا راتبه ضعيف ترى يعطونه لحد
راتب 3000 الاف ريال يشوف له اكسنت او ياريس ويغدي مع الرجال

لايجي يتكي عليك ويحملك مسؤليه حادث او سرقه او يعدم لك السياره
وبعدها باشهر تجي تشكي وتصايح بالمنتدى والحقوني ياعرب

الاخوان فوق حذروك وقالوا لا لا لا

وانا اضم صوتي لصوتهم

انا اضم صوتي لصوت الاخوان 
جارك على عيني وراسي لكن هذي يالغالي مسئوليه عليك بكره لا سمح الله 
صار بالسياره شي البنك والتامين راح يدوروا اي زله عليك عشان تدفع اقساطها ريال ينطح ريال
وترا صاروا معقدين موب زي اول الدنيا سهالات 

الله يعطيكم العافيه جميعا ويجعلكم ذخر للمسلمين