أضف سؤال أو موضوع جديد          

أستشارة تحويل سياراة فان لحوض

up 0 down 1
sam73x 43
قبل 2 شهر



السلام عليكم ورحمة الله وبركاتة

عندي سياراة

  فان فورد( مغلقة) أبي أحولها لحوض هل فيه ورشة متمكنه تقدر تسوي هذا الشغل في الرياض ؟

(( الي حمسني  اعدلها السياراة جداً نظيفة وممشاها قليل أبي أستغلها وخليها حوض لأن في البيع ماهي مرغوبة)).









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الكلام وانا اخوك ماهو في التعديل
بتلقى ستين ورشه تقصقص وتلصق وعلى حسب فلوسك بتلقى النظيف وتلقى اللي مشي حالك
الكلام في المرور
التعديل على هيكل المركبه بدون تصريح قسيمتها ٥٠٠ ريال
واذا العسكري بالمرور مو رايق ومزاجه معكر يسحبها لحجز المرور ما تطلع الا اذا رجعتها لوضعها الاول
شوف عاد وقتها من بيطلع معك للحجز ويرجع يلصق لك تنده للفان

والتصريح حط ببالك ٩٠% ما راح تقدر تطلعه
جربت شخصيا اقنع المرور بتركيب صدام كروم للسياره
نشفوا ريقي ولا طلعت بنتيجه

كنصيحه خلها على وضعها افضل واريح لك بكثير


up 6 down 0
als7aimy 1165
قبل 2 شهر



السلام عليكم

اخوي جرب تتصل على عمليات المرور 993 وتستفسر بنفسك اذا ممكن او لا


up 0 down 1
dub_r-50 364
قبل 2 شهر



فعلا بتاخذ منك وقت وجهد ومال لو تبيعها بسعرها وتشتري حوض اريح لك


up 0 down 0
ain501 142
قبل 2 شهر



ولا حاول تحط حاجز بين الصف المراتب والاول ويصير الي ورى معزول عن الغمارة قدام و يمديك تخلي المكان ورى تحميل عفش او غنم او غيره وتستفيد انه مغلق من المطر والغبار


up 1 down 1
ain501 142
قبل 2 شهر



انا مع رأي ain501
الآن اصحاب الاحواض تجدهم يضعون شراع لأجل حفظ الامتعة من السرقة
انت عندك السيارة جاهزة بدون شراع
ضع الحاجز خلف مرتبة السائق مباشرة
يصبح لديك مسافة كبيرة جداً لحفظ الامتعة

شاهد موزعين المواد الغذائية يستعملون الهايس المغلق ومن أحلى مايكون


up 0 down 0
ابو حرب 1385 4
قبل 2 شهر



التغيير ماهو قصقصه ، الطريقة هي ازالة البودي وتشتري من التشليح صندوق وغماره ، لكن قبل تعدل تروح المرور وتطلب موافقه تعديل وراح يطلع معك عسكري يشوف السيارة قبل التعديل ، وبعد الموافقة وتعديل السيارة تروح المرور ويطلع عسكري مرة اخرى يطبق ماتم طلبه وبعدها يتم اصدار استمارة جديدة بعد التعديلات وبشرط ان تكون التعديلات ماتخالف شروط السلامة


up 0 down 0
ابو لؤي2017 55
قبل شهر و 3 أسبوع