مازدا 3 او النترا او سيفيك؟

انااشوف الانترا قطع غيار رخيصه ومتوفره والموتر خدوم شفه مع التكاسي مايوقف ابد وماشي معهم 

خلنا من التكاسي انا ادور سيارة مع الايام ماتسمع اصوات الديكور ومكيفها ماعليه مشاكل وراسي ان كان في الخط ولا اللفات

والله مدري لى الامانه ماجربت السيفك ولا المازدا الانترا جربتها سنه وبعتها وماشفت منها الى كل خير 

الهونداي بشكل عام يشكون من مكيفها .. 
والمازدا سياره عريقه ويابانيه اصل .. وقليل اسمع احد يشتكي منها
اما السيفيك الى الشكل الي قبل الجديد كانت ممتازه ،، بس الجديد ماعرف عنه شيء 
وصار قليل اتوقع بسبب سعره وكثرة منافسيه 
حتى بالبحرين الي يعشقون السيفيك قليله بالشوارع 
مو مثل الشكل الي قبله من نزلت صرت اشوفها بكل شارع 
وبعدين ١،٦ اشوفها قليله صراحه من وجهة نظري وقير cvt للحين الشعب ماتعود عليه ومتخوفين منه

لكن مجرد رأي المازدا ٦ ستاندر سعرها حول ٧٠ اذا تقدر تزيد 
وفيه خيار غير وحلو التيما ١٨ نص فل ب الستينات ماني متاكد كم بالضبط .. 
مواصفاتها ممتازه ٢،٥ وبصمه وجنوط وحساسات وتشغيل عن بعد .. غير انها واسعه ومريحه 

وبالتوفيق 

سيفيك وبعدها المازدا

ركز على ثلاثة عوامل

قطع الغيار-سعرالبيع-العملانية

لاشك ان كل السيارات الي ذكرتها عملية ولكن هل الباقي متوفر عند مازدا وهوندا ؟؟ حاول توسع دائرتك بشكل افضل (الكورولا والسنترا) لم تذكررهم ؟؟ ضع بالاعتبار ان هذه الفئة
مطلوب منها (الاقتصادية-الاتساع-العملانية-المواصفات) فانا شخصيا اقترح مابين الكورولا والالنترا والسنترا

الانترا الجديده لفتت نظري من تحت رافعين هيكل السياره لكي لا تحتك مع المطبات مثل الاكسنت الشكل الجديد هذا الشيء ملاحظ وتحسب لهم.
عندي استفسار ما هي صناعه الالنترا 2019 ؟

ارشح الالنترا معروفه ومكيفه بارد واتوقع انها اقوى مكينة 2.0 في فئتها المعروفه لدينا

كلها تطيح عند البيع واتوقع انت بتطول معها وتأخذ حقك على تجربتك السابقه

بما اني أملك النترا 2011 أرسلها لانها للان الحمد لله ماطلبت إلا أقمشه خلال ٨ سنوات والمكيف زي الثلج ولله الحمد واهم شي 2000 CC

لعلمك

حالياً الاغلى تامين المازدا والهونداي

لكن لو انا بدالك اخذت الالنترا رساوه وشكل وعمليه قطع غيار

المازدا صحيح ياباني وحلوه لكن يعيبها شكلها

وفقك الله

مازدا 3 نزل الشكل الجديد بامريكا و كانة اوسع المراتب الخلفيه
بس مدري عن التغييرات الثانيه و اكيد السعر بيرتفع مثل اختها مازدا 6

كلها سمعتها مية مية والسيفيك افضلهم من ناحية الجودة لكن عيبها القطع مافي الا ف الشركة ومافي محلات كثير تبيع قطع هوندا مثل ميتسوبيشي وسوبارو الجودة والخدمة لكن عالمدى البعيد بتتعب

اذا تبي جودة ومكيف اوك عندك السيفيك
حالياً كملت سنة وماشاء الله تبارك الله من ابدع ما يكون

اذا محافظ ومهتم بالسيارة سيفيك الشكل الجديد اوسع حبتين
المازدا نشيطة وماعليها كلام لكنها اصغر
النترا تتميز بتوفر قطع الغيار ورخصها ولكن جودة المواد والديكور والبودي لم تعجبني

الله يعطيكم العافية يااخوان
انا خرجت السيفيك من المعادلة لصغر مكينتها وجربكسها cvt وسعرها غالي
وكنت محتار بين المازدا والهونداي
انا وقع اختياري عالمازدا بعد ماكلمت واحد من اصحابها وشفتها في المعرض وجربتها صراحة جودة الديكورات مالقيتها في هيونداي او تويوتا
والمكيف كلتشات مو حساس بارد صلاتي عالنبي ومكينتها اقوى واوفر للبنزين
لكن الي خلاني اتراجع في قراري الوكيل من اسبوع ويقول على وصول وماوصلت ومااحد يعطيك الكلام الاكيد حاولت ادور معارض تبيع نص فل ماحصلت سالت كذا واحد قلي مازدا ليلك طويل معاهم اقل شي بتتظر شهر عشان يوصل الموديل الجديد
فا مابقى الا النترا
ماني مقتنع فيها مية بالمية زي المازدا لكن كلهم عينين في راس وشكلها و داخليتها عجبني
اخذت النص فل منها تجي زيادة عن الاستاندر جنوط ومثبت سرعه ووضعيات القيادة وارد المجدوعي ب٦٤الف من غير التامين التامين سويتو بنفسي من النت ب٥٨٣ ريال
والله يوفقكم جميعا