موضوعي مهم جدا ولجميع السيارات
43
0
إضغط هنا للإخفاء
السلام عليكم
موضوعي بخصوص مكاين السيارات
قدر الله علي وخبطت مكينة سياراتي اكورد بعد ممشى ٤٣٠ الف كم
المهم لفيت لين تعبت تشاليح الحاير والسلي وماخليت مكان
واحترت ناس تقول المكاين المستورده ضعيفه وناس تقول لا تجي ممشاها اقل
وكلن يمدح بضاعته
بعد ما استخرت توكلت على الله ولقيت ورشه في الصناعيه القديمه يغير المكينه ب ٢٠٠٠ ريال وعليه الزيت وتغير صوفة المكينه وضمان ٤٥ يوم
طبعا قلت احتاج السياره قال جيبها الصباح تاخذها المغرب
اتفقنا وجيته على اليوم الثاني بدري ومن هنا بدت المعاناه/
وقفت موتري وسجلو رقم جوالي واخذو المفاتيح وقال العامل روح ارتاح في البيت وتعال المغرب خذ موترك
قلت وين المكينه ابي اشوفها تلخبط وقال شوي على ٩ تجي من المستودع قلت وهذي جلسه وانصدم شاف اني مابروح بعد ربع ساعه قال روح شوف المكينه
ورحت والله لا يوريكم تهريب او ترشيح زيت على صدر المكينه وداخل بوابة الهواء والثلاجه فيها زيت فتحت الغطاء حصلت اثار زيت محروق يعني احسب لها ٦ شهور منها فيها وهي مودعه
قلت لا ياعيوني مو هذا اتفاقنا وهذي ماتنفع حاولو يقنعوني ولكن رفضت وشافني صامل ركبوني في ددسن وعلى المستودع في السلي تقريبا ٢٠ مكينه حصلتها قال خذ اللي تبي قلت اوك بحكم خبرتي البسيطه وتعلمي من اليوتيوب عرفت ابسط الاشياء اللي تعرف وضع المكينه
وياحبيبي ادور على ال ٢٠ كلها واعحبني تقريبا ٥ مكاين واحترت فيهم كلهم نضاف من اللي شفتها واخترت وحده واخذناها
وصلت للورشه وانزل الفرشه والدافور وبراد الشاهي وولع جمر وضبط راس معسل واجلس لهم ههههه
المهم لاتخلون سياراتكم فكو الكويلات والبخاخات اقوله ليه يقول اول كويس
وجع موتري مدمور رجعها بس
وماركب صوفة المكينه بحجة ان عليها كويسه
ورفضت انه يطبق لين يغيرها وتضايق يقول صوفه يجي من اليابان اصلي مايحتاج غير
قلت اتفاقي انا احيب بس انت ركب طبعا اتفاقي معه على حسابه بس خفت يجيب تجاري
رحت شريت صوفه وجبت الفاتوره عشان بعد ما استلم موتري احاسبه
والله ثم والله انهم يفكون من المكينه اللي اخترتها ويبدلونها من مكينتي القديمه وكل ماسوا شي اقوله ليه قال اول احسن
واقول خلاص جيبها انا شيل ويرفض بحجة انه يبي يستبدلها عشانها افضل وانت ياصديق وش عرفك المكينه باقي ما اشتغلت كيف عرفت انها تعبانه
كذب ويحاولون ياخذدون وانا عندهم اجل لو انا مو موجود وش بيسون
لذالك نصيحه لوجه الله اقعد عند موترك قالك يومين قفل موترك وصور كل شي قدامه ولا عليك منه واشترط مايلمس شي الا بوجودك واليوم الثاني تعال بدري وخلهم يكملون وخذ موترك اتعب يومين وارتاح على طول ولا تعكسها يارفيقي وتنكب عمرك
الشي الثاني ارفقت لكم صور من المكينه اللي اخترتها ومدى النظافه بعكس مكينتي السابقه
اذا ما عندك معلومات خذ صديق لك يفهم في الامور هذي او ادخل تعلم ياخي محد جاء من بطن امه عارف كل شي اليوتيوب وبعض المواضيع تفيدك ولو عندك ٣٠ بالميه وحس الطرف الثاني انك فاهم يخاف يسوي شي لانه ماخذ فكره عنك انك تفهم
بالنسبه لختيار المكينه/////
١-ركز على الصواميل هل فيها اثار تاكل او احتكاك لانه بمجرد فكه يوضح عليه
٢- تاكد من ثلاجة المكينه تكون ناشفه ولايوجد اثار زيوت لان لو فيه زيت معناته المكينه احتمال فيها شنبر
٣-ناظر مع فتحة الزيت ومدى النظافه الداخليه وعدم وجود اوساخ زيت
٤-ناظر مع فتحة ثلاجة المكينه ومدى نظافة التكايات وعدم وجود اثار زيوت قديمه
٥- تفحص المكينه لايكون فيها كسر او شعر
٦-ناظر مع فتحة دخول ماء الرديتر هل هو نظيف او فيه صدا
اسف عالاطاله ان اصبت ف من الله
وان اخطأت ف مني ومن الشيطان
والله يعطينا واياكم خير مواترنا ويكفينا شر اولاد الحرام ويبعدنا عنهم
اعذروني على عدم صياغة الكلام زين ولكن ان شاء الله فهمتو مقصدي
إبلاغ
الردود
والقطع من عنده الكلتشات والوجيه والزيت وتنظيف مجاري الزيت ومخ القييروكل شي ناسي
ايش الشركة بس اللي بعد gm الظاهر ديكسول ان ما خاب ظني ودينا السيارة الصباح ومسكنا
التكوه شفتات ومن غباءه قال جيب السيارة الصباح بدري عشان القير يبرد والسيارة تجهز بعد المغرب
عاد ما لك بالطويلة وقف السيارة جنب الورشة وانتظر لين ما جا الرفيق قله ليه ما مشيت قله مين
يوديني الدوام قال انا وداه واستلمنا الورشة تكوات لين ما الرفيق فصل قال ليه نفر يجي انت روح نفر روح انت يجي
انا في شغل مية مية انا في شغلة امانة قلت مهو مناسبك دق راسك بالجدارعاد لما جاب القطع لقيتها مهي
اللي اتفقنا عليها قال بيصرف لا هيا نفسها لكن الكيس غير قلت له ما ابغى الا نفس كيس الشركة
وما يكون مفكوك راح ابو ساعة ورجع جاب القطع الرفيق زعلان واضح انه كان يبا يلعب علينا لكن على مين الاتفاق اتفاق
وخليناه يكتب فاتورة قبل ما يشتغل ايش القطع والشركة والقيمة وايش راح يسوي وكاتب كل شي قلنا لو سوا مجنون نتشكي
عاد يا زميل دورنا على القطع برا في المحلات ولفينا على محلات التوضيب عشان نشوف انضحك علينا والا انا ربحانين
طلع المفروض ياخذ مو اقل من 1900 ريال وسلامتك
0
0
حلالك مالك تعبك لك ولعيالك مو لحثالة الدول السرقان الي لعبو في حلال
البشرية
قبل 5 سنه و 10 شهر