استفسار بخصوص حادث بدون رخصه قيادة

اذكر النظام كذا من زمان لاكن ياليت احد عنده علم اكيد يفيدنا 

مالها دخل الرخصه
الرخصه فقط عشان يستفيد من التأمين اذا السيارة مأمنه او لا
لكن تحت السن القانوني هنا كلام ثاني
و السيارة ماهي بإسمه مالها دخل بعد

انت لا تستغل ظروف غيرك نسبة الخطأ عليك أكبر
عشان السيارة ماهي بإسمه تدور اي عذر عشان تتهرب من الدفع
طيب و ربك وين راح ؟؟؟
عارف انك غلطان و نسبة الخطأ عليك و تبي تعكسها عليه ليش

يعني انت معك رخصه و السيارة بإسمك و أمورك سليمه
تجي تصدم واحد و الخطأ عليك و تبي تحط الخطأ عليه كيف تجي

تركي بعطيك لايك بس رافض الموقع الله يكثر من امثالك

تراك ظالمني .. الرجال صادمني وانا تامين شامل معاي ولا راح ادفع شي .. لكن الرجال صدمني وحلف بالله اني انا طالع بوجهه وظلمني  .. وانا مابي الا حقي

شكرا يا talk to the hand
يا حبيبي معاك تأمين شامل ولا بتدفع شيء و تجي تقول ما ابي الا حقي ؟؟؟
كيف تجي أقنعني
معاك تأمين شامل يعني انت غلطان أو هو غلطان بالحالتين سيارتك تتصلح تجي تقول ابي حقي كيف
بعدين مافيه شيء اسمه طالع بوجهي
فيه يا عكس شارع يا قطع اشاره يا انك انت او هو ما اعطيت اولويه الدخول للدوار او تقاطع
او تغيير مسار او حادث غير كذا مع الزحمه او ما انتبه او احد لف على الثاني
اما طالع بوجهي و معي تأمين شامل و ابي حقي كلامك متناقض

ي حبيبي انا ماسك اليسار ماشي ٩٠ .. لان سرعة الخط ١٠٠ 

جاني مسرع زعلان وشطفني وطير الرفرف علي 

وقام يحلف انه انا لفيت عليه .. 

ثاني شي تامين شامل اذا بيصلح سيارتي لازم ادفع للراجحي قيمة تحمل ٥٥٠٠ ريال 

والله العظيم لو كنت غلطان اني ادفع له من جيبي
لكن انه يحلف وهو يكذب ويتبلاني لا والله الا باخذ حقي 

ما فيه شيء اسمه قيمة تحمل 5500
يا حبيبي شوف وضعك و الحكاية اللي انت منزلها وش وضعها
المعروف صدم جسم ثابت او حيوان هو اغلى تحمل 2500 ريال
و هذا حطوه عشان اللي يسرع و يصدم جسم ثابت او يتلفون السيارة ويلعبون
اما تصدم سيارة ثانيه قيمة التحمل اقل من كذا بكثير
ولا قد مرت علي لا سالفة ولا شيء انه فيه قيمة تحمل 5500
بعدين فهمني كيف ماسك يسار ماشي 90 وهو طاير شطفك ولا جات بالمرايه
اذا انه سقط عليك من اليسار يعني هو ماسك الكتف بعد الخط الاصفر و هذا مخالف
و اذا سقط عليك من اليمين و دخل عليك بيشطفك يعني هذا اسمه تغيير مسار وهو اللي صدمك
اما تقول طالع بوجهه
يا اخي اللي اعرفه طالع بوجهك يعني على ملف شارع واحد رايح جاي
او داخل حاره
اما بطريق سرعته 100 كيف طالع بوجهك ؟؟؟
بعدين معليش تقول انه طاير
حتى لو انه فعلا طاير و لف عليك و طير الرفرف
بالحاله هذي هو مسرع و اي دقه من الخلف تجي مع الجنب يعني خصوصا بعد الباب الخلفي و ورى
على الرفرف او الصدام مع الجنب يعني المعروف يفقد السيطره على سيارته و تحوص عليه
الا لو حكه بسيطه هذا كلام ثاني

لا اذا السياره نظام تاجير وتامين شامل يصلحون سيارتك وتتحمل ٥٥٠٠ واتثل على تكافل الراجحي واسالهم واذا كلامي غلط بحق

الصدمه جت عالرفرف اليمين وطرف الصدام شطفني متعمد

يا أخي ما فيه شيء اسمه طير و شطف
انت ماسك مسارك وهو دخل عليك بمسارك خلاص هذا اسمه تغيير مسار و يصير هو الغلطان
و الغلط يكون عليه 100%
لكن انت واضح تدور تلاعب من قلت تحت السن القانوني و ما معاه رخصه و سيارة ماهي بإسمه
جالس تدور اي زله عليه رغم اني حاس ان الغلط عليك انت 100%

هذي قاعدة كانت بالمنتدى او برى المنتدى
ما فيه احد يصدم يقول والله اني غلطان
دائما يحاول يطلع نفسه من المشكله يعني يكذب الكذبه و يصدقها و يبي الناس تعزز له
يعني اي احد ينزل موضوع يشرح لنا حادث خذ الموضوع طقطقه اعرف انه كذوب ولا بيقول الحاصل الحقيقي
بعدين حتى ولو كان كلامك فعلا صح
انا اقول لو يعني هو ماهو صحيح ولكن نقول لو
تدفع 5500 ليش هذا لو كان المبلغ صحيح اصلا
رفرف لا تسمكره غيره مهما كان نوع السيارة ما بيوصل الرفرف بالسعر هذا
المعروف اغلب السيارات الرفارف على 500 وحولها هذا لو ما يتسمكر اصلا
المهم قم ارقد و اترك عنك الكلام الفاضي و الكذب

تم التواصل مع تأمين الراجحي تكافل على الرقم 920004414
و استفسرت عن قيمة التحمل أعلى قيمة تحمل 5000 ريال
الشيء الاخر
حسب كلام الموظف وهو مسؤول عن كلامه
نظام مؤسسة النقد لو كان نسبة الخطأ عليك 1%
تتحمل قيمة التحمل كامله
يعني نسبة الخطأ عليك 75% او 1% نفس الشيء تدفع قيمة التحمل
لازم يكون الطرف الثاني غلطان 100%
يعني قاطع اشاره او عاكس شارع او مفحط عشان ما تتحمل شيء انت
و مره ثانيه قبل ما تأمن او حتى بتشتري سيارة جديده أسأل عن التأمين حقهم و شوف وش التحمل
ووش التكاليف و غيرها
ما تروح تشتري عشان عروض اقل من شركة ثانيه بمبلغ ما يستاهل و تتورط بالتأمين والصيانات وغيرها

ياخوه
لي تجربه صلحت موتري ع الراجحي
التكلفه ٢٩ الف
كامله قطع وشغل. بنفس وكالة ابو و جميل
بالورش تكلف ٩ كامله

نسبة تحمل من قطع الغيار بعد سنه تقريبا%5"
ايضا١٥٠٠.تحمل. إذا الخطأ عليك
إجمالي ٤٥٠٠
دفعها يالربع

أعني بعد سنه
انه. بعد مضي سنه. تدفع ال٥%. من قطع الغيار

بعد سنتين. تتصلح بورشه وليس وكاااااله
.......
بعد المواتر مثل اكسنت النترا. سيراتو. وغيرهن
السيارات أكثر نسبة حوادث ع ماضن
بعد سنه فقط تتصلح ورش

نسبة التحمل لتكافل الراجحي لمن هم اقل من ٢١ 
٧٥٠٠ ريال اصلاح وكالة
و٥٥٠٠ تصليح ورش

بعد اذن صاحب الإعلان حابب اسال سويت حادث والغلط علي وما معي رخصة ومأمن هل التامين يسدد للي صدمته ويرجع يطالبني ولا وكمان هل يزود في السعر ولا ضروري فيدوني بالله