ايهما افضل النترا 2019 او كورولا 2019

كلهم ممتازين 
الانترا تتميز قطعها رخيصه 
الكورلا تتميز تمسك سعرها عند البيع 

طبعا كورولا الالنترا تصرف زياده.

قبل اسبوع استأجرت النترا 2018 مكينه صغيره 1600 سي سي
مكيفها سيء
لكن بالمقابل ما توقعتها كذا على الناس اللي تتكلم عنها
عزلها اشوفه ممتاز سواء الارض او الهواء الخارجي لكن جنوط 15 طيس
مسكت عليها خط و استخدمت داخل المدينه عزمها ضعيف لكن السيارة ممتازة

هذا من المقارنات المثيرة للجدل. في كل الحالتين انصحك بمكينة 2000 سي سي. لا تفكر انها بتصرف اكثر من 1600
القير: النترا 6 سرعات ناعم جدا. كرولا سي في تي مبرمج على 7 سرعات ( هذه ميزتين استهلاك بنزين افضل و اقل دورات مكينة بعد ال 120 )
المكائن: كلها تكرف. يمكن تسارع النترا افضل بشئ بسيط يعني حول نص ثانية لل 100 كم رغم ان الكرولا سي في تي. لكن الشركة ممكن تبرمجها بأحصنة اقل لتوفير بنزين افضل+ محافظة على القير+ تطويل عمر المكينة الافتراضي.
السعر: يمكن النترا افضل.
الصيانة: نفس الشئ كلها عادية.
قطع الغيار: تايوتا ما عادت رخيصة صارت تنافس الامريكي اذا مو أعلى.
الشكل الخارجي: مسألة ذوق.
المكيف: كرولا بدون كلتش و جربتها بدون مشاكل. النترا 2000 بكلتش وممتاز. 1600 بدون كلتش والجديد تكيفها ممتاز.

انا اشوف لو تاخذ سيراتو هي أفضل في الشكل و الموصفات

مدري على اسعار هالثنتين حول ٦٠ الف ممكن اكثر
الاوبتيما بالمعارض استاندر مكينة 2.0 اوسع و اريح من الالنترا
و الكورولا بنفس قير و حجم مكينه نيسان سنترا اللي ب50 الف
و لو تزود شوي الالتيما ب62 استاندر مثبت سرعة جنوط 16
و خل عنك الصغيرات ذوات الطيس التانكي اكبر ممكن فله اكثر فلوس
مهو بلازم تعبي فل او عبي فل التيما تمشيك 900 كيلو حق مشاوير شهر او اكثر

والله ياخوي الكرولا موتر يعمر ماشاء الله 
ويكفيك مكيفه ثلج 
والكرولا لها سمعه طيبه فكل البلدان تلاقي الكرولا كثيره 
اما النترا صراحه ماستعملتها ولا بستعملها ان شاء الله 
ركبتها مع واحد ٢٠١٣ نظيفه وعنايه ورجال كبير بو عيال 
توها داخله ال ٢٠٠ صراحه تحس انها بتموت وكل شوي خراب يقول جننته 
وعندنا كرولا ١٤ توها داخله ٢٠٠ وماشاء الله من ابدع 

بالسوق حاليا جايبين البريمي مواصفاتها حلوه صراحه
مكينه ٢٠٠٠ وجنوط وحساسات ومثبت سرعه ورموت وليد بالاسطب وليد بالصدام 
وسعرها ٦٧ مع الضريبه وممكن تحصل ارخص .. 

او خذ التيما مثل ماقال اخوي فوق حصلتها نص فل ب ٧٢ مع الضريبه وممكن تحصل ارخص 
وموتر حلو ووسيع ومواصفاته حلوه بصمه وتشغيل عن بعد وجنوط وحساسات وكاميرا وووو 

استخير ربك قبل كل شيء 

وبالتوفيق

ايا كان اللي بتاخذ خذ مكينة 2000 عزمها بيفرق معك كثير والصرفية نفس الشي مع ال1600 تقريبا

صاحبت المرور السري وهذا يڪفي ..

الكورلا قطع غيارها غالي والمكينة قديمة والجودة رديئة 
النترا فخامة وعزم ورساوة وقطع غيار رخيصة وتطربك بالخط 

الكرولا عيبها تتفكك صداماتها من الهواء لاكن شيك بالجيب ومرغوبه
النترا سياره ممتازه وقطعها متوفره لاكن الشكل الكرولا اجمل
وبالتوفيق للجميع