صيانة الوكالات.والرسوم العالية.

ياخي هذا منتدى سيارات ماهي دار الافتاء عندك ارقامهم بالنت اتصل عليهم 

صدق اخوي ابو خالد
نصيحة لا تاخذ كلام من هنا لانك معرض انك تسمع فتاوى غير صحيحه

فالافضل سؤال اهل الاختصاص والعلم من المشايخ كما قال الله تعالى
( فَاسْأَلُواْ أَهْلَ الذِّكْرِ إِن كُنتُمْ لاَ تَعْلَمُونَ ) 

السبب ان اليد العامله محسوبة عليك بالساعة وهذا الشي غير مبرر نهائياً انت لو تاخذ موتر جديد وتستمر مع الوكاله في الصيانة احتمال بعد ٥ سنوات تكتشف انك سلمت مثل ربع اونصف قيمة السيارة في الصيانة لأن الوكلاء اغلبهم اذا مو كلهم حرامية نصابين والمصيبة مايتقيدون لا بزيوت الصانع او بطريقة التركيب احيان الافضل تخرج برا وتوقف على شغل العمال بنفسك والبديل متوفر وموجود

السبب الوجيه من وجهة نظري اذا سويت صيانة مثلا ٤٠٠٠٠ وكنت منتظم من اول صيانة في قطع تتغير عالضمان من مكينة وجربكس او مساعدات والقطع غير الاستهلاكية وهي كثيرة واسأل عنها قبل تعمل صيانة وطبعا الاقمشة غير شاملة الضمان

حتى لو عملت بجدول الصيانه عندهم ووصلت سيارتك لغاية 200 الف
ومن ثم طلع خراب بالمكينه او القير

راح يكون عذرهم سوء استخدامك

يعني طالعين طالعين منها مثل الشعره من العجينه


حافظ على سيارتك واهتم بصيانتها في فروع الصيانه
وحافظ على الزيت الموصى به للمكينه والقير

وراح تقعد معاك عشرات السنين بدون الرجوع للوكاله

وبعض القطع لها عمر افتراضي بالسياره لو اختربت لابد تغييرها
مساعدات جلد مقصات هوبات اقمشه شمعات ........... الى اخره

الشغله احتكار
ف عارفين ان العميل مصيره يرجع لهم
فيتحكمون بالاسعار .....ووزارة التجاره ما عندها تقنين
للاجور واسعار الخدمات
البديل موجود. ...ولكن قد تخسر الضمان

صيانتهم عباره عن تغيير اماكن الكفرات ف الصيانه الاساسية وسنفره هوبات وتغيير زيت وفلتر ويشد لك كم صاموله

ويقولك تعال خذ سيارتك فحصناها كمبيوتر وسوينا وفعلنا وانت مستانس ويطلع حسابك 1200 اقل شي وزيتهم مكرر ويجي ببراميل

السبب يتلخص في انهم هم وبترومين يتعاملون مع ناس موسوسه.    بدال ماتعرف وش تحتاج سيارتك
من زيوت وغيرها وتشتريها من الجمله وتغيرها وانت واقف على راس اللي يشتغل وخلال نصف ساعه بالكثير منتهي
تروح تدفع مبلغ وقدره وتنلطع ٧ ساعات او ترجع ليموزين.  ومن كثرة الزحمه عندهم يسلقون لك السياره
ولاتدري وش سوو.  وش شلحوا. وش صقعوا وحكوا بسيارتك.    فمن حقهم. يرفعون
لأنهم عارفين انك بتدفع مهما كان.  وانت تقدر بربع المبلغ تظبط سيارتك. 

كلها غيار زيت وتشييكات مالها سنع أو ممكن تسويها بنفسك.
الحمدالله صرت كل اسوي الصيانات والتشييكات بنفسي أحيانا وإرتحت