وانارايح من الرياض الى الشرقيه
12
3
إضغط هنا للإخفاء
السلام عليكم
اسعد الله اوقاتكم بكل خير
اناصار لى سالفه ومحتار منها
كنت مسافر من الرياض رايح لشرقيه المهم قبل الدمام تقريبا 90 كيلو شفت واحد عطلان مولع فلشر
قلت خلني اوقف اساعده وقفت عنده سلامات محتاج مساعده شي قال الكفر مفقوع ومامعي سبير
معقوله فيه احد يمسك خط سفر ومامعه سبير ؟ قلت له تعال اركب معي نروح اقرب محطه ونغيره
مشينا قرابه 20 كيلو حصلنا محطه غيرنا الكفر خلصنا قال العامل حسابك 350 التفت على الرجال اقوله ياالله حاسبه خلنا نرجع نركبه فى موترك
تفاجئت برده يقولي مامعي والله قال حاسبه انت واذا وصلت احولها لك قلت ابشر والله واحاسب العامل ونركبه فى سيارته وخذا رقمي ورقم حسابي ومشينا
الحين له تقريبا شهر وعليها لاهو الي كلمني ولا حول لي فلوسي مع العلم اني اتصلت عليه مايرد اناوالله ساعدته بحسن نيه بس سبحان الله هذي الايام تسوي خير يجيك شر
اناوالله ماهمتني 350 الي دفعتها الى قهرني كيف يرضا يحط حرام فى سيارته يعني واحد وقف معك وساعدك بدال ماترد له فلوسه وتشكره تسوي كذا اناماادري عن ضروفه
بس لوكلمني وقالي مااقدر والله ابقوله الله يستر عليك مابي شي لى انه المبلغ مايستاهل والحمدلله ماني فى حاجتها
حبيت اغير من جوكم شوي الي عنده سالفه صايره معه يكتبها تحت واعتذر عن الاخطاء الاملائيه
إبلاغ
الردود
6
2
إنت كذا سويت معاه خير وماقصرت ووصلته للمحطة ولكن أنت زودتها شوي بحيث إنك دفعت الفلوس ورجعته بعد ؟ المفروض تتركه يرجع للخط الثاني ينتظر أحد يرجعه لسيارته
وش يحدك تمغط خط رايح جاي وتدور أقرب كبري عشان ترجعه وترجع مره ثانية طريقك
نصيحة إعتبر الفلوس بنيتك إنها دفعت بلاء عنك وإذا حبيت تساعد ساعد بدون كلافة ترى نادر أحد يقدر ويحترم
8
1
لكن أتوقع لو نيته سليمة كان قال للعامل ركب لي كفر مستخدم
ب50 ريال أو أقل
أو أي شيء يمشي لو كان يوم واحد حتى ياصل عند ربعه.
2
1
لا بد ما تشوف بركة عملك الصالح سواء في الدنيا او يوم لاينفع مال ولا بنون
لا ترجي من هذا الخسيس شيء احتسب عملك لله الواحد القهار
4
1
دائما اشوف ناس عند المحطات اللي بعيده عن المدن يطلبون فلوس بحجج غريبه
والله اعلم ممكن يوميا يركب كفر مبنشر ويرجع اللي شريته حتى يسترزق من الناس
الحمد لله صرت حذر معهم
2
1
2
1
اما عن الرجل الذي ساعدته هذا قليل خاتمه ولاينفع معه الطيبه
انا لو بدالك خليته عند المحطه وقلت عن اذنك بكمل مشواري
معقوله يمسك خط مامعه اسبير ومامعه ولا ريال
انا اوقات امسك خط الشرقيه صد رد اقل شئ بمخباي 1000 ريال
لان ماتعرف ايش راح يصادفك
1
1
احتسب أمرك عند ربك
والله يسامحه وانت رجل وسويت اللي عليك
مع إني ارفض مبدأ أوقف لأي أحد .. خصوصا اللي واقف لحاله لأن قريب لي وقف شخص مقطوع وتفاجئ إنه يشهر عليه سلاح
عشان كذا وانا اخوك لا تأمن أحد .. يقدر يتصل على أمن الطرق ويساعدونه .. لكن مثل ما ذكر احد الإخوان انه مبيت النية
الله يعوضك الجنة وخل هالفلوس ( دفع بلا )
3
1
اخوي اكل ١٢ ساعه ماحصل من يساعده الا دنه
الناس صارت تخاف وماتلام
اما اللي ساعدته ولارد حقك
المفروض يحول لك ١٠٠٠. ولاتكفيك
لكن لانعلم عن ظروفه اقل شي يكلمك . يعتذر منك
اعرف واحد ساعد له شخص متعطل بالخط
وردها له وساعده بوظيفه ممتازه
2
1
1
2
بخصوص الي يقول لاتوقف لحد متعطل هذا غلط يابعدي تشوف احد متعطل وبستطاعتك تساعده وتخليه ماتدري يمكن رجال كبير يمكن عائله مره وقف عند واحد كبير فى السن اساعده مشكلته موقادر يفك الكفر مبنشر فكيته له وركبت له السبير ماتدر بعدين تتعطل لاقدر الله تلقا من يفزع لك بس لوكل الناس تصرفو بمثل ماقلت لاتوقف كان الناس مافيها خير وانااخوك
اناوالله اني محلله ومسامحه ومثل ماقلتو دفعه بلا اناوالله نزلت الموضوع موقصدي عشان الفلوس لاوالله مقصدي عشان التصرف الي سواه اناكان بمكاني يوم قالي مامعي فلوس اقوله انابعد مامعي بس مهي هينه على اروح واخلي واحد متعطل بشارع وهو محتاجني وانابستطاعتي اساعده
الحمدلله على كل حال
5
2
3
1
لو نيته سليمه كان رد على اتصالك
لكن الواضح انه شخص لئيم طاح بكريم وقام باستغلاله
2
1
صراحة لو كنت مكانك ما أدفع أقول له اتصل بواحد من أهلك يحول لي المبلغ على حسابي وأنا أحاسب أو من البداية المفروض يطلب كفر مستخدم يمشي الحال لكن اسلوبه استهبال واضح
0
2
الوالد الله يحفظه وحن معه كان دائما يوقف للي محتاج مساعدة خصوصا العايلة وكبير السن
وسبحان الله جا اليوم الي احتجنا به مساعدة
قبل ٩ او ١٠ سنوات تعطلت السيارة عند منفذ الكويت وحنا راجعين السعودية بعز الصيف
ما امدانا نوقف الا ساق الله لنا رجالٍ سنافي الله يذكره بالخير ظفيري
وقف لنا وركبنا معه وموترنا شلناه بسطحة ورجعنا للجهراء
خذنا الموتر للصناعية والاهل نزلهم عند بيت اهله
جلسنا الى اخر الليل الين اصلحنا الخلل بالموتر ثم مشينا الحمد لله
الله يجزاهم ويجزاك خير ويكثر من امثالكم
والله يكفينا وياكم شر اللي فيه شر
3
1
لكن نصيحه لبقيه الاخوان مثل هذي المواقف خليه بالمحطه يدبر عمره
0
1
اما اوصل واحد ويكذب علي باعذار واهيه ويخليني انتظر اتصاله كل يوم هذا كذاب
لو صارحه بالحقيقه ابرك
يا اخ ain501
مساعدتهم كانت بحدود يوصلك للمحطه
لعلها خيرها يا صاحب السؤال ويمكن رب العالمين انقذك من شر عظيم ممكن يصير لك بسبب الثقه الزائده
وان شاء الله يكون درس لك حتى تستفيد منه وتكون حذر
3
0
انت نيتك طيبه وهو نيته رديه
ودام ماعنده فلوس ياخذ كفر ب 350 ليش ؟؟؟؟
لو اخذ شي يمشي الحال وارخص .......
قبل 5 سنه و 10 شهر