أضف سؤال أو موضوع جديد          

اسلوب التسويق الكاذب في موقع awok.com

up 7 down 1
salehhd 790
قبل 3 شهر



السلام عليكم ورحمة الله

كيف الحال جميعاً

تجربتي مع موقع اوك الذي مقره المنطقة الحرة في دبي

الموقع متخصص في بيع الاجهزة الالكترونية والكهربائية والاكسسوارات الخاصه بها وكذلك بعض الملابس والادوات المنزلية

تجربتي الاولى كانت بأحد العروض الي يسويها دائماً ( بريال واحد ) وبصراحة اغراني السعر لكن الموقع يشرط عليك تشتري بمبلغ معين حتى تحصل على العرض ( عادة مبلغ بسيط ) وكانت عملية الشراء الاولى ناجحة

الموقع مثل محل ابو ريال كل شي رخيص ولما توصل للمحاسب تلقاك شاري اشياء مالك فيها والمبلغ كبير يعني عندة عروض على جوالات صينية شاشة لمس بريال او خلاط او سماعة بلوتوث او طقم اواني مطبخ

الشاهد سويت اكثر من 5 علمليات شراء كلها ناجحة لكن الحق يقال الجودة ملك عليها واغلبها بضائع قديمة ومخزنة

كل هذا ماشي الحال

في شهر سبتمبر وبعد الاعلان الرسمي عن ايفون XR الوقع سوى عرض خرافي للجوال للطلب المسبق حيث ان الجوال راح يكون متوفر في 26 اكتوبر
السعر الرسمي في كل مكان هو 3299 ريال ( شامل الضريبة ) لسعة 64

السعر في الموقع كان 1999 ريال + 9 ريال توصيل ويحق لك تطلب اكثر من طلب و الوعد ان الجهاز راح يرسل للمشترى حال توفرة

بالتاكيد قمت بطلب 4 اجهزة لي وللاهل وجهازين زيادة لتعويض الانتظار ( 6 اجهزة )
(هدايا نجاح )

وارسلت العرض لبعض الزملاء وايضاً قامو بالشراء

والدفع مقدم عن طريق البطاقة الائتمانية

وكعادة الموقع لازم تشتري شوي اغراض علشان تكمل الطلبية ( شريت اشياء اغلبها ما احتاجها علشان مايفوتني العرض )

مر شهر سبتمر واكتوبر ووصل الجهاز للسوق والاجهزة لسة ماوصلت
والموقع وعد بداية نوفمر وخلص ووعد بداية ديسمبر ونفس الكلام
طوال هذا الوقت وانا اتواصل معاهم بالايمل ولا بالهاتف وشغل تسحيب
والعذر

( لسه المورد ما وفر الاجهزة ، ووصلت اجهزة وارسلوها حسب تاريخ الطلب والطلبات كثير ومن هالكلام ) والهدف انك تلغي الطلب الي في نظري ماقدرو يوفورن الاجهزة بهذي الاسعار بدون خسارة عليهم

خسروني مكالمات لدبي غير تجميد المبلغ
ودخلنا السنة الجديدة ( اكثر من 3 اشهر )


في النهاية

فقدت الامل واخذت ادور اجهزة مسخدمة ولا جديدة تم شرائها بالاقساط وصاحبه يبي يبيعة كاش من الاتصالات ولا زين ولا موبايلي (اخذة بسعر كويس وهو يستفيد )
حصلت مستخدم على 2600 الى 2800 ريال والجديد من 2700 الى 2850 ريال والبعض حتى ب2200 ريال

مريت هايبر بندة بعد توصية احد الاشخاص في حراح واحصل عرض على الايفون XR ذاكرة 64 ب 2849 ريال اي اقل ب450 ريال عن باقي السوق و128 بسعر 3199 ريال

دخلت الموقع وطلب الغاء الطلبات كلها (يوم السبت الماضي ) وجاني رسالة بالايميل ان الطلب الغي وسيتم تحويل المبلغ

ثاني يوم جاتني رسالة ان المبلغ ارسل الى حسابي البنكي وباقي الاجراءات على البنك

اليوم يعتبر الرابع دخل المبلغ في الحساب والله الحمد

عارف اني طولتها عليكم وهدفي بالتفصيل طرح التجربة كاملة والتنبيه من هذا الموقع الي واضح ان استفاد من وجود المبالغ في البنك بطريقة او بأخرى







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


فيه تحفيض بالمعقول وفيه شي ما يصدق



up 4 down 0
meshal alharbi 223
قبل 3 شهر



كثرت المواقع هذي و اعلاناتها شي ما يصدقه المنطق السليم


up 1 down 1
1405-1985 1183
قبل 3 شهر



حياكم الله
صدقتم



up 0 down 0
salehhd 790
قبل 3 شهر



الحمدلله ان رجعلك المبلغ وماسحبوا عليك ولا طولوها 
والله يعوضك خير 




up 2 down 0
m7md 33 812
قبل 3 شهر



وعليكم السلام ورحمة الله

انا شفت العروض ب ١ ريال ،، بس يطلعونها منك فقيمة التوصيل 
انا طلبت منتجات عليها عروض ب ٤٠ ريال مجموعها  ووصلت زاجل وقالي ادفع ١٢٣ المبلغ كامل 

يعني اخذو رسوم التوصيل ٨٣ ريال ،،طبعا الدفع عند الاستلام 


up 0 down 0



حياك الله ابو حسين
الي اكتشفتة ان قيمة الشحن لحد 5 اشياء ماتتغير يعني شرين غرضين او 5 قيمة الشحن تقريباً وحدة
بصراحة ماسيوى جودة اغراضة تعبانة واغلبها مخزنة


up 1 down 0
salehhd 790
قبل 3 شهر



الي درس التسويق وإشتغل بيعرف إن هذي العروض مقلب والكلام يطول في شرح طرقهم لإستدراج الزبائن وتصريف بضائع رديئة لذلك الحذر دائما


up 1 down 0



الرخص ماهو علامه جاذبه دائما بالعكس لو صارت مره رخيصه احذررر محد بيبيعك بخساره تأكد


up 2 down 0
ali704 2
قبل 3 شهر



هو موقع سيء للغاية وشريت منه سابقاً ولكن للأسف ما في مواصفات واضحة وبضاعة رديئة وما في مجال تعترض في حال كانت البضاعة مكسورة أو متضرره

علي اكسبريس أفضل بكثير


up 1 down 0
أبو عبادة 4518
قبل 3 شهر



نصيحة لأحد يشتري بالفيزا .. كاش وريح راسك دفع عندك الاستلام يزود ٢٠ ريال بس


up 1 down 0
its_o_o 385
قبل 3 شهر



اول مره أشوف الموقع هذا بس اسعارة من ٥ و٧ و٢٥ تحس انك داخل محل خردوات


up 1 down 0
ayed91 36
قبل 3 شهر



حياكم الله 
بالفعل بضليع جودتها سيئة في اغلبها


up 1 down 0
salehhd 790
قبل 3 شهر