أضف سؤال أو موضوع جديد          

كيف تتم تصفية السياره من التقطيع والكربون والتفتفه

up 8 down 2
ابوعبدالله401 21
قبل 8 شهر و 4 أسبوع



السلام عليكم ورحمة الله وبركاته ..
كثير من السيارات القديمه خصوصا الي تجي كربريتر بشكل عام يواجهون مشاكل عديده منها التفتفه والتقطيع وزيادة صرفية البنزين وغيرها من المشاكل الي يتوقع راعيها ان مشكلته من الكربريتر ويتكبد خساير ويغير الكربريتر والبواجي وتخف المشكله ولكن لاتنتهي ويتكبد خساير أخرى بتغيير اسلاك البواجي وغيرها ويدخل في دوامه كبيره مثل ماحصل لي ..
انا شريت باترول ٩١ راعيه خسر عليه واجد بعد ماكشفت عليه ولكن يوجد به تفتفه وتقطيع وكربون وثقل في العزم
اول شي سويته غيرت بواجي ولم اجد أي فرق . قلت ممكن الكربريتر رغم انه شبه جديد
توكلت على الله ودخلته الحوش ونزلت العده وبديت اشتغل عليه بنفسي وسويت هالخطوات وطلت بنتيجه ممتازه الحمدلله
1- شريت عبوتين تنظيف البنزين وصبيتها بالتانكي لتنظيف الكربريتر
2- شريت مجموعة بخاخات ايسديلكو و تزييت ومنظف الكترونيات
3- فكيت القربه وبخيت الكربريتر بالبخاخ والسياره شغاله لحد ماحسيت السياره بدت تأخذ وضع افضل ويتبقي علي امشي عليه خط وتذوب الاوساخ من خلال المحلول الي صبيته مع البنزين
4- النقطه المهمه بديت اراجع اسلاك ( السالب او الراجع ) غالبا في البترول تجد سلكين على جانب المكينه مربوطه في البودي جميع موديلات البترول القديم والجديد . فكيتها وصنفرتها ورشيتها بمذيب الاوساخ
5- سويت تمديد جديد راجع من البطاريه الى البودي وهذا فرق معي كثير
6- فكيت اكثر الافياش الموجوده ونظفتها ببخاخ منظف الكترونيات خاص مع الانتباه لفكها بحذر حتي لاتنكسر معك لانها قديمه وناشفه
7- أخيرا فكيت غطا الديلكو وقمت بصنفرة الذراع الي يوزع الشراره مثل عقارب الساعه لاني وجدت عليه كربون وواضح ان الشراره ماكانت توصل بشكل كامل وبعدها صفي الموتر كثييير
طبعا بعد الخطوات السابقه تغير الموتر بنسبة ٨٠٪ وبالنسبه لي ١٠٠٪
لاني كنت أحاول اشغله الصباح لازم ادبل بنزين ودقتين ثلاث الين يشتغل ويطلع دخان ويتفتف والان
اشغله من نقره وحده بدون بنزين – وبدون دخان وكربون وصوت المكينه هادي وبدون اهتزازات والحمدلله وقدرت استعيد شبابه من جديد

أتمنى الي فهم الشرح أعلاه ان يطبقه بالفيديو وينشره على اليوتيوب لتعم الفائده ويظع الرابط هنا اسفل الموضوع ولامانع من نقل الموضوع

انا انصح بغسيل المكينه بالبخار او القاز بين كل فتره وفتره حتى لاتتراكم الاتربه على الافياش والدينمو والكربريتر وغيرها هذا شي اوشوفه مهم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كفو ابو عبدالله بيض الله وجهك شرحك وافي وكافي


up 1 down 0
فـــ9ـــد 416
قبل 8 شهر و 4 أسبوع



السيارات الجديدة صارت مشاكل التقطيع والتفتفة تجي من حساس الشكمان او الاكسجين ولكن طرح وافي للي معه سيارة قديمة


up 0 down 0
انت اخر امالي 697
قبل 8 شهر و 4 أسبوع



احسنت والله يعطيك العافيه عالموضوع المفيد 

بالتوفيق 


up 0 down 0
m7md 33 1093
قبل 8 شهر و 4 أسبوع



الله يجزاك خير ويكثر من أمثالك .. اللي ينقل الفائده النافعه للجميع
وفقك الله


up 0 down 0
ناصر28
قبل 8 شهر و 3 أسبوع



أبو عبدالله

الله يسعد قلبك على التقرير الاكثر من ممتاز




up 0 down 0
aboahmed2014 1069
قبل 8 شهر و 3 أسبوع