أضف سؤال أو موضوع جديد          

الأسعار العجيبة في حراج

up 10 down 2
مفقود 956
قبل سنه و 10 شهر



السلام عليكم

قَالَ النَّبِيِّ صَلَّى اللَّهُ عَلَيْهِ وَسَلَّمَ:
لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ

يا اخوان بعض البائعين يستغلون جهل الآخرين بسعر السلعة جديدة ويطلب سعر لسلعة مستخدمة مقارب لسعر السلعة الجديدة في السوق مع أن الجديد في السوق بفاتورة وضمان وخالي من العيوب

اليوم وأنا أتصفح الموقع لقيت ساعة في يدي مثلها وساعتي بإطار معدني ومستخدمها 10 سنوات والمعروضة مستخدمة وبإطار جلدي وأنا شريت ساعتي من عند الغزالي بـ 600 ريال (صورتها تحت) والأخ يطلب 500 ريال ولما أرسلت له على الخاص رد علي "حبيب الساعه ملكي انا ولي الحق اطلب السعر اللي يناسبني، الساعه نظيفه الحمدلله."

أنصح أي واحد بيشتري سلعة يتأكد من سعر الجديدة بنفسه لأنه في منهم تسأله عن سعرها جديد ويقول لك السعر الموجود في الفاتورة الي معه ولكن سعرها يكون انخفض في السوق بنسبة 20% وما يذكر لك هذا الشيء

والله الموفق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذا بيع غبن "حبيب الساعه ملكي انا ولي الحق اطلب السعر اللي يناسبني، الساعه نظيفه الحمدلله." !!!!


up 3 down 0
its_o_o 476
قبل سنه و 10 شهر



المشكلة حتى بالسيارات المستعمل سعره نفس الجديد تحصل الفرق من ١٠ الى ١٥ الف بس وممشاة تحصله كثير وموديلة مو نفس السنة انصح اللي يشتري ينزل للوكاله لأي سيارة يرغبعا يسأل عن سعر الجديد قبل لايبيعونه مستعمل مقطوع بطنه بسعر الجديد


up 4 down 0
ayed91 44
قبل سنه و 10 شهر



الفرق بكل شي
امس حصلت سيكل أطفال اسمه سكوتر بمووول ب١٢٠
وانا شاريه من محل اللعاب ب٦٠
دبل الدبل
بعض قطع الغيار بالتشليح أغلى من الجديد
والسيارات تحصلها مكروفه وسعرها وصل الجديده كرت ع يدك



up 5 down 0
امير الاصيل 1714
قبل سنه و 10 شهر



لاحول ولا قوة الا بالله
فعلا الاسعار سواء في السوق المحلي او موقع حراج خرجت عن المعقول
مافيه مشكله لو تطلب السعر اللي يناسبك لكن لا تطفف وتغالي بسعرها بشكل مو طبيعي

لي تجربه غن قطعه في موقع حراج حصلتها ب٢٠٠ ريال وشريتها من برا ب٣٩ ريال
فأنصح اللي يبي ياخذ اكسسوارات وملابس وحتى الكترونيات
عندك موقع aliexpress
واللي يبي قطع غيار عندك موقع rock auto و ebay

ماكنا نتمنى نطلع فلوسنا برا لكن انصدمنا بواقع جشع التجار عندنا


up 7 down 1
عثمان طميحي 25
قبل سنه و 10 شهر



يارجل إذا قلت لأي أحد من هذه النوعيات سعرك غالي بتاخذ بلاغ مشاركه غير لائقه وألف واحد

يقول لك حلاله وهو حر فيه ومن حقه يطلب اللي يبي واللي يقول لك هذا حراج ولا تتلقف

غير المعلقين هذا يسواله كذا وكذا (معززين) وفي الأخير إنت تطلع غلطان فالأحسن الواحد

يسكت وماله ومال هذه العينه من الناس وقدر الإمكان يحاول الواحد يمسك نفسه وأعصابه ولايرد

على إعلانات بهذا الشكل حتى ولو إنها تستفز الواحد ووده يرد عليها .



up 5 down 0
jakwar2004 426
قبل سنه و 10 شهر



jakwar2004

أنا أرسلت له على الخاص خوفاً من البلاغ ومن بعض الناس الي يتظلم ويجلس يدعي وكأنك قاطع رزقه


up 1 down 0
مفقود 956
قبل سنه و 10 شهر



قبل سنة حصلت شخص يبيع مثبت سرعه النترا 2015 ب 700 ريال
اشتريته من ebay واصل المنزل ب 172 ريال من كوريا

مهم جدا توسع البحث في عدة مواقع واماكن حتى لا تكون فريسة للنصابين


up 6 down 0
fanar1 664
قبل سنه و 10 شهر



كلام الاخوان فعلا صحيح فيه عينات تستغل المستهلكين وبالذات اللي يدفع ويمشي بدون لايسأل او يسعّر والآن ولله الحمد ترى تقدر تسعر وانت جالس في بيتك عن طريق رقم محلات قطع الغيار او عن طريق قطع من الانترنت طلبيه بنفسك بتوفر عليك الكثير وتغنيك عن النصب اللي حاصل وبخصوص القطع أذكر مره جلست أدور سلف لجيب لكزس ٢٠٠٧ حصلته في التشاليح من ١٥٠٠ ومن ١٢٠٠ ومريت الوكاله قلت خلني اشوف ياترى بكم سعره قال لي الموظف في وكاله عبداللطيف ٦٠٠ ريال انصدمت وشريته وكاله جديد أصلي مختوم بختم الوكالة وأنصح الجميع بالتسعير اولا


up 1 down 0
ayed91 44
قبل سنه و 10 شهر



والله صادق

السيارات المصدومة في موقع حراج تباع باسعار خيالية ، يمكن اغلي من السليم


up 1 down 0
عمده33 1664
قبل سنه و 10 شهر



حفظك المولى أخوي مفقود
أما اللي يدعي كأنك قاطع رزقه فهذي حكايه أخرى !
أصبح اللي ينبه عن نصاب ويحذر منه فهو قاطع رزق (ياسبحان الله )
بدل مايقولون جزاك الله خير حذرتنا من نصاب يقولون وش دخلك تقطع رزقه ! ... عجبي


up 1 down 0
jakwar2004 426
قبل سنه و 10 شهر



كلام صحيح وكان يراودني هالموضوع  ودايم اتعرض للحضر اسبوع  لأني افضحهم واحيانا اشك ان فيها قطعة رزق
واحد يكذب يقول مثلا شماغ دنهل المستورده تطلع علينا ب ٧٥  عيني عينك وهي تباع ب ٧٠ وانا شاريها ب ٤٠
واعرف انها تجي من برا ب ١٩ وتباع تجزئه ب ٢٥ وكل تاجر ومايرضى  
هذا مثال بسيط  والا طلبت من النت وماجت مقاسي.  كذب ونصب. فاللي يشتري يعرف ويقيم السلعه
ويبحث. اخيراً جكيت جلدي يقول شاريه ب ١٥٠٠ وببيعه ب ٢٥٠ مو مقاسي اخذت لفه لقيت سعره جديد
ب ١٨٥.  نفسه. ارسلته له واتس قال اللي عندي بريميوم.      والعكس ناس تعرض بضايع بنصف سعرها
وقيمة ممتازه اما لأنه ماعاد له حاجه او مهو فاضي يرجع او اسباب مختلفه. وتلقون محد يشتري او يبخسهم زياده
طيب سعرهم ممتازجدا ولقطه


up 2 down 0
55thary 11
قبل سنه و 10 شهر



شي آخر مهم. لاتعترفون بالتقييمات حنا شعب مجامل.   كم عضو لديه تقييمات  اشوفه مبالغ جدا
ويوجد عضو آخر اتعامل معه اسعره واخلاق والجوده ممتازه جدا. ومهما بحثت ما ألقى ارخص منو
هذا يجيه دسلايكات تقييمات سيئه. من منافسين له.  واغبياء لأن الكلام متشابه  وينتهي بالدعاء عليه بعدم التوفيق
ف. اللايكات عندنا مش زي الغرب.  يعرفون انهم مسؤولين عن التقييم


up 1 down 0
55thary 11
قبل سنه و 10 شهر



رحت اشتري اصطب تشليح يقولي400 وهو من الوكالة ب500


up 0 down 0
cars love 10
قبل سنه و 10 شهر