أضف سؤال أو موضوع جديد          

أول صيانة للكابرس بعد 10 سنوات

up 29 down 33
التركي حبيب الكل -314
قبل 8 شهر و 3 أسبوع



السلام عليكم ورحمة الله و بركاته
السيارة كابرس 6 سلندر موديل 2010
بواجي الوكالة اليوم غيرتها من طلعت من الوكالة ما تغيرت

و كنت دائما اللي يسأل يغير بواجي و سيارته باقي جديده اقوله عمر البواجي طويل جدا

ماهو مثل سيارات زمان ولا تحتاج غيار

و اليوم غيرتها بعد عطل فيها واحد منها موجود بالصور أسفل صار فيه شعر

و ضعفت الكهرباء فيه و صار تفتفه بالسيارة

و 5 بواجي الباقي سليمه لكن تم تغييرها كامله

و اللي يقول يمكن تغيرت قبل كذا و هذي ما كانت المره الاولى

الفاهم بالسيارات يعرف ان وجه الثلاجه الاصلي اللي يجي من المصنع كرتون

وواضح على المكينه بعد فك الثلاجه دقق بالصور تشوفه كرتون

و تجي تشتريه من قطع الغيار او حتى الوكالة ما عاد يجي كرتون

يجي حديد و بأطراف دائريه جلد للأسف نيست أصورة ولكن ما فيه مانع بكره امر قطع الغيار

و اصوره للتأكيد

عموما السيارة من فترة 3 او 4 شهور صار فيها كتمه بسيطه غير ملاحظه

انا صاحب السيارة لاني متعود عليها و على عزمها لاحظت الفرق اذا دعست كامل الدعسه فقط

لكن بالسواقه العاديه غير ملاحظه

و هي اذا دعست كامل الدعسه تمشي حتى يوصل الضغط 4 بعدها تحس السيارة انفلتت

و صارت أقوى و كأن شيء ماسكها بشكل بسيط

أمس العصر طلعت و كالعاده بشكل يومي لازم ادعس لها كامل الدعسه كم مره بكل طلعه

المهم أخذت يوتيرن و دعست لها صارت تكتم كتمه قوية و لمبة المكينه صارت تأشر

اذا طفيتها و شغلتها تختفي لكن مجرد ما ادعس ربع دعسه ترجع مره ثانيه

جاء بالليل كلمت واحد من موقع حراج عنده فحص كمبيوتر يجيك عند البيت يفحص لك

و جاني و طلع لي عدة أكواد بحط لكم صورتها بفاتوره كاتبها لي

منها الترموستات حساس الهواء
و بوابة الهواء
حساسات الشكمان
بستم رقم 2 عطلان و يقول البستم نفسه
ولكن قلت أكيد كويل لأن البستم لو فيه خلل بيطلع قربعه و تخبيط ما بيكون كتمه
و اذا طفيت السيارة و شغلتها بتستمر المشكله ما تختفي الا لو كانت مشكلة كهربائية

عموما الصباح اليوم قلت بتأكد نقلت الكويل رقم 2 محل واحد ثاني و شغلت جربت نفس التفتفه

حاولت اشوف الشراره الكويل رقم 2 اللي نقلته أصبح يطلع شراره

و اللي جبته مكانه ما يطلع شراره يعني العطل ما كان من الكويل من شيء اخر

حاولت افحص منا منا ما فيه أتجهت للصناعية

اكثر من 5 ورش أجمعوا أنه الكمبيوتر ضرب و اذا طفيت السيارة و شغلتها يرجع طبيعي و يلخبط

واحد قال ممكن قاعدة الفيوزات و الضفيرة

المشكله الكمبيوتر مكلف حتى لو تشليح اقل شيء 400 ريال

ولازم تاخذ مجموعة السويتش معها و مفتاح السيارة الاساسية اللي اخذت الكمبيوتر منها

يعني مع التركيب و الشغله توصل 1000 ريال بالراحه اذا ما كان فيه برمجه حتى

رحت لواحد سوداني الله يعطيه العافيه مختص أمريكي خاصه الشفر و الكاديلاك

قالي المكينه سليمه و الكمبيوتر سليم

طبعا هذا بعد فحص دقيقه وحده فقط

سألني متى غيرت بواجي

قلت له بواجي الوكالة ما تغيرت و هي موديل 2010

قالي كيف تبغى السيارة تعطيك وانت ما تعطيها

أعطيها تعطيك غير بواجي و ان شاء الله تضبط

رحت شريت بواجي و وجه ثلاجه لان اذا بتفك البواجي لازم تفك الثلاجه و الوجه يخرب

ركبناها و شغلت أختفت المشاكل كلها حتى الحساسات اللي كانت تطلع بالفحص أختفت

طلعت جربت ادعس لها يوصل الضغط 6 و هي سالكه بدون مشاكل ولا ثقل بالعزم

و للمعلوميه واحد من البواجي فقط اللي كان على بستم رقم 2 هو اللي فيه شعر

لو ما كان مشعور كان مشاني كم سنه زياده لكن غيرت الطقم كامل
________________________________________________

موضوع سريع اخر

قبل أقل من سنه المكيف صار تبريده ضعيف و يجي نظام حساس
دورت بديل كثير يقولون ركب حق كامري

رحت لواحد سوداني قال حق الكامري ما يخدم مكينه الكابرس اقوى من الكمبروسر كثير

من اول اسبوع يضرب معك لو دعست له لازم على اقل من مهلك تمشي يكون بارد

لكن مجرد ما تدعس يضرب

البديل كمبروسر ماليبو موديل 2014 و 2015 يركب بدون توليف ولا لعب بالقاعدة ولا شيء

فك و ركب نفسه و نظام كلتش بارد ولا يتغير عزم السيارة ولا شي
_______________________________________

و بديل كمبروسر السوناتا اللي دايم يضرب

هو كمبروسر سوناتا موديل 2009 نظامه كلتش يركب بدون توليف على موديلات 2011 و طالع

و رخيص و يخدم و بارد حتى الظهر











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا كان نظام الاحتراق سليم ومافيه مشاكل
تطول معك البواجي

وانا مسافر خرب بلف التبخير وجاء الزيت على البواجي واعدمها وغيرتها
بعدها خربت البواجي مره ثانية وغيرتها
بعدها صدمت بالموتر وبعته

يوم كنت مسافر وتعطلت السيارة
تصدق اني انتظرت المكينة تبرد شوي وفكيت الثلاجة كاملة
ونظفت البواجي عشان توصلني لوجهتي وركبتها ومشيت ههههههههههههههههه
امن الطرق يوم وقفو حنبي انفجعو من شكل المكينة وهي مفكوكة
قالو نجيب سطحة
قلت لا .. الموضوع بسيط


up 0 down 0
b or not be 1429
قبل 8 شهر و 2 أسبوع



التركي لو تعزني احذف ردي لان المبرزة كلهم حطو دس لايك



up 1 down 7
فـــ9ـــد 416
قبل 8 شهر و 2 أسبوع