أضف سؤال أو موضوع جديد          

المشكلة الاسطورية في سيارات فورد الدبل ذات الدفع الأمامي

up 11 down 0
انت اخر امالي 547
قبل 2 شهر و 3 أسبوع



كمالك وكشخص يعرف مستخدمين لتوروس (AWD) واكسبلورر وايدج 4WD
حبيت أني اشارك بعلومة بسيطة قبل أن يسقط اي احد فريسة واللي سقط الله يعينه


سيارات فورد بعد 2011 يجي فيها الدبل على شكل قطعة مكانيكية قريبة للشكمان تسمى PTU او POWER TRANSFER CASE
وبالعربي شغلها نقل القوة مابين القير والمكينة للأن هذا شي جميل
عموما فيه عيب مصنعي للقطعة وهو أن في الجيل الاول منها اللي ظهر عام 2008 كانت تجي بزيت خاص مكبوس غير قابل للتغيير
وكان مثل زيت القير تماما وهذه كانت مشكلة بحيث أن القطعة هي مكانيكية بحتة وفيها مسننات (بكرات) فهذه البكرات
اكيد تحتاج زيت نظيف وبما ان الزيت لم يمكن تغييره فمع الحرارة والاستخدام المتكرر يفقد الزيت خواصة وتتكسر هذه المسننات
عموما فورد أعترفت بغلطها واوصت بتمديد على ظمان الدبل لسيارات الايدج 2011-2013 بحيث يتم تغيير القطعة
واستبدالها بأخرى يمكن تغيير زيتها !!


هل حلت المشكلة ..؟ لا مازال التهريب موجود كعيب مكانيكي بحت بهذه القطعة والي تصليحها يكلف مبلغ وقدره !!
نعم ! كم المبلغ هو يتفاوت فالوكالة مابين (5000الى7000) غير شغل اليد ولاتفكر بتشاليح لانك صعب تحصل هالقطعة
نظيفة وزيتها نظيف وبدون تهريب بتشاليح (والله الموفق لكل خير وممكن تحصل ولكن كن نبيه )

عموما هذا رابط للقطعة من EBAY بسعر 750دولار يعني 2800ريال ومع الشحن توصل3000 (أعتقد)

https://www.ebay.com/itm/2007-2014-OEM-Ford-Edge-Explorer-Taurus-AWD-PTU-PTO-TRANSFER-CASE-DIFFERENTIAL-/152727358358


وفالنهاية حاب اقول لكل من طلع سيارة فورد دبل جديدة ركز علزيت هلقطعة ولازم تعرف ان فورد ظامنة لك هالقطعة علضمان
غصبا عن شنب موظف المبيعات(بتوفيق) لذلك ان وجدتها تهرب او معطلة فورا روح غيرها علضمان وبحسب تجربتي
راح يمرمطك موظف المبيعات ومسول الصيانة عشان ماتتصلح علضمان ولكن انت خلك ذيب ورقم وزارة التجارة بجيبك ترا شركة فورد اعترفت بخراب القطعة ومشاكلها (يعني مافي شي اسمة سوء استخدام)


وبنسبة للي طلع من الضمان = لك الله ياقلبي

وياشباب الكلام على (ايدج - اكسبلورر-توروس-فليكس) عشان تكونون في الصورة لان الاكسبديشن ماله علاقة بالقطعة هذه ومايعرفها الشنب








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بيض الله وجهك عالافادة


up 4 down 0
14040 9
قبل 2 شهر و 3 أسبوع



نشكر لك الكتابه عن تجربتك
وفقك الله
والاخوه اللي عندهم سياره دفع رباعي
شيكوا عليها بدري


up 3 down 0
لا للغلاء 608
قبل 2 شهر و 3 أسبوع



انا اشهد انك ماقصرت ، وعلمك وافي 
جزاك الله خير


up 2 down 0
m7md 33 810
قبل 2 شهر و 3 أسبوع



           جزاك الله خير 


up 1 down 0
abo fawazi
قبل 2 شهر و 3 أسبوع



           جزاك الله خير 


up 0 down 0
abo fawazi
قبل 2 شهر و 3 أسبوع



الاغلبيه راحت عليهم وشالو العمود وخلو السياره دفع ثنائي


up 1 down 0
abdulaziz al-malki 972
قبل 2 شهر و 3 أسبوع



وعليكم السلام ورحمه الله وبركاته 

انا عن نفسي الايدج اللي معي ٢٠١٤ 

دفع رباعي 

فكيت عامود الدبل 
ماكان فيه مشكله 

بس علشان اخفف السياره 

وكانت النتيجه المتوقع جدا ممتازه 

السياره صارت خفيفه جداً 

وماتصرف زي اول 

انصح اللي مايستخدم الدبل يفصل العامود 

لانه يسبب ثقل للسياره وصرفيه بنزين


up 1 down 0
الامير2007 39
قبل 2 شهر و 3 أسبوع



والله ياخوي انا افكر زيك اشيله بس الحين طالع عندي تهريب والوكالة تقول هات مبلغ وقدره الله يعين بس


up 0 down 0
انت اخر امالي 547
قبل 2 شهر و 3 أسبوع



مشكور على الافادة جزاك الله خير اخوي


up 1 down 0
Abdullah 555444 -2
قبل 2 شهر و 3 أسبوع



ألف شكر لك على الموضوع

سيارتي فورد اكسبلورر 2012 دفع رباعي (طالعة من الضمان)، والقطعة في الاكسبلورر من النوع اللي كبس مايتغير زيته، وفي فترة الفحص المجاني للوكالة فحصتها، واتضح وجود تهريب زيت في قطعة الPTU من صوف العكوس وعمود الكردان (3 صوف) سعرها كلها حوالي 250 ريال.
ما كنت والله منتبه لها ولا أدري عنها
لكن الحمدلله تم تغيير الصوف مع تغيير الزيت مع شغل اليد في الوكالة بتكلفة 1000ريال بعد الخصم، وانتهت المشكلة ولله الحمد.
أرحم من اني أهملها وتروح علي قطعة الptu وتكلفني 5 الاف ريال أقل شي

بغيت اصلحها خارج الوكالة بس المشكلة تغييرها في الورش غير مضمون وترجع تهرب مرة ثانية، بسبب استخدامهم (للشاكوش) والأدوات البدائية في كبس الصوفة، مما يسبب عدم ثباتها. بعكس الوكالة يتوفر عندهم أدوات كبس خاصة، وتاخذ ضمان على التركيب.


أهم شيء -مثل ماتفضلت اخوي- هو الانتباه لهذي القطعة وفحصها، والتأكد من عدم وجود اي تهريب، وتغيير الزيت في وقته إذا كانت من النوع اللي يتغير زيته، والله يعين.


up 1 down 0
ضيف def 1
قبل 2 شهر و 3 أسبوع