تنبيه للباحث عن سيارة . قد تكون الوكالة أرخص

المازدا علشان طلبية ويطولون فيك شهور عشان يجيبلك السياره
ف بعضهم يشتري السياره ويخليها عنده اصفار يبيعها اغلى عشان بدون ماتنتظر تاخذها على طول

وصارت في التويوتا كامري والافالون لان حاليا الوكيل انتهج نفس نهج مازدا في جلب السيارات صار يطلب من المصنع كميات قليله حتى يضمن ان كل الي يجيبها من المصنع تنباع ومحدد رقم ربحي يجب تحقيقه في السنه ومايهم يزيد الربح اكثر من المحدد عنده اهم شي مايطلب سيارات وتتكدس عنده ويضطر يسوي تخفيضات عشان يصرفها
مثل ماحصل لسيارات كورلا القير العادي موديلات2016 الى 2018 والكامري موديلات2014 الى 2017 اضطر يسوي تخفيضات عليها عشان تمشي في كل نهاية سنة

مازدا تجي خلال 15 - 20 يوم
هذا كلام موظف المبيعات والعلم عند الله

سبق وزرت الوكالة حقت مازدا في البلد بجدة
وسالت الموظف قالي متوفرة اقصد الجيب cx9
ومكتوب بورقة خلال عشر ايام تستلم السيارة بعد انهاء المعاملة
ممكن الموديلات السابقة كانت تتاخر لكن اللحين اشوف المازدا انتشرت
وصارت بكل شارع عكس قبل سنة تقريباً

اذا صحيح وكالة مازدا صارت توفر السياره خلال 10 ايام فبعد ايش بعد ماخسرت كثير من الزبائن من 2016 الى بداية 2019 كان الانتظار بالشهور وكثير منهم شراء سيارات من شركات ثانيه بعد مامل من الانتظار
وانا الحمد لله كنت ابي ناوي اشتري جيب cx9 من 2017 وانتهى العام ودخلنا في 2018 ونفس الحكايه لازم انتظار مع انهم نقصو بالمواصفات
وفي عام 2019 خلاص كنسلت فكرة اشتري منهم لان الشكل صار قديم ونزلت اشكال جديده من شركات ثانيه مثل الراف فور والافالون والكامري مع انها غير متوفره لكن لو توفرة شريتها وماشريت جيب cx9
والحمد لله عندي سياره امشي نفسها فيها لين مااحصل السياره المناسبه
وكل شخص ممكن يتجه لسيارات نوع ثاني مو شرط مثلي ممكن غيري يتجه لشركة فورد وغيره يتجه لشركه ثانيه
الخلاصه تاخير الوكيل في توفير السيارات ليس من مصلحته