أضف سؤال أو موضوع جديد          

سؤال بخصوص التأمين للاعمار اقل من 18 سنه

up 1 down 0
ryan702 465
قبل 2 سنه و 2 شهر



السلام عليكم ورحمة الله


ان شاء الله بجيب لاخوي الصغير سياره مستعمله على قد الحال حدود الـ 18 الف
طبعا عمره 16 ونص

وعشان مابغاه لاقدر الله يصدم سيارات الناس وينحاش ولا يسبب ضرر لناس اخرى بالاخص انه توه يسوق
حبيت اسال واستفسر عن وضع السياره مع الناحيه القانونيه ماعندي اي علم

اقدر اسجل السياره + التامين باسمه وهو ماعنده رخصه ...؟
او اسجل السياره باسمي واسويله تفويض ؟ ( اصلا اقدر اسوي تفويض لمن هم اقل من 18 سنه ..؟
او او او

عطوني افضل حل لو انتم بمكاني
طبعا ممكن بعضكم يقول بدري ع السياره بس انا اشتغل في مدينه واهلي في مدينه اخرى والوالد الله يرحمه متوفي ومافي غير اخوي هذا الي يقدر
يروح ويجي ويجيب مقاضي واغراض للاهل وانا خارج المدينه


وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سلام عليكم تقدر تسجل السيارة بأسمة و تامنها لاكن التأمين ما يشمله لو سوى حادث لا قدر الله لان ما عندة رخصة ولو تبي تعطيه تفويض لازم يكون عندة رخصة


up 1 down 0
1108529569 36
قبل 2 سنه و 2 شهر



تقدر تحطها باسمه اوك 
بس التامين في وثيقه اضافيه لمن هم دون ٢١ سنه بس هل الى ١٨ سنه او عادي ١٦ 
لازم تراجع شركات التامين وتتاكد 


up 1 down 0
m7md 33 1156
قبل 2 سنه و 2 شهر



تقدر تطلع له تصريح قيادة لكن ماني متاكد كم لازم عمره ١٧ او ١٨


up 0 down 0
ain501 213
قبل 2 سنه و 2 شهر



ممكن تصير السيارة باسمه والتأمين نفس الشي لكن بيصير بسعر أعلى لأنه أقل من 21...لكنك ما راح تستفيد من التأمين لأن ما عنده رخصة...عموما يقدر يطلع تصريح (رخصة مؤقتة) إذا صار عمره 17


up 1 down 1
ابراهيم ابو جابر 74
قبل 2 سنه و 2 شهر



سو مثلي ولا تعطيه السياره حتى يكمل 17 عاما وتقدر تطلع له تصريح قياده وإذا بلغ الـ 18
عاماً يتم تبديله بكل سهوله لرخصة قياده .. وصدقني ما إنت خسران صبرت إلى أن صار عمره
16 ونصف وما إنت قادر تصبر 6 شهور ووالله ما أنا إلاّ ناصح لك أخي العزيز فلو لا سمح الله
حصل له مشكله الله يكفينا الشر تكون في السليم بدل ما تندم على أشياء كثيره وقت لاينفع ندم .


up 5 down 0
jakwar2004 436
قبل 2 سنه و 2 شهر



الحل الصحيح أنك تنتظر لما يكمل 17 سنة وياخذ تصريح قيادة وتعمل له تفويض وتأمن السيارة وتكون أمورك نظامية

لا تستعجل وتخالف النظام


up 1 down 0
أبو عبادة 4852
قبل 2 سنه و 2 شهر



وعليكم السلام ورحمة الله وبركاته
الله يحفظ اخوك واخوان وعيال من يقرأ من كل شر 


up 2 down 0
عبدالرحمن النوفل 108
قبل 2 سنه و 2 شهر



وثائق التامين تغطي من عمر ١٨ وفوق 


up 0 down 0
تركي818 134
قبل 2 سنه و 2 شهر