ما هي أفضل السيارات للإستيراد من الإمارات

والله يا سيدي العزيز السيارات الفارهة أكثر شي رخيصة في الإمارات

حاول بقدر الإمكان تبعد عن المعارض لأن المعارض صاروا يشوفون السعوديين ويعطونهم قريب من سعر سوقنا وبكذا ما استفدت شي

نصيحتي خلك مثلهم ورح لشارع المعارض وشف اللي يبيعون وفاوضه بالسعر . أرخص لك بمراحل

اهل الامارات الدارج بنسبة كبيرة عندهم الباترول والجيوب بشكل عام وسعرها محتفظ فيه .. الا ما ندر

والله يسهل أمرك وقبل ما تروح لازم تعرف وش اللي لك وش اللي عليك وانا اخوك من اوراق ومستندات

وربي يكتب لك الشروه الطيبة

تروح وترجع بالسلامه اولا 
ثانيا شف الي انت تبيه ويصلح لك وخذه 
لكن خلك بالمرغوب بالسوق 
كامري واكورد وافلون وكذا 
وشف مر ع معارض الشارقه ، بس انتبه ترى الغش ياكثره ركز وتاكد قبل تشتري 
وفعلا كلام الاحترافي السيارات الفخمه سعرها حلو هناك بي ام ومرسيدس كذذا 

وترى مراكز الفحص ممكن يكون متفقين مع المعرض 
قد صارت قبل ٧ سنين خويي شرى بي ام قالوله وكاله 
وفحصه بالدمام طلع فيه 

بالتوفيق اخوي

نصيحه لاتروح للمعارض بالعكس ابحث عن البايع الخاص وتلقاهم بمواقع الانترنت والمبوبة والانستقرام لان اسعارهم ارخص . ونصيحه لاتاخذ كاش خذ شيك مصدق باسمك من البنك اللي فيه فلوسك اضمن واحفظ لك ونصيحه السيارة اللي تفحصها اخصم من سعرها عشرة الاف الي خمسة عشر الف ترى العالم هناك يدورون الكاش ولاتستعجل ولاتشتري من اول شوفه بالعكس قله بفكر تشوفه يرجع يتصل فيك وابحث عن الامريكي السيدان سوقه عندنا جيد والتي تقدر عليه دراهمك ونصيحة السيارة اللي بتشتريها اتصل بالوكالة واعرف كم ماشي الموتر اخر تشييك . اي خدمة انا حاضر .

واذا بتجيب عشان تتكسب نصيحة شوف اي احد من معارفك يبي سيارة واشترها له من هناك بعد مايشوف صورها وتعجبه .. من فترة اسعارتويوتا الانوفا عندهم جيدة وهي مرغوبة عندنا وربي يوفقك

الي بتوفره بتدفعه جمرك على الحدود

تأكد قبل تشتري وش المسموح بدخولها والغير مسموح 
عن طريق موقع كفاءة الطاقة 
www.sls.gov.sa/