استاجرت سياره واكتشفت فيها تعقب

نظامي مااعتقد بس واجد تصير علشان يعرفون السيارة تمشي وين ومحد يلعب بالممشى يرجع العداد وبنفس الوقت اذا مااستجاب للاتصال يطلعون مكان السيارة ويسحبوها لان بالعقد مسموح كيلوات محددة باليوم

أول من بدأ بهالقصه شركة المراعي حتى تراقب تريلاتها
يحددون طريق معين يمشي عليه السواق واذا راح يمين او يسار يصيدونه
ويراقبون السرعه وامور كثيره
وممكن ادماج كاميرات في السياره
طبعا نظام مركزي ومعقد عكس اللي عند الافراد


راحت شركات التأجير تسوي نفس الحركة بسيارتهم 
فهي بدأت تنتشر بكثره

اغلب سيارات التأجير حاليا فيها اجهزة تتبع وهذا من حقهم

السبب أنه كثير من الناس استأجر السيارة وفصل العداد أو ما سلم السيارة وما دفع

انت نظامي وأمورك طيبة فما في أي مشكلة

سوق ايجار السيارات عندنا نشيط جداً لكن يعيبه ان الشركات واجهت عينة عملاء ماتحصلهم بأي دولة في العالم من استهتار وتفحيط واساءة وتعمد اتلاف او سوء استخدام لسبب واحد وهو انها ايجار والاخ دفع 80 ريال ويبي يحللها . فالموضوع ليس شخصي تجاهك ولست مقصود بشيء .

ياخوان انا نظامي واموري ماعليها شي الحمدلله ، لكن الكلام هل مسموح بهذا الشي
يعني مو معقول بحكم اني مستاجر سياره من عنده يعرف انا وين ؟ 
بالنسبه للاخ الجوابر كيف من حقهم ؟ هل نظام ممارسه تاجير السيارات يسمح لهم بهذا ؟ 

نعم النظام يسمح لهم بذلك

انت على قولتك نظامي ومؤدب

لكن غيرك قليل حيا ويمارس فيها التفحيط والسرقات ومايدفع حق اجارها
كيف تبي شركات تاجير السيارات تضمن سياراتهم وتحاسب المقصرين
الا بهذه الطريقه

اذكر واحـد قبل عشر سنوات كان يستاجر شهر شهرين ولايدفع اجارها
وقتها ماكان فيه ايقاف خدمات او مطالبات يكتفون بالشكوى ودور عليه اذا لقيته

ماحد يلومهم 
لاكن من المفترض المستاجر يصير عنده خبر ان السيارة
فيها نضام تعقب اول شي المستاجر يلزم حدوده 
ثاني شي المؤجر يضمن حقة في بلاغ الزبون انه وقع ع نضام
التعقب 

ي حبيبي غير نظامي ويعتبر تعدي على الخصوصية اذا مالم يكن مثبت بالعقد

بلا فلسفه من الكيس وبعدها تغليف عشان المؤجر يضمن حقه ي شيخ ؟

وللعلم تقدر تشتكي عليه اذا اكتشفت ان فيه جهاز تعقب ومافي بند بالعقد خذ العلم دامك تبيه

ياحمود لاتفتي من راسك

وليس من حقه تقديم شكوى بقولك ليس مكتوب بالعقد عذرا اقبح من ذنب

السيارة اذا تملكها الشخص باسمه يحق له ان يحاسب الوكاله او المعرض اذا وجـد فيها عيب
صناعي او اضافات

أما بخصوص الجهاز الان بكل سيارة اجار منتهي بالتمليك من عبداللطيف الى الجبر
لتحديد موقع السياره في حالة مخالفة قائدها او عدم تسديد الاجر يتم تحديد الموقع
ومن ثم سحبها

ترى (تحديد موقعها عن طريق الجي بي اس) مو حاطين كميرا ويصورون اللي بالسيارة

قال تشتكي عليهم هههههههههههه

انت وش مشكلتك اذا فيها جهاز أو مافيها 
ناوي تشرد فيها ؟؟؟؟ 
سيارة وعليها جهاز وانت مستأجرها كم يوم وبترجعها 
واذا عرف مكانك وش بيسوي لك
اصلاً انت ماتهمهم هم عليهم بسيارتهم اذا انتهت مدة العقد ترجع لهم 
اذا مارجعت لهم وقتها هم يدورن سيارتهم عن طريق الجهاز 

لو الحلال حلالك بتسوي كذا ويمكن أكثر الجهاز تعقب فقط وليس تسجيل صوت وهذا الي خايف منه مو صح؟ خلك من الجهاز ماراح يجيك شي لاتخاف

جهاز التعقب ممتاز ...اعرف شخص عندة تريلة لنقل الشعير من ينبع للقصيم وكان مركب فيها جهاز تعقب بدون لايعلم سائقها الباكستاني... المهم طلب العامل اجازة واعطاة خروج وعودة وطلب منة ان يوصل التريلة من ينبع للقصيم لاكن العامل ذهب من ينبع لجدة وصاحب التريلة يشاهد مسارها والسائق مقفل جوالة واتصل علي احد اقرباءة في جدة واعطاة مكان التريلة ووجدها في حوش ولو تأخر عليها لتم تفكيكها ... وهذة فائدة جهاز التتبع

عطيتوني ديسلايك فوق 15 للردودي الاثنين

ارجع واكرر انا اتكلم بالنظام ويحق له يشتكي

كلكم من الكيس وفلسفة والدليل ماحد قدر يجيب شي ضد اللي قلته بس تبرير عشان وعشان ههه ضعووف

اخي خذ مني العلم الاكيد
سيارت التاجير واكثر الشركات والحكوميه فيها احهزة تعقب
ويقدرون يوقفوها عن التشغيل ومعرفة سرعة السياره
وحزام الامان اذا كنت شابكه او لا
واذا فصلت الحعاز يعرفون
وهذا نظامي ومطلوب تركيبه من الحكومه

للعلم لا يوجد فيه تنصت

سيارات شركة الكهرباء جميعها فيها جهاز تتبع واذا تعديت السرعة تخالفك الشركة ...واغلب سيارات الايجار المنتهي بالتملك او سيارات التأجير اليومي فيها جهاز تتبع وهذا من حقهم ولا تستطيع ان تشتكيهم