أضف سؤال أو موضوع جديد          

موية رديتر زرقاء ؟

up 0 down 0
zy23j 114
قبل 8 شهر



مساء الخير
يا اخوان والله تعبت وانا ادور موية رديتر زرقا لسيارتي نيسان التيما 2018
رحت وكالات كثيرة ما عندهم الا الموية الخضراء واللي عرفته انه فيه اختلاف في تركيبة الموية الزرقاء عن الخضراء
اتوقع حتى الباترول والفتك مويتهم مثلي زرقاء
ساعدوني وين احصل الموية الزرقاء هذي وشكرا .
الصورة الاولى الموية الخضراء اللي موجودة في الوكالات
الصورة الثانيه هو الماء المطلوب









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


موجوده عند العيسى الجالون ب٢٠٠ريال موية زرقاء
الكلام قبل ٣سنوات مدري للحين عندهم او لا وعندهم مويه خضراء ارخص
وعندك ون ستوب عندهم مويه زرقاء مع اني شفتها
من الجنب كأنها خضراء بس مادققت زين الفني يقول ازرق
ورخيصه اقل من١٠٠ريال قبل شهر شايفها
وعندك مويه مرسيدس عند الجفالي عندهم لتر ب٥٠ريال مويه زرقاء
شريتها قبل ٣سنوات بس لازم تضيف مويه مقطره
اتوقع عندك القربه فاضيه من الوقفه مثل ماحصل معي لان سيارتك جديده ماشاءالله
نصيحه عبها مويه مقطره سعر العلبه٣ريال وريح راسك
والمقطره بتنخلط مع المويه الي بالرديتر ويتغير لونها ازرق



up 1 down 3
d7ooom777 389
قبل 8 شهر



اذا انت فجيزان شفتها في محل خواجي لقطع نيسان العلبة ب ١٩٠ تقريبا


up 2 down 0



حياك
مالك الا موية المرسدس خذ لتر
والباقي ماء مقطر
لونه ازرق
وسعره مناسب
وجودة عاليه
وباالتوفيق


up 1 down 0
باترول 2020 2620
قبل 8 شهر



مدري اذا تفرق المويه ولا 
بس عندك موية تويوتا الاصليه الحمراء ممتازه ويركبونها ع كل المواتر الجالون ب ٤٠ 
انت تحط جالون واحد وتزيده مقطر وخلاص 


up 0 down 0
m7md 33 1092
قبل 8 شهر



أنا استخدم موية ميتسوبيشي الزرقاء ، يابانية أصلية و الجالون بستين ريال بس .. تحصلها عند أي وكيل ميتسوبيشي


up 0 down 0



دورت في جده العيسى وبترومين ما حصلت ودورت في فرعين بالرياض وما حصلت
لكن بزيد اوصي اخوي في الرياض يدور في ون ستوب
الله يعطيكم العافيه جميعا


up 0 down 0
zy23j 114
قبل 8 شهر



بالرياض موجودة بكل مكان بأم الحمام والصناعية القديمة وسعرها ١٧٠ تقريبا

موجودة بعنيزة عند الموسى سعرها ١٢٠ فقط بلاش

لعلمك الموية الزرقاء ذي هي شد بلد سيارات نيسان كلها الحديثة ، التيما - سنترا - مكسيما - صني - باثفندر - باترول - اكس تريل - قشقاي - جوك

إياك أنك تخلط مع هذا السائل أي مادة اخرى لا ماء مقطر ولا غيره مطلقا مطلقا هو الجالون مخلوط مسبقا وجاهز


فقط تضيف منه مباشرة للخزان الاحتياطي اذا نقص فقط

لا تستخدم اي سائل غيره


اشتريتها الاسبوع اللي فات من محل بن عفيف لقطع نيسان
تحت كبري بني مالك في جدة. ب 50 ريال.
و حسب نقاش معاه انه حق المستبيشي ممتاز و ممكن افضل
من حق النيسان.
اذا مصمم عليه. روح له و انت ماشي في السبعين بعد ماتعدي
نفق فلسطين ادخل يمين قبل الكبري . المحل على يمينك اسمه
بن عفيف.


up 0 down 0
amer ahmed 522
قبل 8 شهر



اسف انا اقصد اللي موجود عند بن عفيف هو العلبه الزرقاء الموجود في الصورة الاولى
و ليس الصورة الثانيه. النوع الثاني لا اعلم اذا منوفر عنده او لا.


up 0 down 0
amer ahmed 522
قبل 8 شهر



مركز نيسان عندهم
بس سعرها مبالغ فيه 180 ريال


up 0 down 0
احمد 170 326
قبل 8 شهر



موجوده في جده عن قطع الغيار مركز الرياده او قطع غيار الوفاء  شارع سلطان بن سلمان سعرها تقريباً ١٥٠ ريال 


up 0 down 0
abo saad za
قبل 8 شهر



المويه تجي جاهزه فقط تضيفها للرديتر بدون ماء مقطر لانها مخلوطه وجاهزه 


up 0 down 0
abo saad za
قبل 8 شهر



انا معي ددسن رحت الوكاله يقول ب 200 تقريبا


up 0 down 0
iiblack-90 -2
قبل 8 شهر



سلام عليكم اخوي نصيحه من اخوك الصغير ركب موية برستون افضل موية الاديتر تمشي 240 بالاستخدام العادي هذا كلام عبد الحق من اليوتيوب


up 0 down 0



في للمرسدس ماء ازرق رديتر


سمعت انه موية رديتر المرسيدس زرقاء لكن اخاف يكون يختلف وما يصلح للألتيما
والاكورد موية الرديتر زرقاء


up 1 down 0
zy23j 114
قبل 8 شهر



يارجال حط موية رديتر ميتسوبيشي أو بريستون أو هوندا وماجاك في وجهي تراها موية رديتر مو زيت قير عشان تصير حساس

دام مودية الرديتر اللي بتحطها تركيزها 50/50 أمورك في السليم
موية الرديتر الأصلية عبارة عن جلايكول ايثلين وماء مقطر
والمادة الأولى هي اللي تمنع الماء من الغليان عند درجة 100 درجة مئوية وتخليه يغلي عند درجة أعلى حسب تركيزه

وموية الرديتر اللي تجيك بتركيز 50% جلايكول ايثلين و50% ماء مقطر هذي الموية المثالية لكل السيارات

موية الرديتر الميتسوبيشي اللي تجيك زرقاء بتركيز 50/50 اخذت منها جالونين بعد الخصم طلعت علي ب39 ريال للجالون
واحطها لسيارتين هوندا سيفيك 2005 واكورد 2007 ومن احسن مايكون

موية رديتر هوندا زرقاء 50/50 الجالون ب70 ريال من الموزعين حطيتها لأكورد 2006

وعندك موية رديتر بريستون حمراء 50/50 أخذت جالونين والجالون ب40 ريال حطيتهم لجمس يوكن 2003


up 0 down 0
nader2002 1656
قبل 8 شهر



وعلى طاري لون موية الرديتر مالها علاقة بجودة ماء الرديتر
اللون هو مجرد صبغة لتمييزه عن باقي السوائل في حالة تسربه أسفل السيارة

لكن فيه شركات سيارات تصنع أكثر من نوعية ومختلفة التركيز من ماء الرديتر فتتعمد تمييز كل نوع بلون مختلف

مثل شركة هوندا وميتسوبيشي ونيسان عندهم أنواع يتراوح تركيز مادة الجلايكول ايثلين مابين 20 إلى 30% حسب الشركة
وتميزهم باللون الأخضر

وعندهم أنواع نسبة التركيز فيها 50% وتميزهم باللون الأزرق مثل المذكورة سلفاً
موية هوندا الزرقاء مصنوعة بتايلاند والميتسوبيشي مصنوعة في اليابان

وعندك كذلك موية رديتر من امزويل الأمريكية نسبة التركيز 50% الجالون ب65 ريال
دخلت موقع الشركة واخترت نوع سيارتك وموديلها وطلعت كل المنتجات المناسبة لسيارتك من بينها ماء الرديتر في وسط الصفحة

https://www.amsoil.com/lookup/auto-and-light-truck/2018/nissan-datsun/altima/2-5l-4-cyl-engine-code-qr25de-4/us-volume/




up 1 down 0
nader2002 1656
قبل 8 شهر



الالوان للتفريق بين الشركات المنتجه فقط 
انت افتح دفتر الوكاله وبتشوف النسبه المطلوبه لدرجات الحراره
مثال ددسن 2010 بدلت ماء رديتر ازرق 50/50 وبعدها بفتره
صارت تجي عندي حراره !! والمويه اصليه لمرسيدس 
وبعدها تأكدت من الدفتر وطلعت جايب العيد :
في الجدول مكتوب
اذا درجة الحراره اقل -15م >> 30٪ مركز و 70٪مقطر 
واذا درجة الحراره اقل -35م >> 50/50 

اتمنى انك انت وباقي الاخوان تهتمون بالنسبه المطلوبه والخصائص
وليس اللون !! والله يوفق الجميع للخير


up 0 down 0
عبدالله 711 792
قبل 7 شهر و 4 أسبوع