اعلانات مضحكة - استهزاء بعقول الناس - إلى متى ؟
25
5
إضغط هنا للإخفاء
السلام عليكم ورحمة الله وبركاته
اسعد الله أوقاتكم بكل خير ومسرات
طبعا في موقع حراج تشوف شي يهوّل وتضحك من قلبك على عقول بعض البشر
-----------------------------
السيارة كانت بإسم صاحب سمو ملكي !
السيارة كانت بإسم الشيخ فلان !
السيارة كانت بالكراج وما تطلع الشمس ( خايفه على بشرتها )
السيارة حاليا بالصيانة وبعد ما تطلع ببيعها !
كثر الكلام هذا بموقع حراج بالفترة الاخيرة
وأصبحت السلعة تقاس بالشخص اللي يركبها
وكأنه شخص مثالي يحط السياره على ظهره وهو يمشي بها
يا عالم احترموا هالدمجه اللي قاعدين نشيلها فوق اجسامنا !!!
مو معقولة يجي واحد ويقولك رنج روفر مثلا او مرسيدس ماشي 200 ألف كانت بإسم أمير ؟ واذا بإسم امير يعني قاعد يتنفس بخور بها ؟
وتتفاجئ انه الخمسين بالمستخدمين هههههههههههههههههه ولما تشوف السيارة تتفاجئ ان الزفلت حق الشارع أنظف من السيارة
--------------------
قبل شوي شفت واحد والله مدري صراحة كيف يفكر ؟
يعني رنج روفر و 2010 وقيمة النظيف النظيييف ب 55 إلى 65 كحد أقصى ( ممشاه أقل من 200 )
الشخص الفهلوي هذا حاط اعلانه رنج روفر كان يسوقه الشيخ فلان بن فلان آل مكتوم ( واااااااااو سياره منزهه معصومة من الخطأ والمشاكل وتقدر تروح فيها دبي بسرعة )
وماشيه فوق 240 ألف
وحادها ب 80 ألف !!!!!!!!!!!!!!!
وواحد ثاني حاط اعلان مرسيدس والظاهر محتفظ بصورة من جوال نوكيا لاستمارة السيارة اللي كانت في عام 2007 بإسم أمير
وتفاجئت انه رابع مستخدم يعني قبله ثلاث اخويا مستخدمينها ومحللين السيارة
ثم يجي بكل بجاحة يقولك الأمير ما يصين الا بالوكالة .. ما يدري ان سواقه يروح يصينها عند كومار خويه ويلطش له فوق 7000 ريال
نضحك على بعض !!!
ياجماعة لا تخافون من الشعب والعالم خافوا من الله الله فووووق يا عالم ترى يشوفكم
ياخي منت عجزان تحط اعلانك وصور جميلة وتكون عقلاني بالحد وتشوف سعر السوق قبل ما تنزل سيارتك
-------------------------
والا يجيك واحد يبي يبيع سيارته مثلا .. وشاريها مثلا ب 100 ألف .. والرجال ما جازت له السياره
طبعا يجي ينفض لك مواصفاتها ويبهرها ولما تكلمه يقولك والله ياخوك مدري ولد اختي حاط الاعلان
وتقوله كم السوم يقول 100 افرقه والله يبارك لك
او بعضهم مثلا قيمة السياره حقته تسوى 50-60 ألف
وتوه حاط الإعلان ثم لما تساله كم وصل السوم يقولك والله 57 (ويحلف بالله ) ويقولك افرقه وخذه ..
افرقه وخذه افرقه وخذه .. .فرقوك في شعيب مابه ضو القمر
يا عالم اقسم بالله شي يرفع الضغط وكأنه ربنا ماهو موجود وصرنا مثلنا مثل اليهودي استغفر الله لا رب ولا معبود .. والله العظيم ان بعضهم يعمل بأمانه اكثر من بعض المسلمين
ياخي حط سيارتك وحط اعلانك كبر وجهك وحط الممشى يرحم امك ما نقعد نتشحذك ندقدق عليك عشان تعطينا الممشى ههههههههههههه واللي يهبلك اللي يسوم ولا يدري الممشى هذاا ودك تدعس على فرّته
حط اعلانك وفصل فيه وحط صور وخلك أمين وقل السيارة فيها كذا وكذا وكذا وكذا وكذا والسيارة كذا وكذا
وربك مقسم رزقك .. لا امير كان راكبها ولا شيخ طقعان كان راكبه ولا أي احد
واعذروني تحمست بس والله تشوف أشياء تغبنك
اخوكم المعصب / ابو سلطان
إبلاغ
الردود
صحيح تغبن بعض الاعلانات بس انت عليك بالمضمون حسيت اعلان في لعب اصفطه وشف غيره
وصدقت يوم قلت ربي مقسم الارزاق ،،
اعرف ناس سياراتهم فيها بلاوي ويذكرونها وتنباع
يعني الي يخبي مايدري انك بتفحص
ولا يفكر الناس اغبياء
لاحول ولا قوة الا بالله
الله يعيننا على هالعينات
6
0
4
1
هههههههههههههههههههههههههههه ممكن ليش لأ
2
1
يقول لك السيارة استخدم شايب ولا دكتور جامعي وتحصلها مسمكره ومعجون: )
2
1
ينزل صور ويكتب اسمها وموديلها مثل اللي يقول خلنا نشوف كم تسوى بالسوق
والمعارض ينزلوا اعلانات طول في عرض والسعر عند الاتصال
على قولت المصارية ربنا يخيبك تنفع فيهم
3
0
بعضهم سيارته موديل 2012 ويقول في اعلانه انه السبير ما نزل ومصدق نفسه انها ميزة
طيب إذا المفر مصنوع في 2011 وحنا في 2019 يعني الكفر منتهي
للأسف أغلب الاعلانات كذب ونجش وغش
2
0
والثانيه معدلين عليها كرسي كهرب وجنوط تجاريه وشغلات ثانيه على انها فل الفل وكل شوي ينحرق الدينمو والفيوزات وخسرت عليها اصلاحات بدون فائده
قررت بعدها ما اشتري الا جديد لو ترتفع اقساطها 30 الف عن سعرها تستاهل على الاقل بترتاح من كل شوي وانت بورشه
لكن ما اقول الا الله لايسامحهم
شكرا على الموضوع بالرغم من انك قلبت على المواجع بسبب هالنصابين
5
0
2
0
وكاتب الاستبنه مانزلت
طيب. خذها معك
ولا دفتر الوكاله موجود
والادهى يقول
السوم يبدأ من كذااا
لا بهجة فؤادي السياره ع السوووم
عجبك ولا حنطها هي واستبنتها
4
3
كلامك صحيح ومن شوي ضحكت من قلب لين دمعت عيوني من الضحك ، شفت اعلان لكامري 2014 الزبدة طالب فيها 53000 ومن ضمن الميزات
كاتب انها كانت تحت استخدام " مدير اجنبي " يعني باقي الشعب كله همج وراعين تكسير سيارات بس انه اجنبي وفوقها انه مدير يعني انه الموتر نظيف !
3
0
ياجماعه هذا يغش ويحلف بالله كذب وينصب على أبناء جلدته وما أقوله عنه هو نصيحه أن يبتعد عن
الحرام والحلفان الكذب والنصب ويرضى بالربح الحلال حتى لو كان قليل !
لكن ماعندك أحد وياكثر هذه النوعيات !
2
0
قتل وغش وكذب وهمنا الاكبر الدنيا ونسينا الآخره
وتحياتي لهيئة الترفية
4
1
طبعا كنا مغشوشين في كلمة استعمال طبيب
وللامانة مالك السيارة الطبيب نفسه مايدري ايش اللي في السيارة
بس المهم توديه وتجيبه
المهم صاحبي ركب السيارة وماشية معاه تمام شؤينا السيارة وكل واحد رجع بسيارته وبعدين تاني يوم يقولي السيارة فيها نتعة
وبد ماودنيها لميكانيكي طلع عنده حساس الجير مع التبديلات خربان
فلا يغرك كلمة استعمال فلان ولا علان
شكرا لموضوعك يا ابو سلطان
2
0
طيب اعرف جندي أول ومحافظ على سيارته من أروع مايكون
ومعنا احد الزملاء كاتب بمرتبة عادية وسيارته 2006 وكأنها جديدة ماشاء الله
يكفي نصب واحتيال
2
0
والمشكلة فيه نوع نفسه واحسن لون واقل ممشى محدود ب300 وممكن يبيع باقل
مشكلتنا يحسبوننا دلوخ
1
2
2
0
والله يبعد عنكم كل حاسد وكل شر
العالم صارت واعية ماهي مثل أول كلمه تجيبه وكلمه توديه
ومع ذلك مستمرين باستخفاف عقول الشعب
الله يبعدنا عن عيال الحرام وعديمين الذمة والضمير
تحياتي جميعا
2
2
1
0
2
0
قبل 5 سنه و 9 شهر