أضف سؤال أو موضوع جديد          

الحذر كل الحذر من الشراء من الحراج والمزايدات

up 17 down 5
سبحان الله وبحمده221 3396
قبل شهر و أسبوع



السلام عليكم ورحمة الله وبركاته
ياجماعه الخير كيف حالكم
للفائدة للجميع ولكي لاحد يطيح بالفخ اللي طحت فيها انا
ويعلم الله لا اريد سوا دعوه بضهر الغيب ... نبدأ ندخل الموضوع



أشتريت قبل فترة فورد فكتوريا موديل ٢٠٠٩ من الحراج
طبعا حراج الدمام كنت محتاج سياره للأستخدام ومافي ببالي شي معين
كنت أبي يوكن او تاهو ولاحصلت شي نظيف والنظيف اسعاره مبالغ فيها
ونا بدون سياره مزنوووق ابي سيارة توديني وتجيبني ومن العصر ونا بالحراجات
افرفر ادور سياره مناسبة ولاحصلت شي سكاريب واسعار طايره وسومات كذبيه
فعرضت لي فورد بالحراج وبدا المزايده فيها وكان اللي راكبها على اساس انه راعيها
فسألته بالأمانة وبالذمه وكان الوقت قريب المغرب فجاوبني ان الموتر مايحتاج وانه ممتاز ومن هالكلام
وسألته عن الممشى لانه كان راكب ومايبين فقالي قريب ٤٠٠ الف فقلت بنفسي عادي اهم شي المحركات نظيفه
فزدت على السوم ٥٠٠ ريال ومن زدتها على طووول وقعوني بالفخ انتبهو يالربع لاحد يزاود ويطيح بالفخ
أغلب السوم ماهو صحيح وشريطيه مايخافون من الله الا مارحم الله ولو تزود ١٠٠ ريال باعوك ودبسوك بالسيارة
المهم دفعت ٣٠٠ حق المحرج وركبت مع راعي الفورد نروح للمعرض والمفاجأه كانت صادمه يالربع
السياره ماهي بأسمه والله هذا أول الخير ويوم وصلنا للمعرض قال جب بطاقتك عشان ننقلها بأسمك
قلت له عطني مفتاحها بشغلها وخذته وجيت بشغل الا ماتشتغل الا ترفع عصا القير فوق آخر شي وتشغل
والسنترلوك خربان مايفتح الاقفال خربانه والشنطه ماتفتح أيضآ
والقزاز السواق خربان مايرفع لأخر شي لازم تسنده بأيدك
والممشى اللي قال انه ٤٠٠ الف طلع كذاب ممشاها ٤٩٨الف يعني ٥٠٠ الف
بلعت كل هالبلاوي وقلت الله يعين ويستر لايطلع أشياء ثانيه
نقلت السيارة ومسكت الخط السريع الا اسمع صوت مزعج من بعد سرعة ٨٠
فقلت بنفسي ان شاء الله يكون شي بسيط والصبح ان شاء الله اروح للصناعية اكشف عليه
جا الصباح وافطرت ودقيت سلف ورحت للصناعية عشان أكشف هالصوت المزعج
كشف عليها واحد خبير والصدمه قالي انه الدفرنس مضروب لاحول ولا قوة الا بالله
ونا صافن واناظر بالسيارة من قدام اشوف مويه تنقط يوم نزلت الا الراديتر مشقوق ويهرب مويه
فتحت الشنطه الا لاستبنه ولا جيك ولا مفتاح كفر!!!
يعني كل هالبلاوي يبيلها بالقليل ٥ الاف ريال عشان أسويها
فحسبي الله ونعم الوكيل عليه اللي قالي الموتر مايحتاج ومدح لي فيه
كلامي وقصتي هذه للعضه والعبره خذو الفائدة منها وأنتبهو من الحراجات
السيارة لاتاخذها الا بالفحص والتجربة ولاتطيح بالفخ الي انا طحت فيه
وأخيراً نستودعكم الله وفمان الكريم









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لازم التأني ياشباب التأني لاتستعجلون ،، اللي يدل ان الرجال صاحب الموضوع كان على عيونه غشاوه حتى الاستبنه ماشيكها


up 1 down 0
mohammed shareef 965
قبل شهر



شوف اخي الكريم بقولك نصيحه عامه لك وللجميع :
سواء شريت السيارة من مزاد او من معرض او حتى من شخص عادي لابد تفحص السيارة عند مركز معتمد ويكون تشرط عالبائع ان مايكون اي شي غير اللي ذكرة لك سابقا ، يعني مثلا لو قالك البدي نظيف ماعدى الرفرف اليسار مثلا وتروح تفحص ويطلعلك كبوت وتنده ورفر يمن وبلاوي ثانية خلاص كذا يعتبر البائع دلس عليك ويتحمل قيمة الفحص ،
لكن بشكل عام وعلشان تختصر المساله اذا شريت سياره مستقبلا خصوصا من شريطي وقالك ( لاتفحص او مايحتاج فحص ) عند هذه الحاله ( فر من السياره فرارك من الاسد ) اكيد السيارة فيها مشكله واحتمال تكون مشكله كبيره وهو مايبغاك تعرفها
والله يعين الجميع ان شالله .


up 4 down 0
bakeetdo99 49
قبل شهر