كم يسوى فورتشنر 2015

وسط الديره يمكن يناسبك اذا مب اكيد لا كن فالخط مزعج لان مكينة ٤ سلندر على جيب صغيره مره بيكون ضغط المكينه عالي وبيصرف بنزين 

نعم صدق الأخ راكان
انا مجرب ٦ سرندل دبل تماتيك
الموتر زين لكن ٤ سرندل انحش عنه
عزمه ثقيل ولاينفع وبدون دبل لو تسفط جنب الخط بتصلي غرزت ماطلعت
و بالبيع ماله رغبه ٤ سرندل وبدون دبل ضعيف بيعه
عليك ٦ سرندل دبل تماتيك دفلوووك
ومبروك
الموتر كفو عملي رساوه وسط بالبر الدبل التماتيك دفع رباعي مستمر

سعر السيارة المستعملة صعب مااحد يحدده لك الا شريطي هههههههه ويكون بعد اخوك او واحد يعز عليك

لكن الشاطر يجيب له سيارة نظيفة ممشى قليل من 4 سلندرر 2015 من 40 الى 50
والافضل ستة سلندر دبل والشريطي يشتريه من 65 الى 70
والمعرض او الشريطي يبيعونه على 85 وانت نازل

2015 اتوقع مايقل عن 52 الف ولو دبل بيزيد 4-5 الاف هذا السعر لمحرك 4 سلندر والستة يزيد بعد 8 الاف وحولها والله اعلم

جربت الاربعة والستة وانت وسواقتك اذا تبي تدوس ومايهمك البنزين خذ 6 سلندر واذا سواقتك هادية ولاتهتم بالعزم خذ 4 عملي اكثر وارخص سعر

الفورتشنر جربته فترة مع احد الزملاء
بشكل عام يتميز بالاعتمادية والتحمل
موتر يكرف ويخدم ومايطلب كثير
ويتميز بانه مرتفع اكثر من غيره فما تشيل هم الحفر والمطاب وانه يحك بطن الموتر بشي

لكن من سلبياته يصرف بنزين حتى الاربع سلندر تصرف كثير لان المكينة تعتبر ضعيفة مقارنة بوزن وحجم السيارة فقومة السيارة ثقيلة وبحكم ارتفاعه مافيه انسيابية لذلك صرفيته عالية

واشوفه مايناسب بالخطوط . متعب من ناحية الراحة بالجلوس ومن عزل الهواء و الرساوة مب ذاك الزود

لكن دام استخدامك داخل البلد اشوف السيدان اريح وانسب

الفورتشنر ماعليه غبار سياره موتر مجرب ومعروف لكن لاتاخذ الا سته سلندر مهما كانت الضروف وخل عنك الاربعه مايصلح ولابريال ، عن تجربة شخصيه ثقيل ويالله يشيل عمره
،
وفيه عندك بعد خيار جيب كيا موهافي فيه ناس تمدحه بعد وارخص من الفورتشنر يعني تحصل 2015 والا 2016 نضيف مايتعدى 45 الف ، اما الفورتشنر السته سلندر 2015 يوصل 60 الف بالراحه
والباجيرو بعد زين بس شوفلك المكينه الكبيره 3800cc واسعاره في بحر الخمسينات من 2016 الى 2014 حسب النظافة
وبالتوفيق مقدما

الفورتشنر ماعليه غبار موتر مجرب ومعروف لكن لاتاخذ الا سته سلندر مهما كانت الضروف وخل عنك الاربعه مايصلح ولابريال ، عن تجربة شخصيه ثقيل ويالله يشيل عمره
،
وفيه عندك بعد خيار جيب كيا موهافي فيه ناس تمدحه بعد وارخص من الفورتشنر يعني تحصل 2015 والا 2016 نضيف مايتعدى 45 الف ، اما الفورتشنر السته سلندر 2015 يوصل 60 الف بالراحه
والباجيرو بعد زين بس شوفلك المكينه الكبيره 3800cc واسعاره في بحر الخمسينات من 2016 الى 2014 حسب النظافة
وبالتوفيق مقدما