أضف سؤال أو موضوع جديد          

مكينة سكويا .

up 3 down 2
اببو منصصور . 5
قبل 2 سنه و شهر



سلام عليكم صبحكم لله بالخير 

نخش بالموضوع دغري 

شريت سكويا ٢٠٠٩ قبل شهرين وذا ثالث شهر 

الموتر اول م شريته مضبوط اخذ اسبوع صار يطلع صوت طقطقه

بالمكينه قويه اول مره وقفت وشلت الموتر بسطحه ل ورشة الثواب بالرس 

المهم ويتكي بالورشه شهر وقالي الطرمبه ضغطها عالي والمسمات مسكره 

حقت المكينه لازم تحط زيت تنظيف للمكينه وذا مانفع افك المكينه وشوف وش 

المشكله المهم الصوت يجي ويروح وقبل امس حطيت له زيت تويوتا ومعه علبة التنظيف

والصوت يطلع ويجي مع بدايت التشغيل والموتر يمشي ماله وقت محدد باي وقت يطلع 

ويروح المهم غيرت الزيت ومشى للموتر حول ٣٠ كيلو والطقطقه ماراحت يأست منه وطابت نفسي 

رحت البنشري قال حطه مع زيت خفيف يمكن يضبط قلت تم 

وحطيت زيت ١٠/٣٠ وحطيت علبة التنظيف معه اول م شغلت طقطقه خفيفه وراحت 

ذا اليوم الظهر ومشيته ٥٠ كيلو ولا طلع الصوت ولا ادري وش مشكلته بالضبط 

مدري اغير طرمبه ولا اكمل علب تنظيف ولا شلحل معه وافضل زيت له وش ؟ 

وسلامتكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كم ماشي الموتر
روح ورشة ثانية لان اللي رحت له ما عنده سالفة
شهر واخر شي يقول حط منظف ماينفع
روح ورشة ثانية ويفك كرتير الزيت ويشوف
ايش المشكلة بيبين معك يمكن الشخال حق الطرمبة
عليه رواسب واوساخ ومايطلع الزيت


up 1 down 2
salem0100 328
قبل 2 سنه و شهر



جرب منظف المكينة من ميتسوبيشي
علبة صغيرة تضيفها لزيت المكينة وتشغل السيارة 10 دقائق وبعدها تطفي السيارة وتغير الزيت والفلتر وصب للمكينة زيت 10 - 30 وبإذن الله أمورك تمام لكن بعد ما تمشي على المكينة 1000 كم لازم تفك كارتير المكينة وتنظف الشخال حتى يبقى سحب الزيت للطرمبة جيد

صار معي نفس هذا الكلام في يوكن 2004 والصوت كان من التكايات بسبب انسداد فتحات الزيت لكن للأسف ما نظفت الشخال واضطريت بعدها لتغيير طرمبة الزيت


up 1 down 1
أبو عبادة 4852
قبل 2 سنه و شهر



كان عندي هايلوكس وكل ما شغلته يطلع صوت طقطقة قوية لدرجة انه ناس قالو من الكنداسة مو المكينة من قو الصوت 
المهم كان الصوت يطول أمشي والصوت موجود اخر شي وديته عند ورشة قالي التكايات تعبانة قلت ي ولد مافي احتمال ثانية قال فيه نفك الكرتير و ننظفه امكن مليان وصخ والله قلت بسم الله نظفه ويفكه ويضبطه واشغل الموتر الا ماشاء الله ١٠٠٪؜ سليم والحمدلله شهر كامل الموتر تمام وبعته وهو تمام مافيه شي


up 1 down 1
استغفر_الله30 261
قبل 2 سنه و شهر



لاتستعجل بعض الورش يقدرو يفحصو ضغط طرمبة الزيت ،،، وبرضو حاول تنظف  شخال الزيت لان احتمال يكون مسدود ولاتنسى السيفون خذه من الوكالة اوموزع معتمد  


up 2 down 0
ابو حسين.......... 1024
قبل 2 سنه و شهر



بيض لله وجيهكم م قصرتو ومن ناحية الطرمبه الضغط ممتاز 

وبوديها بنظف الشخال والطرمبه ولله يكتب الي فيه خير 

وبنسبه ل الزيت اثبت ع وش؟


up 0 down 0
اببو منصصور . 5
قبل 2 سنه و شهر



بالنسبة لنوع الزيت ماعندي علم بس بامكانك ترجع لكتيب الصيانه وتشوف  النوع المناسب واللزوجة المناسبة


up 0 down 0
ابو حسين.......... 1024
قبل 2 سنه و شهر



وش نوع الزيت السابق اللي تستهدم هل خفيف او ثقيل


up 0 down 0
الحويمة
قبل 2 سنه و شهر



اخوي اسمع نصيحتي مشكلتك عانيت منها فى كابرس كان يطلع صوت طقطقه وكلما وديته ورشه الي يقول تكايات والي يقول طرمبه زيت وديته عندواحد الله يجزاه خير فك الكرتير وحصل الشخال حق طرمبه الزيت تقريبا شبه مسكر فكه ونضفه ورجع ركبه والحمدلله الى يومك هذا معاد طلع صوت جرب فك الكرتير لوعندك عده فكه فى البيت ماياخذ وقت خصوصا موترك ماشاءالله رفيع يعني تشتغل على راحتك 


up 1 down 0
k 6 4 i 1178
قبل 2 سنه و شهر



الزيت الي استخدمه ٢٠\٥٠ تويوتا 

امس غيرته لاكن صوت المكينه صار عالي 

استمر عليه ولا ارجع للققديمم 

وبجرب تنظيف الكرتير والشخال حق الطرمبه وبوافيكم بالاخبار 


م قصرتو كلن ب اسمه بيض لله وجيهكم


up 0 down 0
اببو منصصور . 5
قبل 2 سنه و شهر



اذا ضغط طرنبة الزيت ممتاز مافيه داعي تفك الكرتيل وتنظف الشخال لانه لو كان مثل مايقولون الشخال مسكر كان صار ضغط الزيت منخفظ ونخوك واحتمال تولع عندك لمبة الزيت الصوت اللي عندك احتمال يكون سبيكة عمود او العمود نفسه


up 0 down 1
ابوعيد666
قبل 2 سنه و شهر



المشكلة بسبب الزيت الثقيل ٢٠/٥٠


up 0 down 0
mfh2009 364
قبل 2 سنه و شهر



تاكد من عمود الكرنك


up 0 down 0
fahad 8546
قبل 2 سنه و شهر



حسب كتيب الوكاله استخدم 5-30 او 10-30 ؤاللي يمدحونة الشباب
زيت ماجنتيك صنع ينبع بس قبلها فك الكارتير ونضف الشخال لايكون مليان وسخ


up 0 down 0
alrahal2222 50
قبل 2 سنه و شهر



السلام عليكم
من واقع تجربه يا صاحب السكويا 2009 الصوت يطلع من كثر استخدام الموتر واذا كانت المشكلة من نوع الزيت. افضل نوع زيت للسكويا " ماجنتك 10_40" بالذات للي ماشي فوق 200 الف
واذا ما راح الصوت . بتكون المشكلة من جلد البلوف وراح تكلفك حوالي 3000 ريال اذا انت قريب الرياض . واذا تبغي نصيحتي فيه افضل ميكانيكي اتوقع بالسعودية كلها يعرف للسكويا بمعنى الكلمه وانا اشتغلت موتري عنده ويتحدى الوكاله بشغله وتطبيق المكينه .
اسمه محمد شفيق باكستاني بالجنوب تحديدا بمحافظة الأمواه ( وهذا رقم جواله :+966508760245 نصيحة لا تخلي احد يلعب بموترك
وهذا رقمي اذا تبي تسأل عن شي بالسكويا 0503020760
والهدف من ردي لوجه الله ولأني اعشق السكويا



up 1 down 0
fahad.ksa1 1
قبل 2 سنه و شهر



الورشة اللي بالرياض ورشة العضيب


up 0 down 0
fahad.ksa1 1
قبل 2 سنه و شهر



بيض لله وجيهكم وبودي الموتر الصناعيه واسوي الي قلتوهه 

واخوي فهد بتواصل معك ، 

بوافيكم بالاخبار .


up 0 down 0
اببو منصصور . 5
قبل 2 سنه و شهر



لا تعبيها زيت 20 - 50 .
عبيها 5 - 30 مبدئيا بعض تنظيف الكارتير.
و اذا ظبط معاك بعدها اثبت على 5- 30 او حول ل 10 - 30.



up 0 down 0
amer ahmed 559
قبل 2 سنه و شهر



موترك كم ماشي الى الان ؟


up 0 down 0



خبط ابشرك وبعته ب ٢٠ الف الله يعوضني .


up 0 down 0
اببو منصصور . 5
قبل سنه و 11 شهر



كم ياخذ علبة زيت اسكويا ٢٠٠٩ مع السيفون


up 0 down 0
turki...alamri
قبل سنه و 7 شهر