سيلرة عائلية

ماتتجاوز ٢٠ يعني موتر قديم 
اليوكن حلو بس القديم يصرف بنزين 
والكسبلورر القديم مشاكله كثير 
والهونداي عمر افتراضي 
والباجيرو بعد شفاط بنزين 
ف ارجحلك لو تحصلك هوندا اوديسي قديمه 
موتر قوي ويستحمل 

ب ٢٠ ألف تقصد،، يمكن تلقى تلقى تاهو ٢٠٠٧ او ٨ بس قديمة ويمكن توقع في مشاكل مالها اول من تالي والله يدلك

عشرين الف ما تكفي انك تشتري سيارة عائلية نظيفة

رح تصير زبون عند الورش وتدفع على السيارة مبلغ شهري كأنك مستأجر

فكر في الانوفا موتر عملي وطلباته قليلة ويأدي الغرض

وفيه السنتافي موديل 2010 و ١١ و ١٢ دور ان شاء الله تلقى 

الاكسبدشن اشكال ٢٠٠٥ او التاهو مثله اسعاره رخيص لو حصلت واحد نظيف وتعمل له صيانة راح يعيش معك بس السيارات هذي كلها تستهلك بنزين

شوف ياخي اذا كنت تعتقد انك بتوفر بهذا المبلغ وتشتري سيارة عمرها 10 سنوات فأنت جدا غلطان

اولا لازم تعرف ان كل قطع السيارة استهلكت 10 سنوات يعني لمى تشتري وحدة انت تشتريها متهالكة متى ماشديت على السيارة
خربت قطعة معينة لانها باخر عمرها < وهنا اتكلم عن القطع الاساسية مثل قير ودفرنس والخ لذلك ماوفرته في قيمة السيارة
بتدفع ضعفه إًصلاحات ولعلمك السيارات القديمة اللي حالتها ممتازة مستخدمها مستحيل يبيعها بأي سعر كان !! ومن يبيع القديمة فهو يريد الخلاص

برأأيي الشخصي تحاول توفر مدة سنة الىى ان ترفع المبلغ لحدود 40الف مثلا وفهذه الحالة تقدر تاخذ كروس اوفر ثلاث صفوف مستعمل
ممكن قبل 3سنوات او 4 كحد اقصى ويكون فيه عمر يخدمك مثل السنتافي والسورنتو والباثفندر واذا انتظرت سنة بينزل فورد اكسبلورر الجديد
وتطيح اسعار القديم اكثر مما هي طايحة وقد تقدر تحصل موديل2014 بسعرك هذا حاليا ولكن بعد صدور الجديد قد تحصل على 2016 لذلك الصبر خير لك


وهذا رأي قد لاينطبق