أضف سؤال أو موضوع جديد          

مشاكل تهريب مويه الاديتر فورد

up 3 down 0
moath 5997 30
قبل شهر و 3 أسبوع



يالربع انا كان الاديتر يهرب عندي بصوره غير طبيعيه يمكن اعبيه باليوم مرتين حسب المشاوير المهم رحت بصلحه وجيت الا قال لي الاديتر يهرب وغيرته بملبغ وقدره وخف التهريب بالحيل بس باقي وجيته وقال الغطاء وفعلا يهرب شريت اصلي وخف التهريب بس لسى باقي وطلعت القربه مكسوره واخذت وحده من التشليح نظيفه ومافيها اي مشاكل ولاتهريب وقعدت تقريبا ٣-٤ ايام فجاءة ارتفعت الحرارة قريب ال h وقفت وفتحت الاديتر الا المويه مافيها الا شي بسيط عبيتها ورجعت لهم وقالوا الاديتر ورحت برجعه ع الضمان وقال راعي المحل والله ٣ سنوات م جاني احد ورجعه ومدري كيف وقال تعال بكرا ابدله لك المهم طلعت ولحقني قال فك الكبوت وراعى له معي وقال ماهو منه وانا اقول انه صادق لان لو يهرب بيكون فيه اثر تحت .. وانا م اشوف نقطة مويه تحت مادري وين يروح الماء ، هم شافوا اثر ماء على الاديتر قالوا منه وهذا صار عليه لاني فكيت الاديتر وهو حار وطلع فوق مره ، وش تتوقعون المشكلة منوه يالربع ؟ الطرمبة والمروحه كلها تماام ، انا عندي رجة بالموتر ومرات الصبح او بالبرد يطلع دخان ومويه ، وش تتوقعون المشكله ؟ وتطلع مويه من الشكمان  اذا توي مشغل الموتر الصبح او بالليل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


شيك على طبات الماء احتمال منها


up 0 down 0
1919. 26
قبل شهر و 3 أسبوع



اخوي شيك على الطبات حقه المكينه تجي خلف المكينه ومن قدام وترا فيه مشكله دايم يشتكون منها حقين الفورد الي هي الثلاجه تهرب مويه شيك عليها وشيك على لي الهيتر حق الحار اكيد المشكله من وحده من عذي 3 حاجات وانااتوقع والله العالم المشكله من الثلاجه 


up 3 down 0
fhody44 520
قبل شهر و 3 أسبوع



حياك
ثلاجة المكينه واضح تهريبه شغل الموتر الصبح ولاحظ اكيد بتحصل
ماء
ثاني شي الطبات احيانا يصير فيها خرم قد راس الاابرة اطلع
الماء ع شكل تبخير وشان تكتشف عبيها ماء تايوتا اصلي
فيه مادة تكشف لك التهريب 
ثالث شي لاحظ ليات المكيف الحار
وباالتوفيق


up 0 down 0
باترول 2020 2513
قبل شهر و 3 أسبوع



انت تستخدم ماء عادي او ماء رديتر ؟؟ لان الماء العادي يتبخر بسهولة


up 2 down 0
انت اخر امالي 545
قبل شهر و 3 أسبوع



كلام فهودي هو الارجح 
الثلاجه او لي الهيتر 
اذا مو منها الله يعينك اتوقع يبيلها مسح راس


up 1 down 1
m7md 33 807
قبل شهر و 3 أسبوع



حياك الله 

شيك على الليات اللي متصلة بالبوابة قبل يومين كانت تهرب وتقطر على الارض بس الحمد لله تداركت الوضع 

وبامكانك تنفخ بفمك في فتحة الرديتر لعل وعسى تشوف اذا في تهريب او تقطير على الارض 


up 0 down 0
ابو حسين.......... 942
قبل شهر و 3 أسبوع



اولا عافاكم الله جميعا 
ثانيا ياليت اي شي ذكرتوه وتهريبه يكون واضح بحيث تحصل مويه بالارض تستبعدونه 
لان نقطة مويه م احصلها بالارض .. يعني ياليت تذكرون الاشياء اللي ممكن تهرب بدون اثر او تتبخر


up 0 down 0
moath 5997 30
قبل شهر و 3 أسبوع



الي مر علي يهرب وبدون اثر او يبين اثره بعد فتره هو الهيتر ( ثلاجة المكيف الحار ) 
مايبين لك الا بعد كم يوم تحصل رطوبه عند رجول الراكب 
وخاصه كنا فترة شتاء واكيد كنت تستخدم الهيتر 

ف شيك عليه .. واذا طلع منه الغيه ب ٥٠ ريال وجرب 

طبعا ثلاجة المكينه غير ثلاجة الهيتر 
وعالعموم دايم يخربون بالفورد 
وكلهم شغلهم مكلف وصعب .. بس الهيتر تقدر تلغيه ومايضر 

انا صارتلي قبل سنتين تقريبا ولغيته وضبطت لاتهريب ولاشيء 




up 0 down 0
m7md 33 807
قبل شهر و 3 أسبوع



انا مكيف الكتروني والحار مو شغال حتى لو احطه على ٣٢ يبقى بارد ولا اشغله بالشتاء اصلا 
الغريب اني يوم غيرت الثلاث هذي وقف التهريب كم يوم وفجاءة رجع يعني تخيل اليوم العصر المويه تمام رحت مشوار ابو ساعتين ورجعت وقفت الموتر ونمت لما قمت حصلته فاضي وفيه اقل من ربع القربة ولافيه نقطة مويه 


up 0 down 0
moath 5997 30
قبل شهر و 3 أسبوع



ي اخوي شف الثلاجه واللي حق المكيف وطبات المكينة ماتطلع عن الثلاث واهم شي حط موية اصلية


up 0 down 0
هبووب الشمال 43
قبل شهر و 3 أسبوع



وكم قيمة الثلاجة اذا بصلحها او تتغير ؟


up 0 down 0
moath 5997 30
قبل شهر و 3 أسبوع



انا باتسر راجع لهم بإذن الله اليوم جمعه ومحد يفتح واجد ، لكن قلت اشاوركم عشان اخذ خلفية عن الموضوع


up 0 down 0
moath 5997 30
قبل شهر و 3 أسبوع



نسيت نقطه اهم شي زيت المكينة لازم تستخدم زيت مصنعها نفس اللي على غطاء المكينه موتر كرافت 5W20 .....


up 0 down 0
هبووب الشمال 43
قبل شهر و 3 أسبوع



ثلاجة مكينة غالية فوق 500 ريال بس شف الثلاجه من جهة الكويلات وتحت كوع الماء اذا فيه تهريبات ولا شي المهم شيك على كلامنا


up 0 down 0
هبووب الشمال 43
قبل شهر و 3 أسبوع



ايضا شيك على بلف الحرارة وغيره اذا كان قديم.


up 0 down 0
amer ahmed 422
قبل شهر و 3 أسبوع



الحمد لله على كل حال .. المشكلة وصلت راس المكينة والبساتم.


up 0 down 1
moath 5997 30
قبل شهر و 3 أسبوع



دام وصلت راس المكينة مالك إلا توظب توظيب كامل اذا بتستخدمها يعني غير كذا بيعها تشليح لانك لو بتصلح الرأس ولا بتخرطه غرف الاحتراق تصغير ويصلح لك حرارة وغير كذا المويه اعدمت البساتم ف التوظيب افضل من تغيير المكينة لان التوظيب تتغير جميع قطع المكينة الداخلية وترجع مثل الوكاله ...


up 0 down 1
هبووب الشمال 43
قبل شهر و 3 أسبوع



يارجل انا مامعي قيمة تصليح راس وانت تقول وظب ! 

والبساتم ماخرب الا واحد وعادي تمشي بدونه بس تصير فيه رجة مزعجة اثناء الوقوف 
السوال لو خليت المروحة شغاله علطول عشان تبرد ومشيت على الموتر واعبي المويه كل يوم ، ممكن تخبط بهالحالة؟


up 0 down 2
moath 5997 30
قبل شهر و 3 أسبوع