أضف سؤال أو موضوع جديد          

مقبل على زواج وبشتري سياره وابي رايكم

up 11 down 13
مشاااووير 7
قبل سنه و 9 شهر



اولا .. السلام عليكم .. تكفون مابي ديس لايكات ابي عشان اقدر اقيم 


ادخل بالموضوع 

مقبل على زواج وابي لي سياره تمشيني مايقارب ٥ سنوات وبعدها اكون قادر اشتري اشتري وكاله باذن الله 

وابي سياره شبابيه وسبورت اعيش بداية حياتي فيها 

لقيت كمارو ٢٠١٠ حلوه وحليله 

رايكم لو اسوقها باحترام هل تمشيني ٥ سنوات بحكم ان عليها مكينه جديده تو مخلصه تمرين ؟ 

بغض النظر عن البنزين مايهم الصرفيه 

قصدي ك اعطال لو كانت نظيفه لو تمشيني ٥ سنوات لو سقتها بكل هداوه وروقان ؟ 

تكفون ي اهل الكمارو فزعتكم ابي برنت كامل ومفصل 

لقيت ٢٠١٠ ب ٤٣ الف هل هذا معقول او لا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غاليه
وخلها ببالك.. اهم شيء بالسيارة المحركات.. فان كانها توضبت او تبدلت.. فقل اهلا وسهلا بالمشاكل المكانيكيه

و للعلم.. الكومارو شبهه.. تنفع للعزابي.. لان التفاتيش يوقفونك.. ويمكن يشكون.. لان اغلب اللي تستعمله شباب.. مو متزوجين

٤٣ الف تجيب لك سيارات محترمه.. تكد معاك ٥ سنين بالراحه

عندك كامري ٢٠١٦.. عندك التيما ٢٠١٦..عندك سوناتا ٢٠١٧.. ومن هالسيارات.. موديلات حديثه.. تفرق عن عمر الكومارو ٧ سنين.. واقتصاديه.. وماتتعبك بالصيانه

والاهم مناسبه لك اذا بتتزوج..

موفق


up 13 down 3
ابوخالد1397 2882
قبل سنه و 9 شهر



شف لك كمارو اربع ابواب اللي هي الامبالا
موتر وسيع و مريح و تحصل سعره معقول
اذا انت من هواة الامريكي او تشارجر V6
اما سيارة سبورت و معك زوجتك وش يفكك من نظرات الناس
موتر حق مسابق و استعراض شي طبيعي يقزون فيه


up 1 down 7
مثقف سيارات 1067
قبل سنه و 9 شهر



يا ابن الحلال دام خاطرك بكوبيه توكل على الله 
لاتخلي شيء بخاطرك ، يعني لو ما جربته الحين بتجربه لاشيبت
واصلا حتى زوجتك بتنبسط معك فيه

اقدر اقولك مثل الشباب خذ كامري وكذا ( مع ان كلامهم عين العقل ) 
لكن من رأيي لاتخلي شيء بخاطرك 

بس اذا تفكر بالموستنج ممكن يكون افضلك ، لان صيانته ارخص ويكد اكثر .. 
واذا مو راعي سرعه خذ ٦ سلندر 

ومبروك الموتر مقدما والله يوفقك بزواجك 



up 4 down 7
m7md 33 1151
قبل سنه و 9 شهر



والله ابو خالد
عطاك الشور 


up 2 down 0
باترول 2020 2624
قبل سنه و 9 شهر



ما انصحك كمتزوج تاخذ سيارة رياضية زي الكومارو

خذ سيارة سيدان تكون بعزم جيد تستمتع بقيادتها مثل التشارجر والاوريون والأزيرا


up 2 down 1
أبو عبادة 4851
قبل سنه و 9 شهر



عادي كمتزوج وعزوبي تاخذ اي سياره خاطرك فيه لكن وجهه نظر الموتر موديله قديم قد يتعبك بصيانه لان الموترمستعمل وماتدري عن راعيه الاول والله يكتب لك ولنا الخير في امورنا


up 1 down 2
كارينو 571
قبل سنه و 9 شهر



انا تزوجت ومعايا جينسس كوبيه حقيقه مبسوط فيها بس اهلي ما يحبونها لانها واطيه وتحس في اي مطب وحقت سرعه وخط
صحيح التفتيش يغثونك بس معاك اهلك محد يطالع فيك
عموما خذ السياره الى تعجبك بغض النظر عن اي شي ولمن ربي يرزقك خذ سياره اسبير زي ما انا مسوي
الكوبيه لتماشي والبحر والطلعات وسياره الدوام للمشاوير والاسواق وغيره

لا تحرم شي من نفسك وعيش حياتك

اعرف مدير شركة معاه مرسيدس كوبيه وهوا شايب ومستانس وعايش جوه وما عليه في احد


up 3 down 2
فـــ9ـــد 434
قبل سنه و 9 شهر



الموتر قديم وحنا دخلنا ب 2019
فرق 9 سنوات !
اسأل نفسك ليش تتوقع مركب مكينه جديده !
لو محافط عليها هل يحتاج يغيرها !
السيارات هذه اغلب من يستخدمها للمقاومات وللتفحيط

من وجهه نظري ماينفع تأخذها وعليك التزامات كثيره

ال43 الف تجيب لك سنترا او سيراتو الشكل القديم او دودج نيون




up 1 down 2
splinter cell 216
قبل سنه و 9 شهر



٥ سنوات ما في الا جديد والزواج ياكل الفلوس اكل


up 4 down 1
mfh2009 345
قبل سنه و 9 شهر



اذا تبي نصيحتي 43 تجيب لك اكسنت اصفار تجيب لك صني اصفار واكثر من سياره وتخدم معك 5 سنوات بدون ماتغير فيها قطعه بئذن الله وش لك فى المستعمل 2010 يارجل معاد باقي فى العمر كثر مامضى وبعدين بتتزوج وبتزود عليك المصاريف والسياره تطلب والبيت يطلب خذلك جديد نصيحه والباقي حطه فى اثاث للبيت او شي تستفيد منه 


up 4 down 4
k 6 4 i 1119
قبل سنه و 9 شهر



هذة النوعية من السيارات اذا لم تشتريها جديدة لاتشتريها مستعملة لانها مع فئة معروفة يحبون السرعة والمقاومات ونادرا تحصل النظيف .... ونصيحتي لك دور لك سيارة جديدة او شبة جديدة حتى لو تزيد فلوسك افضل من هذة السيارة اللي في بالك ... اما عن كلامك انة لايهمك البنزين فصدقني راح تعرف انة يهمك بعد الزواج من مشاوير وطلبات ... وربي يوفقك


up 6 down 1
الجوابر 749
قبل سنه و 9 شهر



ماتنفع الكومارو على وقته سايقه انا قاسي جدا يكسر الظهر ويتعبك بالجلسة والسقف المنخفض وشكلها استهلك خلاص صارت قديمة 


up 3 down 4
benz lover -83
قبل سنه و 9 شهر



انت مثل الي يشيل امه وخواته على جيب ربع 
ياخي الزواج نهايه المراهقه والزحف ولسيارات الشبابيه 

خذلك مثل مقالو لك الاخوان 
كامري سوناتا 
واذا تبي عزم جيد خذ افالون اوريون ازيرا 


up 3 down 1
ابو عبد العزيز 305 417
قبل سنه و 9 شهر