النصابين في موقع حراج

لابد تكون في سياسة لتنزيل الصور مثل المواقع الاجنبية ، هنا فقط المعلن ينزل صور للحالة الداخلية والخارجية
ولكن فالمواقع الاجنبية لازم المعلن ينزل صور شاملة تشمل حال السيارة من الخارج والداخل وحالة الابواب وحالة المكانيك من اسفل وفوق
ويذكرلك كل الملاحظات العامة واما هنا فقليل يسوي كذا

للاسف اغلب من تعرضو للنصب في موقع حراج هم من يحول المبالغ ويطلب من البائع شحن السلعة

من وجهه نظري ناجح وكثير استفادوا منه
لكن بعض الاعلانات صار مستفزه
مثلا ابشتري سياره من المعرض واصفار
ليش مايكتب السعر
لو السياره او القطعه مستعمله فيها سوم
لكن جديده !!! ايش عذره
جوالي صار مليان ارقام المعارض حتى اشتري سياره وحده تخيل !!

اخي الكريم عجبتك سيارة مستعملة من موقع حراج بينك وبين راعيها الفحص وخبرتك في معرفة النظيف منها والنظيف عموما يبان من ركزته ووقفته اما السلع الاخريفضل شراءؤها يد بيد

الغريب ان هناك نصابين مخضرمين في الموقع ولم يتم حضرهم مثل صاحب هذا الاعلان#41980639

المفروض الواحد لايشتري الا مع بائع تقييماته عالية 

ليت في موقع بيع وشراء افضل من حراج
لان بصراحه صار ماينطاق لامن ناحيه بيع السلع
ولا من ناحيه اداره الموقع غير متعاونه نهائي
وكثرو المبزره فيه

انا ماعندي اي تقييم بالموقع ورغم ذلك بعت حاجتين بفترة قصيرة وكلها جتني حوالات وشحنتها لهم ، ماادري كيف واثقين فيني لهذي الدرجة صراحة بس اشوف ثقتهم الزايدة تسهّل لضعاف النفوس استغلالهم ، السلعة الاولى سعرها 100 والثانية 650 يعني مو رخيصة حتى عشان الواحد يقول

اقترح يصير التسجيل برقم الهوية او الاقامة...ايضا زيادة عدد المشرفين عشان تصير المراقبة أدق..اقل شي ثلاثين مشرف عشان كل الاعلانات يتم تدقيقها

الموقع حط خاصية تقيم المعلن عشان يمنع النصب

اللي عنده تقيمات كثيره.. هذا بائع مضمون.. وتشتري منه وتحول له وانن مرتاح دون خوف

لان عليه تقيمات اجابيه كثير

والبعض اذا تقيم ٣٠ او ٤٠ اعجاب.. يعطونه علامه تاجر هالسنه.. يعني مضمون ١٠٠٪ وتقدر تتعامل وتحول له فلوس

اما شخص بدون تقيمات ولا فيه تجارب الناس اللي تعاملت معه لا تثق فيه وتحول.. يا يد بيد.. او لا.. دور شيء في مدينتك واستلمه بيدك وبكذا ما بتنغش باذن الله.. واهم شيء عليك بالفحص لدى الخبراء

سواء اجهزه.. الكترونيات.. سيارات.. حيوانات اليفه

الموقع رغم شهرته وكثرة مستخدمينه لكنعمن يوم اشتهر و صار يستخدمه الناس توقف عن التطوير ولا يوجد اي تحسين .

مثلا في سيارات كثيرة موجودة بالسوق بعضها موجود من زمان وبعضها دخل قريب ولم يتم اضافتها بالخيارات لو بتنزل لها اعلان او تبحث عنها.ليش مايكون فيه تنظيم اكثر وخيارات اكثر لفلترة البحث . مثل موقع سيارة الجديد يمديك تختار سيارة جديدة او مستعملة قير عادي او تماتيك وغيرها . تسهل عالواحد البحث وتختصر عليه

بالسلع التجارية ليش مايكون الموقع وسيط زي موقع علي اكسبرس
يمسك الفلوس اذا تحولت ولا يعطيها للبائع الا اذا المشتري استلم السلعة وبهالطريقة الموقع يضمن عمولته كون التحويل عن طريقه ويضمن حق البايع والمشتري

ابو خالد 1397 ترا أبو تقييمات إيجابية وضعه يعتبر خطير لإنه عارف الناس بتثق فيه وراح يبدأ يغش ويتلاعب
وعندك العضو محمد الشريف ومشكلته مع الجيب المازدا الي طلع منقص العداد وتعال شوف صاحب المعرض تقييماته كلها إيجابية وبعد السيارات وزعت على معارض غيره للتموية وكمان أصحاب المعارض الثانية تقييماتهم إيجابية وهم بعد منقصين عدادات المازدا فلا يغرك التقييمات بينك وبين البائع الفحص

من بدأ موقع حراج ياخذ فلوس على الاعلانات وهو بانحدار للأسف

كاش فقط لو عنده الف تقييم ايجابي

ولا اعلان تدخل عليه تلاقي مكتوب (تم البيع تم البيع) وتلقاه توه محدثة طيب
دامه تم البيع ليش تحدث كذا تخرب على غيرك يصير اعلانهم تحت

والله فيه ناس يجيبون السرقة والنصب ل انفسهم 
انا قد عرضت موتر المهم جاني واحد ف الخاص وقال عطني رقم حسابك اللحين احولك وارسل السيارة بالبسامي 
طيب انت وش يضمنك فيني اذا السيارة شرط ولا ملعوب فيها ولا ولا 
ما اقول غير الله يبعد الحرام عنا وعنكم 

فكرة جيدة ، مثلا انت تحول فلوسك للموقع ، لو المشتري قال أوك خلاص وصلتني البضاعه ، يتم خصم العمولة وإرسال المبلغ للبائع

موقع سيئ جدا النصب والاحتيال منتشر وإدارة الموقع يهمها العمولة فقط

اغلب المشرفين متوطى اتوقع مع النصاب
من ناحية تقييم النصاب وتخبر الناس انه احتيالي
مايظهر تقييمك وايضا في مشرفه اسمها الجوهره ماعندها سالفة

كاني عارف مين الي حط مشرفين بناء على ايش يمسكوهم أشراف وهما لا رد ولا تعامل