معلومة عن أنوار الليد النهارية

اخوي اليد النهاري مهو حنا الي نتحكم فيه هو يشتغل لحاله مع تشغيل السياره نضامه اذا شغلت النور ضعف واذا طفيته قوا اماتطفيه ماتقدر الى تفصل سلكه 

مسكنا خط بالنهار سيارتين
وحدة فيها ليد نهاري والثانية بدون

اللي فيها ليد الوجهية الامامية وانتو بكرامة امتلت حشرات عشانها تشوف نور الليد من بعيد وتنصاه
والسيارة الي بدون ليد وجهيتها اقل بكثير

فصرت اذا مسكت خط بالنهار اشغل الناعس عشان يطفى الليد النهاري ويضعف النور

بعض الناس يشغلها في الليل يكشخ ومايدري انها مزعجة وخطيرة لان الانوار الخلفية تكون طافية.. فانتبه يشمع فيك أحد عشان الكشخة

الورعان والمراهقين وسفهاء العقول الحين موضتهم يشغلونه حتى بالليل
ويمشي بدون انوار خلفيه
وحسب ماسمعت ان المرور حط عليها مخالفه ١٠٠٠ ريال
اقصد تشغيل الليد بالليل

هي بالاساس من اوروبا اشترطوا على السيارات انوار نهاريه تشتغل مع السيارة
و لا يمكن اطفائها لكن تخف اضاءتها مع تشغيل الانوار الاماميه
هدف سلامة المشاة لان اجوائهم اكثر السنه غيم و ضوء الشمس خفيف
تنشاف السيارة من بعيد حتى ينتبهون له اللي بيقطع على رجليه
و الان بيلزمون سيارات الهايبرد و الكهربائية باصدار صوء وهمي اذا اشتغلت بدون بنزين مالها صوت
لسلامة المشاة و في شركات بتخترع ارباق خارجي يطلع وقت الحوادث لسلامة المشاة ايضا"
لانهم فئة كبيرة و معتمدين على المشي و وسائل التنقل العامة و يشجعونهم حتى ما بستخدمون السيارات لسلامه البيئة من التلوث
شف كيف التفكير !

اللي يضحك الوكلاء عندنا يطلب انوار الليد بالفل كامل يحسبها ميزة
و اللي يدفع زود عشان هالميزة و هو يمشي مسرع بالحارات او وقت المطر اكبر غشيم

ردود مفيدة ياأخوان ولفت نظري مشاركة اخوي ابو محمد بيشة. وهي انها اذا اشتغلت انوار الليد تطفي الخلفية  فهل معناها انها تغلق الخلفية اوتوماتيكيا بافتراض انها ماتشتغل الا في النهار وبالتالي مايكون فيه حاجة للخلفية ؟ هذي معلومة مهمة وخطيرة .