أضف سؤال أو موضوع جديد          

ابي اشتري سيارة من الشارقة الامارات

up 3 down 0
محمد 5225 15
قبل شهر



السلام عليكم ورحمة الله وبركاته 

يا اخوان انا بطلع الشارقة الامارات بعد اسبوعين سياحة وافكر اشتري سياره من هناك ، فما ادري كيف الاجرائات ووين احصل السيارات هل لها مكان محدد في الامارات تنصحوني اروح لهز، وكيف طريقة الدفع هل لازم اجيب الفلوس معاي من السعودية او كيف ؟ وطريقة الجمارك وشحن السياره ، واللي عنده اي توجيه او معلومة او نصيحة يفيدنا بها والفايده للجميع والله يجزاكم خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته .. بنسخ لك رد من ردود العضو/ ابو فرح
والله يسهل امورنا وياك .


up 0 down 0
alsamer3600 222
قبل شهر



المدة تقريبي من يومين الي 3 أيام واذا بتشحن ممكن تخلصها في يوم واحد لان راعي السطحة يكفيك اجراءات الحدود وياخذ عليك مبلغ تتفقون عليه .
ورقة المقاصة تطلعها من ادارة الجمرك للمدينة اللي السيارة سجلت فيها مثلا سيارتك دخلت من دبي تروح جمارك دبي عند شارع الكويت الصباح تاخذ رقم وتنتظر دورك وتعطيهم المعاملة ويسلمونها لك خلال ساعة او اكثر لكن لازم تعرف هل سيارتك لها ورقة مقاصة او لا ؟ السيارات اللي لم يمضي على وجودها في الامارات اكثر من سنتين تقدر تطلع لها ورقة مقاصة مثلا السيارة دخلت الامارات في 1-1-2017 معناها تقدر تطلع لها ورقة
اذا بتشتري من فرد روح فحص المرور عندهم فحص شامل يشيكون البودي والشاص وكل شي واذا نجح الموتر تسجله عندهم ياخذون عليك حوالي 350 درهم .

نقطه مهمة / لاتشتري وارد امريكي الا ومعاه شهادة clean title
لاتشتري الا وانت فاحص الموتر بدقة ويفضل تتأكد من ممشى السيارة عن طريق الوكالة بالاتصال او تروح لهم
لاتاخذ معك كاش بالعكس خذ شيك مصدق بأسمك من البنك اللي فيه فلوسك اذا عجبك شي تروح البنك المراسل في دبي وتصرفه ولاتحمل نفسك مسئولية حمل اموال معك
ضروري يكون معك شخص ثاني
ضروري تنتبه للبائع وكم له يملك السيارة - اذا من زمان فهذه علامة طيبة -
ضروري تساوم - اغلب الناس هناك محتاجة الكاش عادي اخصم عشرة الاف من سعره وبيوافق -
ضروري تعرف كم تسوى السيارة عندنا وهل يسوا الفرق لاتنسى تحسب - السفر - فرق العملة - الاجراءات - جمرك 5% - قيمة مضافة 5% - مصاريف متنوعة .


up 6 down 0
alsamer3600 222
قبل شهر



انا اسف لك وللجميع لعلي نسخت اشياء ممكن تشتتك ، لكن اكيد بيمر هنا هو ويضيف بعض النقاط المهمه .


up 1 down 0
alsamer3600 222
قبل شهر



Alsamer3600 ماقصرت يا الغالي كفيت ووفيت واذا باقي استفسار آخر انا بالخدمة


up 0 down 1
abofarah 1042
قبل شهر



الله يجزاكم خير ، ابي استفسر عن موضوع الشيك كيف طريقة دفع قيمة السيارة هناك ، انا حسابي وفلوسي في بنك الانماء 


up 1 down 0
محمد 5225 15
قبل شهر



المعذرة والله يابو فرح جيت بعطيك لايك ورفض قلت بجرب ديسلايك عشان يشتغل اللايك وللأسف رفض :(

نظام التقييمات في المنتدى غريب ومحزن .


up 2 down 0
alsamer3600 222
قبل شهر



ارجو اللي عنده أي معلومة أو نصيحة يعطينا والله يعطيكم العافيه ، وبالنسبه للشيك كيف اصرفه هناك عشان المبلغ اذا لقيت موتر اعجبني ؟ 


up 1 down 0
محمد 5225 15
قبل شهر



هلا محمد هذا اقتباس من ابو فرح ..

" لاتاخذ معك كاش بالعكس خذ شيك مصدق بأسمك من البنك اللي فيه فلوسك اذا عجبك شي تروح البنك المراسل في دبي وتصرفه ولاتحمل نفسك مسئولية حمل اموال معك"

اما بالنسبة لنا فأحنا مانعرف القيمة التقريبية للسيارة اللي تبيها عشان كذا ما نقدر نحدد ققيمة الشيك المصدق اللي
بتاخذه من الانماء وتصرفه هناك بناءً على قيمة السيارة .. وان شاء الله يجيك مين يفيدك اكثر لاني في الحقيقة
مالي تجارب في هذا الموضوع .


up 0 down 0
alsamer3600 222
قبل شهر



الله يجزاك خير يالسامر ، وش هو البنك المراسل ؟ وين اصرف الشيك هناك ؟


up 0 down 0
محمد 5225 15
قبل شهر



ما ادري والله اخوي محمد ، بإمكانك سؤال احد فروع بنك الانماء عن البنوك المراسلة في دبي وهم يفيدونك .


up 0 down 0
alsamer3600 222
قبل شهر



كل بنك في العالم له بنك مراسل في دولة ثانية فانت حسابك في الانماء اذا جيت تصدر الشيك المصرفي بيعلمونك اسم البنك اللي يتعاملون معه هناك وتحصل اسمه مكتوب على نفس الشيك . ترى الإجراءات اللازمة كثيرة وطويلة والاسعار ماعاد تشجع مثل اول بحكم المصاريف والأمر لك


up 0 down 0
abofarah 1042
قبل شهر



عطني جوالك على الخاص واكلمك اذا تبي اي خدمة انا حاضر


up 0 down 0
abofarah 1042
قبل شهر



تمشى وغير جو ومالك ومال وجع الراس يا كثر السيارات الى عندنا بالسعودية واسعار مقبوله
فكرت مثلك قبل سنتين وجلست مع واحد عاش في ابو ظبي واقنعني اصرف النظر لان الغش هناك كثير
ولو انغشيت تكون غبنه كبيره لان الاجراءات طويلة عندهم اما لو بالسعودية تاخذ حقك من عيونهم لانها ببلدك وتعرف
الى لك والى عليك




up 0 down 0
فـــ9ـــد 394
قبل شهر



السلام عليكم يا شباب لاهنتم اللي شاف كلامي ذا يطيني لايك لاهنتم بكتب موضوع خاص بستفسر فيه عن شي يقلي لازم يكون عندي 40 لايك لاهنتم تكفون لايك عشان اكتب موضوعي وشكراا لكم انا جديد عالموقع صراحه . 


up 3 down 0
احمد22115 16
قبل شهر