أضف سؤال أو موضوع جديد          

هل من رقيب على شريطية المعارض

up 6 down 0



السلام عليكم ورحمة الله وبركاتة
اولا الله يرزق كل مسلم من واسع فضله ولانحسد احد ولا نرضى الا بالخير للجميع
لكن مايحدث في معارض السيارات ومن بعض الشريطية شيء يفوق الوصف
الرزق الحلال مايجي بالتدليس والغش وخداع الناس خاصه المبتدئين ومن لايفهم في شراء السيارة
فهذا الشريطي يبيعك سيارة ويعرضها عليك كأنها الوكاله ويحط سعر من الخيال
وان جيت تبيع خسف بسلعتك اسفل السافلين
الا يتذكر هؤلاء قول الله تعالى "ويل للمطففين * اللذين اذ اكتالوا على الناس يستوفون * وإذا كالوهم او وزنوهم يخسرون"
ويقول عليه الصلاة والسلام "من غشنا فليس منا"
البعض منهم يحسبها شطاره او ذكاء انه بخس سلعة المشتري او ضحك عليه وباعه بسعر عالي مع عيوب يجهلها المشتري
والله ماتسوى الدنيا ومالها ان خسر الانسان دينه وخلقه
فخداع وغش المسلم لايجوز ..
ولانعمم على الجميع ولكنها ذكرى لمن اعماه الطمع والجشع واستسهل هذا الأمر وكسب من اجله مالا حراما يقتات منه هو واطفاله..
والمعذرة من الجميع ان كان موضوعي غير مناسب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كفى بالله رقيبا ومن سولت له يده الكذب فا في يوم الحساب يلقى جزاه


بعض الشريطية صارو يتفنون بالاحتيال على الناس وتعددت طرقهم واساليبهم
لكن الحل ان الواحد يكون راكد ولا يشتري الا بسعر معقول ومن يوم تشوف طريقة التسويق والمدح والكلام المعسول لاتشتري اللي بضاعته نظيفة هي تسوق لنفسها بنفسها مايحتاج يحلف ويقسم انها نظيفة وفرصة وووو الخ
الحذر واجب من كل شخص يحاول يصرف سلعته بالحلف والكلام المعسول


up 3 down 1




هي صحيفتك فاملأها بما تشاء.


up 7 down 2
d7ooom777 392
قبل شهر



ليش الكثير يدبسها من البنك وكوي البنك وجديد
ولا مستعمل مضروب و ورش وخساير


up 3 down 1



قبل سنه كان معي مبلغ وبشتري سياره 

لقيت كامري ٢٠١٢ عليه لوحات جمرك وحلف لي المعرض ان مافيها شي 

اخذتها لواحد ميكانيكي يفحصها يوم وصلت الورشه طلع الموتر مقلوب ومرشوش كامل والكبوت مايفتح الا بالقوه ولا يسكر الا بالقوه والشنطه نفس الشي 

والله العظيم ان هالشي صار لي شخصيا


up 3 down 0



هؤلاء الشريطيه ومن على شاكلتهم من بائعين الذمم.والامانة لاجل مال زائل ودنيا فانية.
1- حسابهم عند ربهم يوم يلقونه يوم الحشر الكبير.
2- عدم تصديقهم وعدم الوثوق ببضاعتهم ( سيارات ) مهما يحلفون .
3- إبراز واظهار العين الحمراء لهم وعدم ترك المجال لهم أو التهاون معهم .
4- الحذر منهم وتحذير الآخرين ان امكن.

والله المُستعان.


up 2 down 0
theuk1984 789
قبل شهر



في نظري أن المشكلة في أنهم أصبحوا أغلبية غالبة 
حين أسمع من يقول أعرف واحد في معرض كذا أو ورشة كذا يخاف الله
أتذكر الحديث النبوي المروي في الصحيحين وهو طويل وفيه.
فَيُصْبِحُ النَّاسُ يَتَبَايَعُونَ. لاَ يَكَادُ أَحَدٌ يُؤَدِّي الأَمَانَةَ حَتَّى يُقَالَ: إِنَّ فِي بَنِي فُلاَنٍ رَجُلاً أميناً.


up 2 down 0
ملوكي2015 26
قبل شهر



السلام عليكم يا شباب لاهنتم اللي شاف كلامي ذا يطيني لايك لاهنتم بكتب موضوع خاص بستفسر فيه عن شي يقلي لازم يكون عندي 40 لايك لاهنتم تكفون لايك عشان اكتب موضوعي وشكراا لكم انا جديد عالموقع صراحه . 


up 0 down 0
احمد22115 16
قبل 4 أسبوع و يوم