أضف سؤال أو موضوع جديد          

ماطور الهواء

up 3 down 1



ماطور الهواء مهم ومفيد لمستخدمي السيارات ،  وأسعارهن معقولة وحجمه صغير واحيانا تكون في سفر وبعيد عن البناشر  وتحتاجه  او في وقت متأخر ، وافضل من تمشي على الكفر وهو منسم ويخرب الكفر او تكون في بر وبعيد مرة فيصبح ضروري جدا ، وبعض السيارات يكون موجود فيها أساسا والبعض تشتريه أنت  ، والآن اغلب الكفرات تيوبلس وهذي ممتازة بس تعبي على طول مو مثل اول لازم لستك ويمكن ماينفعك الماطور وايضا لهواة النفود يسهل عليم مرة ابد نسم وتمش بالنفود وريح موترك وبعدها عبي بالماطور ، .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


من واقع تجربة كمبروسر التويوتا جيد للسيارات السيدان للطوارئ

أما لهواة البر فنصيحة ابحث عن النوعيات الأصلية الي سعرها غالي وآداءها عالي وأشتري الكمبروسور مرة واحدة وارتاح


up 2 down 0
أبو عبادة 4781
قبل 6 شهر



وازيد على كلامك لازم التأكد من فيش الولاعة اللي ينشبك فيه الماطور لان احيانا بعد استخدام الماطور بتنحرق فيوز الفيش ومحد ياخذ باله 


up 0 down 0
zax_makkah 222
قبل 6 شهر



افضل شيء الي يركب على البطاريه
ماتشيل هم فيوز الولاعه
بالنسبه للولاعه في نوعين واحد ولاعه وواحد منفذ شاحن
واحد منهم مايتحمل الماطور ويضرب الفيوز
بس ناسي مين الاقوى واط فيهم هو المناسب للمنفاخ



up 0 down 2
d7ooom777 390
قبل 6 شهر



 افضل يكون دايركت على البطارية  وايضا مهم السيارة تكون شغالة اقوى للماطور  واضمن للبطارية  .


up 1 down 1



انا شاري نوع ابو جمل بستمين ممتاز وسريع من الموقع 


up 1 down 0
ابوخلوودي1 5063
قبل 6 شهر



عندي شنطه صغيره فيها ماطور ابوجمل بستمين
وعدة البنشر مع الرقع تيوبلس وفيري واسفنجه ومقياس هواء اليكتروني
بالاضافه شنطة عفريته ٢طن بدال حق الوكاله المقص المتعبه
كلها ما تكلف ٣٠٠ ريال

وايضا ماتدري يمكن تسعف احد على الطريق وتكسب اجره


up 5 down 2
عثمان طميحي 25
قبل 6 شهر



صحيح اخوي عثمان هالاشياء مهمة ومفيدة وخاصة للمسافرين او لاهل البر والكشتات ،،، وبخصوص العفريتة اعتقد تقصد مايسمى التمساح وهي تناسب السيارات الصغيرة ماتحتاج ارتفاع  لاتحفر لها ولاشي ومريحة لانها هيدروليك وقد حصلت منها صينية تقريبا ١٥٠ وهي لابأس تمشي الحال خصوص السيارات الخفيفة وترفع السيارة بسهولة مثل حقت البناشر  بس انها صغيرة يعيبها وزنها شوي ثقيل وتاخذ مساحة وتساعدك حتى في التغريزات وفيه نوع ياباني اجود حول ٢٥٠  افضل منها . 


up 1 down 0



حياك اخوي جبال والله يرفع قدرك مثل الجبال
ايوه اقصد التمساح
اليابانيه ٢ طن ب١٨٠ من محلات الجمله
الصينيه ٢ طن ما تتجاوز ١٠٠ ريال في الجمله
طبعا ٢ طن للسيدان و٣ طن للجيوب
الفرق ان اليابانيه تجي اطول شوي واجود واكيد اثقل لكن تتحمل افضل من الصينيه عند تجربه
ما انصح في الصينيه ابد كان معي وحده ومره فرطت وخر منها الزيت ما بالك لو كنت تحت السياره
اليابانيه ما شاء الله ارفع بها الجنب كامل كفرين واستخدمها للبنشر ولتغيير الزيت ومن احسن ما يكون


up 1 down 0
عثمان طميحي 25
قبل 6 شهر



الله يجزاك خير اخوي عثمان ،  انا معي الصينية من خمس سنوات وزي ماقلت ماهي  ذيك الجودة  مرة استخدمتها لسيارتي وهي النترا يعني خفيفة  والظاهر كنت في رمل  ورافعها عالاخير ومالت السيارة  وانعفط ذراع العفريتة شوي.ومازلت استخدمها لكن الدخول تحت السيارة خطير ولجميع انواع الرافعات الصغيرة ويوجد مثبته حديد لتثبيت السيارة عليها يسمونها جحشة   ) jack stand  والافضل الاصلية بعد لانها مهمة وخطر لو نزلت .


up 1 down 0



عندي تبع تويوتا كامري

شغلته قلت بجرب عليه صوت اللي اخر الحاره يسمعه





up 0 down 0
aboahmed2014 1028
قبل 6 شهر