أضف سؤال أو موضوع جديد          

الفحص الدوري مسجل على سيارتي قراءة عداد خاطئة. ايش الحل؟

up 5 down 4
abukaled144 41
قبل 2 سنه و 8 شهر



السلام عليكم... يا اخوان قبل سنتين وديت السيارة الفحص وسجل الفني قراءة العداد خطأ ولم انتبه لها بقدر اهتمامي بنجاح السيارة.
والان الي خلاني افتح الموضوع هو برنامج موجز

اشتركت في برنامج موجز ب68ريال عشان أشوف سيارتي من باب الفضول. المهم أتفاجأ انه مسجل لي معلومات كثيرة عن سيارتي من زمان ومن ضمنها هذا الخطأ السابق وعلى طول رحت للفحص الدوري عشان يغيرون الخطأ فطلبوا إثبات لتاريخ السيارة وصيانتها من الوكالة فقمت وذهبت للوكالة واحضرت كشف الصيانة فيه كل تفاصيل السيارة من صيانة دورية.... الخ ومن ضمنها تسجيل قراءة العداد والتاريخ لها وعندما سلمتها للفحص رفع لي معاملة للإدارة وجاء الرد للأسف أن البيانات حق جميع السيارات يتم ادخلها الأرشيف كل نهاية سنة كاملة ثم تحفظ ولا يمكن بعد ذلك التعديل عليها!!!!

يا اخوان الان من الغلطان انا ولا الفحص الدوري ولا برنامج موجز. والله طفشت من ذا الموضوع وش اسوي. راجعت المرور قال ارجع للفحص والفحص يقول خلاص ما بيدنا شيء . هل هذا منطقي!!!
أفيدوني جزاكم الله خير.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لو بعت السيارة مستقبلا اكيد معلومات الوكالة ادق من الفحص لانه اخطاء الفحص ما تنتهي المهم الاوراق اللي طبعتها من الوكالة احتفظ فيها وان شاء الله المرة القادمة اذا فحصت سيارتك راح تتعدل الارقام واول شي لمن تدخل السيارة للفحص دقق مع العامل وقت التسجيل على الكيلومترات وراقب الكتابة معه لانه اغلبهم غشم ومع السرعة الخطأ وارد ا


up 5 down 0
العمدة 1434 1189
قبل 2 سنه و 8 شهر



اقشع لصقة الفحص والله ما منها أي فايدة الا اثناء البيع أو تجديد استمارة 
صيانة الوكالة معتمدة أكثر من الفحص إذا بغيت تبيع أو شي ولاتتعب عمرك في المراجعات وقلة الحيا


up 0 down 0
mohammed shareef 1088
قبل 2 سنه و 8 شهر



انت ما يهمك الا وقت البيع وهذا بيسبب لك مشكلة
لانه الي بيفحص بياخذ تقرير موجز لانه من المرور وبيعتمد عليه

مالك الا اذا فحصت مرة ثانية تعدل القرائة ولعلها تضبط



up 0 down 0
meshal alharbi 341
قبل 2 سنه و 8 شهر



عدلت القراءة طلع قراءة العداد مختلفة للفحص السابق واتهموني اني غيرت الطبلون والسياره مطلعها وكاله


up 0 down 0
ابوصالح الرياض 100
قبل سنه و 11 شهر