أضف سؤال أو موضوع جديد          

تجربتي مع نصب الورش

up 13 down 7
مشاااووير 129
قبل 4 شهر و 3 أسبوع



السلام عليكم 


باختصار 

كنت ماشي من حايل الى خميس مشيط 

كنت مركب كفرات صينيه 

ويوم وصلت لتندحه طلع فيه مطب مو واضح بنص الطريق 

ماشفته الا قريب مسكت برجل فرامل وبرجل جلنط ودعستهم اخر شي بقوه 

بعد المطب طلع بالموتر رجه 

ورشه قال غير عمود التوازن وغيرته 
ورشه قال مقص وغيرته 
ورشه قال ذراع وغيرته 

اخر ورشه قال عكوس والموتر وكاله ماله ٣ شهور معي 
وجلست شهرين من ورشه الى ورشه 


اخر شي مليت وبحثت بالنت قالوا ناس ان ضرب المطب يحبل بالكفرات 

رحت شريت طقم كفرات وركبته رجع الموتر وكاااااااااله 

طلع من الضربه حبلن الكفرات بس

اتمنى م طولت عليكم ولعل وعسى انه تنفع كم واحد قبل يتخسر مثل خسايري 

ركبوا لي قطع واكيد باعوا اللي فكوها مني لغيري حسبي الله ونعم الوكيل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لوكل شخص منا يقول لحقين الورش اذا قاله غير كذا يقوله اذا ماضبطت تتحمل قيمتها كان معاد سوو حركات التخمين حقتهم هووش عليه ماراح يدفع شي من جيبه بيقولك غير وغير عشان يلهف منك الفلوس وبعضهم بعد مدري وش اقوله عنه يجي للورشه ويقوله غير القطع وجب لي فاتوره على اساس انه مايلعب عليه وهو العامل يصير ماص دمه وهومايدري ترا مهي صعبه يتفق مع حق قطع الغيار خويه ويقوله سجل لي فى الفاتوره المبلغ الفلاني وهي تكون اقل او يقولك ركبت القطعه وهي عنده اوتحصله مااشتراها اصلا يجيبك فاتوره وانت مستانس  لازم الواحد يكون حريص على هذي الاشيا لاتثق فى احد 


up 8 down 2
fhody44 803
قبل 4 شهر و 3 أسبوع



اي بريك جامد شيك لى الكفرات
مهما كانت جودتها مجرد مطاط اول ما يتأثر


up 3 down 2
1405-1985 938
قبل 4 شهر و 3 أسبوع



وعليكم السلام ماعندنا ورش للاسف سباكين منتشرين بقوووة

لكن نصيحه اذا مسافر لمدينه ماتعرف شوارعها او لك فتره عنها انتبهوا من المطبات المفاجاه بالمداخل وخصوصا خصوصا
اذا ماشي ليل الركاده ياخوان اسلم لك وللناس ولسيارتك وعوافي اذا السالفه كفرات بعض المبطات تحرف السيارة وتسبب لك حادث
ولاقدر الله اعاقه او موت


up 8 down 0
المنطق يقول 721
قبل 4 شهر و 3 أسبوع



انا انحرف الموتر وضرب صبه لكن شلخها على خفيف السمكه وطرف الصدام الامامي وطرف الرفرف الخلفث مع الاسطب لكن الحمد لله على كل حال


up 1 down 1
مشاااووير 129
قبل 4 شهر و 3 أسبوع



خذها قاعدة اي شيء تغيره خذ القطع او التالفة على قولتهم معاك حتى لو قلك يبغالها تغير
واكيد القطع ياخذونها ويبيعونها لغيرك حرامية

والقاعدة الثانية مثل ماقال الاخ الي فوق اشرط عليه اذا ماضبطت يتحمل قيمتها

والحمدالله على السلامة الخساير تتعوض وحقك ماراح يضيع بالاخرة اهم شيء سلمت


up 2 down 1
xviper 134
قبل 4 شهر و 3 أسبوع



الله يعوضك خير
اذا مثلك موتري جديد رحت اتمشي جهة بدر
شارع عام كبير زفلت جديد مانتبهت الا بنص الشارع حفرة مجاري عميقة وماهي باينة مع لون الزفلت الجديد اكلتها ونفض الموتر نفض وانا ماشي 80

هذي من المشاكل عندنا يزفلتون الشارع وتصير حفر المجاري عميقة وتجلس اشهر لين تجي شركة ثانية عشان يرفعون الغطا وقتها مليون سيارة تكسرت من حفرتهم




up 3 down 0
ain501 204
قبل 4 شهر و 3 أسبوع



الله يعوضك خير
اذا مثلك موتري جديد رحت اتمشي جهة بدر
شارع عام كبير زفلت جديد مانتبهت الا بنص الشارع حفرة مجاري عميقة وماهي باينة مع لون الزفلت الجديد اكلتها ونفض الموتر نفض وانا ماشي 80

هذي من المشاكل عندنا يزفلتون الشارع وتصير حفر المجاري عميقة وتجلس اشهر لين تجي شركة ثانية عشان يرفعون الغطا وقتها مليون سيارة تكسرت من حفرتهم




up 0 down 2
ain501 204
قبل 4 شهر و 3 أسبوع



الحمد لله على سلامتك

والمطب هل هو اللي في بداية (تندحة),, بعد الكبري اللي في لفة مباشرة وانت جاي من جهة طريب باتجاه تندحه وخميس مشيط؟؟!
من كثر ما امر من هذيك المنطقة صرت اعرف اماكنها
عاد العن شيء مطبات ( القيره ) سواء رايح والا جاي


up 1 down 0
b or not be 1424
قبل 4 شهر و 3 أسبوع



مره طلع عندي صوت من المكينه قالولي الورش هذي التكايات تحتاج تصليح متخيلين إيش يعني تكايات والموتر ما مشى 60 ألف.

آخر شي شيكت مسامير الهدرز طلعت محلوله شديتها بالبيت وراح الصوت. بالله وش رأيكم؟


up 0 down 0
hemo1001 42
قبل 4 شهر و 3 أسبوع



والله مثلك بالضبط 

طلعت لي رجه فالطارة وصوت غريب رحت اكثر من ورشه وطلعو فيها الف عيب وعيب 
المهم في كفر من الكفرات قدام ممسوح رايح فيها غيرته ورجعت الامور فل الفل 

فعلا الورش ابداً مايوخذ بكلامهم 


up 0 down 0
محمد الوايلي 711 196
قبل 4 شهر و 3 أسبوع



لو هذا العامل اللي يخمن الأعطال سعودي
كان جميع السعوديين اخذو حقهم ريال ينطح ريال
لاكن كل ماطحنا في اجنبي سباك قلنا مسكين.


up 2 down 1
نوار الوذيناني 596
قبل 4 شهر و 3 أسبوع