اطلع سيارة كاش او اقساط افضل

على الحالتين اعمل حسابك ايقاف خدمات . الافضل تصلح موترك . او تاخذ مستعمل على قد فلوسك

وعليكم السلام
شوف وانا اخوك وانت حر الراي في ها الموضوع
تخذ سياره كاش افضل لك من كذا ناحيه انها بسمك وتسافر من غير تفويض او غيره وتفتك من سالفه اقساط
للوكاله او تاخير القسط واقلب الوكلات حاليآ مافي غير ايقاف خدمات
هذا واحد
اثنين
تخذ اقساط تامين شامل وتوفر ع نفسك معناه التامين ومشاكل الحوداث لا سمح الله
وتظمن انه لا صار شي ب السياره الوكاله تعوضعك بغيرها
انت طلبت الراي يخوك ولا تفكر نسدها في امرك لا والله بلعكس اول من يبارك لك فيها والف مبروك ويعطيك خيرها ويكفيك شرها يارب
نصيحه لك فكر واحسب حساباتك مضبوط وتوكل على الله
ربي يوفقك

أخذ قرض أفضل لك من نواحي كثير
اول شيء تكون السيارة باسمك

ثانياً الفائدة أقل

ثالثاً انت مو ملزم بشراء جديد من الوكالة يعني لو لقيت سيارة موديل 2017 نظيفة وأعجبتك تقدر تاخذ قرض وتشتريها وأكيد السعر بيكون أقل والقسط للبنك أقل

ولو حبيت تغير أو تبيع في أي وقت تقدر بدون قروشة البنك

وعليكم السلام
تبي النصيحة اخوي لا تاخذ لا قرض بسيارة ولا اقساط منت بحاجة ابد ترهق عمرك 5 سنين بدون فايده

ادخل جمعيات وجمع فلوسك وخلال 6 شهرو لسنه تجمع مبلغ طيب تشتري فيه سيارة مستخدمة نظيفة
وراك زواج وراك بيت اهم من السيارة مليون مررررة

adli3030

التامين ما يعوضك انت يعوض المالك
يعني انت خسران بكل شي بالتاجير

تبي نصيحة لا هذا ولا هذا امس والله كنت مع واحد من العيال قال انه اشترى نيسان سني موديل 2014 ماشية 80 الف بسعر 14000 ريال فانت دبرلك مستعمل نظيف وافحصه لين وخلك عله لين ماربي يفرجها عليك وعلي المسلمين وخر عن البنوك وشركات التاجير سواء قرض او تاجير منتهي بالتمليك ما وراهم الا الطفارة والظروف وايقاف الخدمات انتبه ثم انتبه ثم انتبه نصحة لك يا اخوي قد بلغت وقد اعذرت والله خليفتي على كل مسلم

قرض وتاخذها كاش افضل

دام اول عمرك الوظيفي خذ سيارة بسيطة مستعملة او جديدة لكن لاتتعدى 60 الف عشان تكون اقساط القرض الشخصي خفيفة وبعد خمس سنوات ان شاء الله بيزود راتبك وخذ بعدها تمويل شخصي كبير وطق سيارة محترمة المهم لاتاخذ تمويل تأجيري لانك ماتدري عن المستقبل يمكن تبي تظطر تبيع سيارتك و التأجيري ماتقدر , للاسف التمويل شر لابد منه لان اغلبنا ما انولد وبرصيد اوه ملايين و الجمعيات ماتدري عن الناس اللي معك لكن الحل الامثل خذ حياتك بالتدريج لفوق سيارة بسيطة لدوام بعد خمس سنوات سيارة محترمة وبعد خمس او ست سنوات سيارة فارهة تكيف عليها

حياك
اغلب الااعضاء انصحوك عن الااقساط وبلاويه
اكيد اللي ماجرب شايف وعارف مشاكل المنشار الاالي اللي التاجير
المنتهي باالتمليك
طلبت رايي اهم شي تحط براسك ان السيارة وسيله ماهي غاية
ابتقول مااقدر اجمع وماعندي كاش وابي سيارة توديني وتجيبني
بقولك خذ قرض لايتجاوز 30الف بتحصل صني موديل18اصفار
وفي موديلات19 سعرها34 الف 
ليت الشباب يفكرون اول مايتوضفون في بناء بيت وزوجة ويخلون السيارات
اخر همهم
وباالتوفيق

لا تبلش نفسك بالدين والاقساط وانت في بداية حياتك العملية خلك تستمع براتبك وايضا ما تدري عن الايام القادمة خلك ذيب وخذ لك سيارة نظيفة صغيرة صني او كورلا او سنترا او اكسنت او النترا هذي السيارات تكد وتمد وقطع متوفرة واقتصادية ابعد عن الدين ترى عمى العين والسيارة وسيلة نقل وليست مفاخر

اذا مامعك مبلغ كاش ولا تبي تنتظر تجمع   افضل لك تأخذ جديد اصفار لو أي شركة تخدمك باذن الله خمس سنين اذا الله ستر عليك ثم حافظت عليها وبعدين يرزقك الله وبكيفك لو تشتري غالي واللي نفسك فيه  ، صدقني الجديد اللي يخدمك ويقضي اشغالك افضل من  موتر غالي ولكن فيه خرابات والا كل مدة يتعطل عليك وخذ مصاريف وورش  والا قروض وبنوك تشفط جيبك وتدخل في دوامة ومشاكل انت في غنى عنها هذي نصيحة لك ولأي واحد  .