Mazda CX-9 ولا Genesis G-80

اولاً الفئتين تختلف..

ثانياً تعتمد على حسب استخدامك , معك عائلة ولا عزابي
راعي خطوط ولا داخل مدينه.. تمشي على طرق غير مسفلته او مكسره ولا لا

اذا راعي خطوط وماعندك عائلة عزابي انصح لك الجينيسس ضمانها 5 سنوات بدون تحديد الكيلومترات + صيانه مجانيه الى ممشى 100 بالاضافه فيها رساوه + عزل جبار خصوصا جي 80

اما معك عائله وتحتاج السياره لمشاوير صغيره داخل المدينه وتتحمل الكرف والشوارع المكسره خذ المازدا

طبعا انا مستخدم لجينيسس 2016 من 3 سنوات ونصف

والله راعي خطوط، مو متزوج بس عن قريب بتزوج.. 
أفكر اخذ الجنسيس دام للحين ماجو العيال

Mazda CX-9 وانت اولي بال 60 الف
أو خذ المازدا فول اوبشن

الجينيسيس خيار فخم وجميل والمازدا مهما تعددت مزاياها لايمكن ان تقارن بها لان الاولى فئة فاخرة والثانية سيدان 4 ابواب رياضي

فكل واحدة لها مستهلك وشخص يحتاجها ، بالمجمل اشوف انك تترك موضوع الاختيار بينهما لان مبدا اختيارك للسيارتين مع إحترامي (طفولي)

جميع السيارتين ممتازات لاي حالة اجتماعية ولكن الجينيسيس فاخرة ودفع خلفي ومزاياها كثيرة جدا دون ذكر الراحة والعزل والاتساع مع عرض الصيانة المغري
واما مازدا فهي سيدان رياضي مما يعني انك ستشتريها فقط لتستمتع بقيادتها وعليك ان تتحمل انعدام الراحة بسبب نظام التعليق وانعدام العزل
بسبب عدم وجود مواد عازلة هذا بدون ذكر ان ااالدفع الامامي مختلف عن الخلفي في القيادة 180 درجة

مافي اي وجه اقدر اقارنلك فيه بين السيارتين ولكن إستخير وخذ شي على ميزانيتك لان السيارة وسيلة نقل وليست الغاية

٦٠ الف خليها للزواج واذا اكثر افضل

قبل مانقارن، اشوف اكثر الشباب يقولوا لو معك عائلة خذ جيب!!!! ابغى اعرف ليش؟ لو عائلة مكونة من ٥ اشخاص ليش يحتاج جيب؟ المقعدين اللي في الخلف محد بيستخدمها! وفي كل الاحول ماتناسب غير الاطفال في هذه الفئة ( كروس اوفر) السيدان بتكون اوسع اوريح ونفس الشئ في السفر، وكل واحد مقعده مريح و واسع اما الجيب كلهم المقاعد محشورين علشان تكفي ٧ مقاعد.
نرجع للمقارنة الجي ٨٠ مكينة اكبر، قير افضل وافخم ودفع خلفي وضمان قوي، وقطع غيار في كل المدن ومحلات قطع الغيار وفيها مميزات كثير لكن مو لازم تاخذ اعلى فئه شوف الفئة اللي تحتاجها، يعني اذا السيارة استخدام شخص او عائله من ٢ ما تحتاج شاشات خلفية و تبريد وتسخين مقاعد خلفية والخ. 
المازدا مواصفاتها حلوة على اعلى فئه فيها رادار ونظام صوتي الخ. واعتقد الاثنين يفضلوا بنزين ٩٥

قارن بين مواصفات السيارتين وحدد احتياجك وقرر .

الجينسس
تعتبر سيارة فارهة مثل اللكسز
دفع خلفي ، مكينة اكبر تسارع واداء رياضي افضل
عزل طيب وشكلها فخم ومريحة ومناسبة لاستخدام المدينة والخطوط الطويلة
يعني السيارة بتستمتع بها وترتاح عليها بالبلد والخطوط لكن كونها سيدان بتتعبك اكثر بشوارعنا ولا تقدر تطلع بها عن الخط لو بغيت تتمشى في البر او تتمشى بالمطر بيكون مخاطرة بسيارتك وقد تعرضها للضرر بالنسبة للبنزين والصرفية ماعرف عنها شي
لكن اتوقع صرفيتها عالية شوي وبنزينها قد يكون 95

المازدا
سيارة SUV متعددة الاستخدامات
مرتفعة ودفع رباعي مستمر ان بغيتها استخدام بلد تمشيك وان بغيتها خطوط تمشيك وان بغيت تدخل بها بر تمشيك وبالنسبة لي اريح بالركوب والنزول من السيدان لكن طبعا فيها قساوة شوي وعزلها وراحتها ماتجي مثل الجينسس

شف استخدامك جرب السيارتين واستخر وقرر

جيي مازدا سي اكس ناين يعتبر من السيارات الفخمه
مواصفاته جباااااره ولا تحصلها في اي فئه من منافيسه
فيه فخاااامه وجمال وبنفس الوقت ينفع للبر الخفيف
شف فئه سقنتشر 2019.. سياره تستاهل قيمتها.. سعرها بالوكاله 125 وين تحصل بالسعر هذا مع هالمواصفات

مدري ترا بعد الزواج بتصرف و تزيد تكاليف الحياة عليك
خلك على سيارتك حتى لو وضعك المالي طيب
بعد اول ست شهور اعد دراسة الموضوع لا تستعجل

انا اشوف تأخذ لك مازدا 6 ستاندر قيمتها حدود ٧٨ الف ريال والباقي تحتفظ فيه لزواجك وامورك الثانية

مشكورين ياشباب على النصائح
انا بتزوج عن قريب وابي اكشخ بالجنسيس بس هذا الفكرة، مع ان المازدا مش بطالة
الله يكتب الي فيه الخير