المنتدى للقراءة فقط. تم نقل المنتدى إلى حراج السيارات.

ضغف دفع هواء مكيف اوبتيما

تقييم إيجابي 2 تقييم سلبي 1
ss super speed 129
قبل 7 سنه و 7 شهر



السلام عليكم 
عندي كيا اوبتيما دفع المكيف فيها ممتاز اول ما تكون واقفة فترة 
لكن بعد ما اسوقها نص ساعة يبدا دفع المكيف يضعف الين مايروح تماما يعني يكتم على الاخر      للعلم هو لما يكتم مايروح من الفتحات اللي اللي تحت او حقت القزاز يعني الكتمة مو من القسام في الطبلون 
امس غيرت فلتر المكيف ونفس المشكلة 
ياريت تفيدوني....











الردود


مروحة التكييف متعطله معاك تجيك بالدرج حق الطبلون شيك عليها 

تقييم إيجابي 3 تقييم سلبي 0
خااالد 1256 95
قبل 7 سنه و 7 شهر



مثل ماقال الاخ خالد
المروحه وقت التشغيل تكون بارده لمده ساعتين واذا احترت قل دفع الهواء
غير مروحه من التشليح ويضبط معك
المروحه ماتتصلح مختومه من المصنع ماينفع معها الف

تقييم إيجابي 0 تقييم سلبي 0
ماجد mot 10852
قبل 7 سنه و 7 شهر



شكلها الثلاجة يجيها ثلج لما يبدا يضعف جرب ترفع المروحة لاخر شي اذا بدا يقوا معك الهوا يعني تثلج الثلاجة

تقييم إيجابي 0 تقييم سلبي 0
7amood1930 182
قبل 7 سنه و 7 شهر



وعليكم السلام ورحمة الله وبركاته
نفس الحركة صارت معي في سيارة الشركة مرسيدس فان
السبب الثلاجة تنسد بسبب الثلج المتكون عليها
ونادرا يكون عطل المروحة
كيف تشخص العطل
خل الفريون على الوسط وامشي اذا استمر الهوا بدون تقطيع او انسداد
معناه الثلاجة تحتاج غسيل
اذا انقطع عندك الهوا معناه المروحة ضعيفه

لان الأوساخ اللي تتجمع على الثلاجة تمسك الرطوبه وما تخليها تروح لخارج السياره
فتتجمد وتسد مجرى الهوا


تقييم إيجابي 2 تقييم سلبي 0
عثمان طميحي 25
قبل 7 سنه و 7 شهر



طيب ايش اللي يخلي الثلاجة تتسدد 
واذا يبالها انضيف كم تكلفتها وهل لازم فك طبلون عشان تتنصف

تقييم إيجابي 0 تقييم سلبي 0
ss super speed 129
قبل 7 سنه و 7 شهر



قفل ال ac اذا ضعف الهوا دقيقتين كذا وارجع شغله وشكله مابيفصل وبيثلج والحل الثاني ارفع حرارة المكيف خليها 20 درجة وامكن بيزبط

تقييم إيجابي 0 تقييم سلبي 0
zax_makkah 247
قبل 7 سنه و 7 شهر