ايهم افضل مازدا او هوندا من حيث الجوده والكفاءه

وهذي فيديوهات مقارنة بين السيارتين بشكل مختصر

https://www.youtube.com/watch?v=WNyJwapGQRo


https://www.youtube.com/watch?v=CaaPwAcGGnw


وأما بالنسبة للي يقول قطع الهوندا أغلى ابشرك كل السيارات قطع غيارها غالية
لاتركز على قطع معينة وتتجاهل قطع ثانية وركز على جودة القطعة اللي شريتها كم راح خدمني مقابل اللي دفعته

قبل كم سنة نصحني واحد هنا بالمنتدى بالمازدا 6 موديل 2007 وقال قطعها رخيصة وفعلاً طلعت رخيصة بعض القطع
مثل رديتر المكيف بحوالي 800 ريال ورديتر المكينة بألف ريال وشوي

لكن الصدمة أنه جلود المقصات والجوزات (الركب) ماتنباع لحالها ، تنباع مع المقص كامل
وطلع الطقم الأمامي بحوالي 4 آلاف ريال وكسور وياليت تعمر
لاحظت اللي يستخدم السيارة بشوارع مثل شوارع جدة تُستهلك بسرعة مقارنة مع الهوندا الاكورد
يعني اللي وفرته في القطع الثانية رجعت تخسره على عضلات السيارة

وملاحظ جودة الربلات في المازدا أضعف من غيرها، شوف الموضوع هذا ولاحظ هذاالعيب الخطير
وتشوف الخرطوم المطاطي هذا كأنه عمره 20 سنة مو كأنه على راكب على سيارة موديل 2015


https://mazda.montada.haraj.com.sa/83189/

عفواً المازدا الCX5 ال2019 سعر الفل كامل منها 110 آلاف ريال رفعوا أسعارها مقارنة مع الموديلات السابقة
وأعلى فئة اللي هي فئة السقنتشر وأعلى من الفل كامل سعرها 118 ألف ريال وهذي الفئة نظيرة الCRV تورنق
وحبيت اضيف ان الاستاندر مافيها مكيف خلفي عكس الCRV موجود بكل الفئات

يعني تخيل المازدا فوق ضيق المساحة الخلفية مافيها مكيف في الخلف بفئة الاستاندر ماتصلح للي معه عائلة أبداً
ودائماً داخليات المازدا تجي بألوان غامقة كئيبة وماتنفع مع أجوائنا لأنه معروف الألوان الغامقة تمسك حرارة الشمس

شوف ضيق الشنطة من الخلف المازدا في الدقيقة 4:55 مافي مقارنة بينها وبين الCRV :


https://www.youtube.com/watch?v=OwlXX7dGOUQ


بالإضافة انه فئة الاستاندر مافيها كاميرا خلفية ولا تكاية في وسط المقاعد الخلفية عكس الCRV استاندر

نجي لإستهلاك الوقود حسب بطاقة هيئة المواصفات والمقاييس :
الCRV فئة الEX وفئة التورنق : 14,7 كم لكل لتر
الCRV باقي الفئات : 15,5 كم لكل لتر

الCX5 أقل فئة : 14,4 كم لكل لتر
الCX5 باقي الفئات : 14,0 كم لكل لتر
_____________________________________________________

وكمثال على الجودة المتدنية شوف كيف الكراسي الخلفية تطلع صوت وكأنها باب بيت شعبي قديم :)
في الدقيقة 5:38 :

https://www.youtube.com/watch?v=XhKrZ_FQQyU

لايغرك إنها مصنوعة في اليابان المازدا من بعد ماطاحت بأحضان فورد صارت تقلل الجودة
وكثير شركات يابانية دخلت فيها رؤوس أموال أمريكية وأوروبية وصارت تتحكم في الجودة وتقليل التكاليف

وعندي إضافة بسيطة عن الCRV ، ملاحظ شركة هوندا صارت تهتم اكثر في هذا الطراز أنه يكون مريح للعائلة اكثر
مثل ماذكرت سلفاً صارت المقاعد أكثر ليونة من الجيل السابق
وحتى الكفرات حطوها هانكوك كتجهيز أساسي من المصنع والمعروف عنها بالليونة والنعومة

وبالأخير كل واحد حر بإختياراته ومبروك مقدماً والله يعطيك خيرها ويكفيك شرها سواءًا كانت الهوندا أو المازدا