أضف سؤال أو موضوع جديد          

ايهم افضل مازدا او هوندا من حيث الجوده والكفاءه

up 3 down 0
mr.abdullah123 10
قبل أسبوع و 6 يوم



السلام عليكم ورحمه الله

حاب اعرف ايهم افضل مازدا 2019 CX5 او هوندا CRV 2019

يهمني هوا تحمل وكفائه السياره على مدى عدد الكيلومترات الي تمشي، يعني مثلاً بعد 200 الف كيلو اي سياره احتمال يطلع فيها مشاكل وكيف وضع الوكيل وسعر قطع الغيار وكذا .

انا قيادتي معتدله وحريص على السياره، ويهمني انه السياره تكون متماسكه على مدى السنين وماتكلفني كثير في الصيانه، ولو في اي سياره ثانيه كروس اوفر تنصح فيها ياليات تفيدني.

وشكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لو أنا مكانك راح اخذ ال CRV الجيل الحالي 2017-2019 من دون تردد لكن انت شوف ايش اللي يناسبك اكثر
لو انت من النوع اللي يغير سيارته كل 3 سنوات خذ المازدا ال CX5
ولو انت مثلي تقعد معاه السيارة اكثر خذ ال CRV

ليش أنا اخترت CRV ؟ لأنه شركة هوندا تمشي عكس التيار اللي تمشي فيه الشركات الثانية
وهي سياسة زيادة المواصفات لإغراء العميل وتخفيض الجودة لتقليل التكاليف وزيادة هامش الربح على المدى القصير
وعلى المدى الطويل عن طريق الربح من بيع قطع الغيار

روح معارض الوكالتين وشوف حتى الفرق في جودة الديكورات الداخلية بينهم
حتى لو تركز في البوية راح تلاحظ فرق ، المازدا لو تطالع في البوية من زاوية معينة تحس إنها مرشوشة في ورشة

ولو تستأجر كل وحدة منهم ليوم على الأقل راح تلاحظ الفرق في متعة القيادة والثبات والعزل لصالح الهوندا
والCRV تصميمها اكثر انسيابية من الأمام وشكلها أحلى من الخارج والداخل عدا الخلفية
وكراسيها الين واريح من الجيل السابق وحتى تقاسيمها أجمل وكأنها سيارة ألمانية

وواسعة اكثر من الداخل وصار فيها باكم فرامل الكتروني مثل الاكوردال2018 لتقوية الفرامل اكثر
ووضوح الكاميرا الخلفية اشوفها افضل من منافسينها صراحة
كذلك الكاميرا الجانبية للنقطة العمياء واشوفها ضرورية جداًّ وافضل من نظام الكشف عن النقطة العمياء ابو لمبة :)

ونظام الدفع بالعجلات الأربع تحسن اكثر مقارنة مع الجيل السابق

لكن نجي للعيوب ، للأسف غير متوفر فيها وسائد هوائية جانبية إلا في الفل كامل فئة التورنج حسب كتالوج الشركة
وهذا عيب كبير إذا عرفنا انه الأكورد من موديل 2011 صار فيها ارباقات جانبية بشكل قياسي على كل الفئات

وعلى الهوندا سيفيك من موديل 2018
نجي للعيب الثاني وهو السعر فئة التورنج اللي هي الفل كامل يوصل سعرها إلى 130 الف ريال
والفئة الأقل منها اللي هي ال EX يوصل سعرها إلى 118 الف ريال

والLX توصل إلى 109 آلاف ريال والDX اللي هي فئة الستاندر سعرها حوالي 95 الف ريال
طبعاً الأسعار هذي تزيد وتنقص حسب العروض وغير ثابتة ولي فترة مامريت على معرض وكالة هوندا

وبالمقابل المازدا أعلى فئة سعرها حوالي 104 آلاف ريال وهذا فرق كبير لكن لانغفل الفروق اللي بصالح الCRV
نجي للعيب الثالث وهو عدم توفر نظام التوقف التلقائي (الرادار) في الهوندا CRV حتى بأعلى فئة
بينما المازدا متوفر فيها

هذي أبرز العيوب وللأسف هذي العيوب غير موجودة في الCRV وارد أمريكا وأوروبا كمواصفات وكسعر
ولو أنا مكانك بنتظر ينزل موديل 2020 اكيد راح ينزل فيه نظام Honda Sensing اللي يشمل الرادار
واكيد راح تجي بوسائد جانبية بشكل قياسي على أقل فئة

وممكن تنزل بفئة بمحرك أصغر وتوربو لكن أنا أفضل محرك التنفس الطبيعي لأني ماراح احتاج إلى بنزين 95
وتنظيف البخاخات كل 10 آلاف كم

شوف هذا فيديو لحسن كتبي وتجربته للCRV ال2017 :


https://www.youtube.com/watch?v=qBW8lwA84qo&t=33s



up 0 down 0
nader2002 1644
قبل 6 ساعه و دقيقه



وهذي فيديوهات مقارنة بين السيارتين بشكل مختصر

https://www.youtube.com/watch?v=WNyJwapGQRo


https://www.youtube.com/watch?v=CaaPwAcGGnw


وأما بالنسبة للي يقول قطع الهوندا أغلى ابشرك كل السيارات قطع غيارها غالية
لاتركز على قطع معينة وتتجاهل قطع ثانية وركز على جودة القطعة اللي شريتها كم راح خدمني مقابل اللي دفعته

قبل كم سنة نصحني واحد هنا بالمنتدى بالمازدا 6 موديل 2007 وقال قطعها رخيصة وفعلاً طلعت رخيصة بعض القطع
مثل رديتر المكيف بحوالي 800 ريال ورديتر المكينة بألف ريال وشوي

لكن الصدمة أنه جلود المقصات والجوزات (الركب) ماتنباع لحالها ، تنباع مع المقص كامل
وطلع الطقم الأمامي بحوالي 4 آلاف ريال وكسور وياليت تعمر
لاحظت اللي يستخدم السيارة بشوارع مثل شوارع جدة تُستهلك بسرعة مقارنة مع الهوندا الاكورد
يعني اللي وفرته في القطع الثانية رجعت تخسره على عضلات السيارة

وملاحظ جودة الربلات في المازدا أضعف من غيرها، شوف الموضوع هذا ولاحظ هذاالعيب الخطير
وتشوف الخرطوم المطاطي هذا كأنه عمره 20 سنة مو كأنه على راكب على سيارة موديل 2015


https://mazda.montada.haraj.com.sa/83189/



up 0 down 0
nader2002 1644
قبل 5 ساعه و 46 دقيقه