أضف سؤال أو موضوع جديد          

نصيحتكم بخصوص لكزس ES

up 2 down 1
ابو عيد 911 4
قبل 2 سنه و شهر



السلام عليكم يا جماعة الخير انا مقبل على شراء ES ان شاء الله وانا بمنطقة ما حصلت فيها شي نظيف وين تنصحوني اروح بالنسبة لمعارض الرياض وجده يعني وين المعارض الي احصل فيها ES بكثره ووش الملاحظات الي بشكل عام تنصحوني فيها يعني مثل واحد قبل فتره نصحني ابعد عن مجموعة معارض بالرياض لأنهم يجيبون سيارات تكاسي وهل تنصحوني بوارد امريكي ولا خليجي ولا سعودي الله يجزاكم خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انصحك لا تاخذ اي سياره خليجيه بذات الكزس
الاغلب جايه من الامارات ومكدوده ب اوبر وكريم ومغير العداد
خذ سعودي وبحث عن السياره بتطبيق موجز ولا خذ امريكيه بعد اخذ تقرير كارفس و اوتو شيك
الافضل بنظري السعودي بس مبالغ بسعرها ثم بعدها الامريكي



up 3 down 0
nof55 5
قبل 2 سنه و شهر



معرض محمد الجهني بجدة 


up 1 down 1
ادميرال2002 233
قبل 2 سنه و شهر



أضم صوتي للأدميرال
معرض محمد الجهني بجده يجيب سيارات أمريكيه نظيفه ومضمونه
نعم سعره عالي ( موسه حاره ) لكن ماشاءالله سياراته نظيفه
وللمعلوميه معروف جداً من أيام الفوردات (الجراند ماركيز) والحين حوّل على اللكزس ES


up 2 down 1
jakwar2004 437
قبل 2 سنه و شهر



يعطيك خيرها مقدما ،،، ولاتاخذ اربعة سلندر لانك ح تكره السيارة بعد فترة وتبيعها وغالبا اكثر اللكزس es اربعة سلندر كانت ايجار ومكروفة وان شاء الله بتحصل سيارة نظيفة


up 3 down 0
zax_makkah 247
قبل 2 سنه و شهر



مجرد افالون مفخمة زود مدري ليه الناس تدور عنها و تشتري مستعمل بأغلى من افالون جديدة
اللكزس بالنسبة لي Lx اخر شكل مهو اللي قبل جلنط كورولا
و GS و LS اسطورة اللكزس و سبب انتشارها


up 3 down 2
مثقف سيارات 1142
قبل 2 سنه و شهر



من امريكا افضل لان ما عندهم نصابين مثلنا


up 1 down 0
mfh2009 365
قبل 2 سنه و شهر



انحش عنها نصيحه قطع نار ومو اي واحد يسوي لها صيانه وبالاخير كامري مطوره


up 3 down 0
سراب600 3400
قبل 2 سنه و شهر



السلام عليكم ورحمة الله وبركاته.
ياشباب شريت لكزس Es350 2007 فل كامل وحصلت تسريب زيت أسفل السياره.
ولما والدركسيون يلف في صوت طقطقه اقول يمكن العكس هل القطع غاليه ياشباب وممكن كم التكلفه وايش انواع الزيوت المناسبه لها والسؤال الثاني القير في D و DS - + ايش استخدمهم.
الكمبيوتر يقول افحص vcs او العكس ويش معناتها
اي قطع تركب علي لكزس الكامري ولا افالون


up 0 down 0
khaled 569
قبل سنه و 6 شهر